| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇абаал̣и • Paṭisambhidāmaggapāḷi |
43. бад̣̇зсавихааран̃аан̣анид̣̇д̣̇зсо
43. Padesavihārañāṇaniddeso
94. гат̇ам̣ самод̣̇аханз бан̃н̃аа бад̣̇зсавихаарз н̃аан̣ам̣? мижчаад̣̇идтибажжаяааби взд̣̇аяид̇ам̣, мижчаад̣̇идтивуубасамабажжаяааби взд̣̇аяид̇ам̣. саммаад̣̇идтибажжаяааби взд̣̇аяид̇ам̣, саммаад̣̇идтивуубасамабажжаяааби взд̣̇аяид̇ам̣. мижчаасан̇габбабажжаяааби взд̣̇аяид̇ам̣, мижчаасан̇габбавуубасамабажжаяааби взд̣̇аяид̇ам̣. саммаасан̇габбабажжаяааби взд̣̇аяид̇ам̣, саммаасан̇габбавуубасамабажжаяааби взд̣̇аяид̇ам̣…бз… мижчаавимуд̇д̇ибажжаяааби взд̣̇аяид̇ам̣, мижчаавимуд̇д̇ивуубасамабажжаяааби взд̣̇аяид̇ам̣. саммаавимуд̇д̇ибажжаяааби взд̣̇аяид̇ам̣, саммаавимуд̇д̇ивуубасамабажжаяааби взд̣̇аяид̇ам̣. чанд̣̇абажжаяааби взд̣̇аяид̇ам̣, чанд̣̇авуубасамабажжаяааби взд̣̇аяид̇ам̣. вид̇аггабажжаяааби взд̣̇аяид̇ам̣, вид̇аггавуубасамабажжаяааби взд̣̇аяид̇ам̣. сан̃н̃аабажжаяааби взд̣̇аяид̇ам̣, сан̃н̃аавуубасамабажжаяааби взд̣̇аяид̇ам̣.
94. Kathaṃ samodahane paññā padesavihāre ñāṇaṃ? Micchādiṭṭhipaccayāpi vedayitaṃ, micchādiṭṭhivūpasamapaccayāpi vedayitaṃ. Sammādiṭṭhipaccayāpi vedayitaṃ, sammādiṭṭhivūpasamapaccayāpi vedayitaṃ. Micchāsaṅkappapaccayāpi vedayitaṃ, micchāsaṅkappavūpasamapaccayāpi vedayitaṃ. Sammāsaṅkappapaccayāpi vedayitaṃ, sammāsaṅkappavūpasamapaccayāpi vedayitaṃ…pe… micchāvimuttipaccayāpi vedayitaṃ, micchāvimuttivūpasamapaccayāpi vedayitaṃ. Sammāvimuttipaccayāpi vedayitaṃ, sammāvimuttivūpasamapaccayāpi vedayitaṃ. Chandapaccayāpi vedayitaṃ, chandavūpasamapaccayāpi vedayitaṃ. Vitakkapaccayāpi vedayitaṃ, vitakkavūpasamapaccayāpi vedayitaṃ. Saññāpaccayāpi vedayitaṃ, saññāvūpasamapaccayāpi vedayitaṃ.
чанд̣̇о жа авуубасанд̇о ход̇и, вид̇агго жа авуубасанд̇о ход̇и, сан̃н̃аа жа авуубасанд̇аа ход̇и, д̇аббажжаяааби взд̣̇аяид̇ам̣. чанд̣̇о жа вуубасанд̇о ход̇и, вид̇агго жа авуубасанд̇о ход̇и, сан̃н̃аа жа авуубасанд̇аа ход̇и, д̇аббажжаяааби взд̣̇аяид̇ам̣. чанд̣̇о жа вуубасанд̇о ход̇и, вид̇агго жа вуубасанд̇о ход̇и, сан̃н̃аа жа авуубасанд̇аа ход̇и, д̇аббажжаяааби взд̣̇аяид̇ам̣. чанд̣̇о жа вуубасанд̇о ход̇и, вид̇агго жа вуубасанд̇о ход̇и, сан̃н̃аа жа вуубасанд̇аа ход̇и, д̇аббажжаяааби взд̣̇аяид̇ам̣. аббад̇д̇асса бад̇д̇ияаа ад̇т̇и аасавам̣, д̇асмимби таанз ануббад̇д̇з д̇аббажжаяааби взд̣̇аяид̇ам̣. д̇ам̣ н̃аад̇адтзна н̃аан̣ам̣, баж̇аананадтзна бан̃н̃аа. д̇зна вужжад̇и – ‘‘самод̣̇аханз бан̃н̃аа бад̣̇зсавихаарз н̃аан̣ам̣’’.
Chando ca avūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca vūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca vūpasanto hoti, saññā ca vūpasantā hoti, tappaccayāpi vedayitaṃ. Appattassa pattiyā atthi āsavaṃ, tasmimpi ṭhāne anuppatte tappaccayāpi vedayitaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘samodahane paññā padesavihāre ñāṇaṃ’’.
бад̣̇зсавихааран̃аан̣анид̣̇д̣̇зсо д̇зжад̇д̇аалийсамо.
Padesavihārañāṇaniddeso tecattālīsamo.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā / 43. бад̣̇зсавихааран̃аан̣анид̣̇д̣̇зсаван̣н̣анаа • 43. Padesavihārañāṇaniddesavaṇṇanā
