| Library / Tipiṭaka / ਤਿਪਿਟਕ • Tipiṭaka / ਪਟਿਸਮ੍ਭਿਦਾਮਗ੍ਗਪਾਲ਼ਿ • Paṭisambhidāmaggapāḷi |
੪੩. ਪਦੇਸવਿਹਾਰਞਾਣਨਿਦ੍ਦੇਸੋ
43. Padesavihārañāṇaniddeso
੯੪. ਕਥਂ ਸਮੋਦਹਨੇ ਪਞ੍ਞਾ ਪਦੇਸવਿਹਾਰੇ ਞਾਣਂ? ਮਿਚ੍ਛਾਦਿਟ੍ਠਿਪਚ੍ਚਯਾਪਿ વੇਦਯਿਤਂ, ਮਿਚ੍ਛਾਦਿਟ੍ਠਿવੂਪਸਮਪਚ੍ਚਯਾਪਿ વੇਦਯਿਤਂ। ਸਮ੍ਮਾਦਿਟ੍ਠਿਪਚ੍ਚਯਾਪਿ વੇਦਯਿਤਂ, ਸਮ੍ਮਾਦਿਟ੍ਠਿવੂਪਸਮਪਚ੍ਚਯਾਪਿ વੇਦਯਿਤਂ। ਮਿਚ੍ਛਾਸਙ੍ਕਪ੍ਪਪਚ੍ਚਯਾਪਿ વੇਦਯਿਤਂ, ਮਿਚ੍ਛਾਸਙ੍ਕਪ੍ਪવੂਪਸਮਪਚ੍ਚਯਾਪਿ વੇਦਯਿਤਂ। ਸਮ੍ਮਾਸਙ੍ਕਪ੍ਪਪਚ੍ਚਯਾਪਿ વੇਦਯਿਤਂ, ਸਮ੍ਮਾਸਙ੍ਕਪ੍ਪવੂਪਸਮਪਚ੍ਚਯਾਪਿ વੇਦਯਿਤਂ…ਪੇ॰… ਮਿਚ੍ਛਾવਿਮੁਤ੍ਤਿਪਚ੍ਚਯਾਪਿ વੇਦਯਿਤਂ, ਮਿਚ੍ਛਾવਿਮੁਤ੍ਤਿવੂਪਸਮਪਚ੍ਚਯਾਪਿ વੇਦਯਿਤਂ। ਸਮ੍ਮਾવਿਮੁਤ੍ਤਿਪਚ੍ਚਯਾਪਿ વੇਦਯਿਤਂ, ਸਮ੍ਮਾવਿਮੁਤ੍ਤਿવੂਪਸਮਪਚ੍ਚਯਾਪਿ વੇਦਯਿਤਂ। ਛਨ੍ਦਪਚ੍ਚਯਾਪਿ વੇਦਯਿਤਂ, ਛਨ੍ਦવੂਪਸਮਪਚ੍ਚਯਾਪਿ વੇਦਯਿਤਂ। વਿਤਕ੍ਕਪਚ੍ਚਯਾਪਿ વੇਦਯਿਤਂ, વਿਤਕ੍ਕવੂਪਸਮਪਚ੍ਚਯਾਪਿ વੇਦਯਿਤਂ। ਸਞ੍ਞਾਪਚ੍ਚਯਾਪਿ વੇਦਯਿਤਂ, ਸਞ੍ਞਾવੂਪਸਮਪਚ੍ਚਯਾਪਿ વੇਦਯਿਤਂ।
94. Kathaṃ samodahane paññā padesavihāre ñāṇaṃ? Micchādiṭṭhipaccayāpi vedayitaṃ, micchādiṭṭhivūpasamapaccayāpi vedayitaṃ. Sammādiṭṭhipaccayāpi vedayitaṃ, sammādiṭṭhivūpasamapaccayāpi vedayitaṃ. Micchāsaṅkappapaccayāpi vedayitaṃ, micchāsaṅkappavūpasamapaccayāpi vedayitaṃ. Sammāsaṅkappapaccayāpi vedayitaṃ, sammāsaṅkappavūpasamapaccayāpi vedayitaṃ…pe… micchāvimuttipaccayāpi vedayitaṃ, micchāvimuttivūpasamapaccayāpi vedayitaṃ. Sammāvimuttipaccayāpi vedayitaṃ, sammāvimuttivūpasamapaccayāpi vedayitaṃ. Chandapaccayāpi vedayitaṃ, chandavūpasamapaccayāpi vedayitaṃ. Vitakkapaccayāpi vedayitaṃ, vitakkavūpasamapaccayāpi vedayitaṃ. Saññāpaccayāpi vedayitaṃ, saññāvūpasamapaccayāpi vedayitaṃ.
ਛਨ੍ਦੋ ਚ ਅવੂਪਸਨ੍ਤੋ ਹੋਤਿ, વਿਤਕ੍ਕੋ ਚ ਅવੂਪਸਨ੍ਤੋ ਹੋਤਿ, ਸਞ੍ਞਾ ਚ ਅવੂਪਸਨ੍ਤਾ ਹੋਤਿ, ਤਪ੍ਪਚ੍ਚਯਾਪਿ વੇਦਯਿਤਂ। ਛਨ੍ਦੋ ਚ વੂਪਸਨ੍ਤੋ ਹੋਤਿ, વਿਤਕ੍ਕੋ ਚ ਅવੂਪਸਨ੍ਤੋ ਹੋਤਿ, ਸਞ੍ਞਾ ਚ ਅવੂਪਸਨ੍ਤਾ ਹੋਤਿ, ਤਪ੍ਪਚ੍ਚਯਾਪਿ વੇਦਯਿਤਂ। ਛਨ੍ਦੋ ਚ વੂਪਸਨ੍ਤੋ ਹੋਤਿ, વਿਤਕ੍ਕੋ ਚ વੂਪਸਨ੍ਤੋ ਹੋਤਿ, ਸਞ੍ਞਾ ਚ ਅવੂਪਸਨ੍ਤਾ ਹੋਤਿ, ਤਪ੍ਪਚ੍ਚਯਾਪਿ વੇਦਯਿਤਂ। ਛਨ੍ਦੋ ਚ વੂਪਸਨ੍ਤੋ ਹੋਤਿ, વਿਤਕ੍ਕੋ ਚ વੂਪਸਨ੍ਤੋ ਹੋਤਿ, ਸਞ੍ਞਾ ਚ વੂਪਸਨ੍ਤਾ ਹੋਤਿ, ਤਪ੍ਪਚ੍ਚਯਾਪਿ વੇਦਯਿਤਂ। ਅਪ੍ਪਤ੍ਤਸ੍ਸ ਪਤ੍ਤਿਯਾ ਅਤ੍ਥਿ ਆਸવਂ, ਤਸ੍ਮਿਮ੍ਪਿ ਠਾਨੇ ਅਨੁਪ੍ਪਤ੍ਤੇ ਤਪ੍ਪਚ੍ਚਯਾਪਿ વੇਦਯਿਤਂ। ਤਂ ਞਾਤਟ੍ਠੇਨ ਞਾਣਂ, ਪਜਾਨਨਟ੍ਠੇਨ ਪਞ੍ਞਾ। ਤੇਨ વੁਚ੍ਚਤਿ – ‘‘ਸਮੋਦਹਨੇ ਪਞ੍ਞਾ ਪਦੇਸવਿਹਾਰੇ ਞਾਣਂ’’।
Chando ca avūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca avūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca vūpasanto hoti, saññā ca avūpasantā hoti, tappaccayāpi vedayitaṃ. Chando ca vūpasanto hoti, vitakko ca vūpasanto hoti, saññā ca vūpasantā hoti, tappaccayāpi vedayitaṃ. Appattassa pattiyā atthi āsavaṃ, tasmimpi ṭhāne anuppatte tappaccayāpi vedayitaṃ. Taṃ ñātaṭṭhena ñāṇaṃ, pajānanaṭṭhena paññā. Tena vuccati – ‘‘samodahane paññā padesavihāre ñāṇaṃ’’.
ਪਦੇਸવਿਹਾਰਞਾਣਨਿਦ੍ਦੇਸੋ ਤੇਚਤ੍ਤਾਲੀਸਮੋ।
Padesavihārañāṇaniddeso tecattālīsamo.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਪਟਿਸਮ੍ਭਿਦਾਮਗ੍ਗ-ਅਟ੍ਠਕਥਾ • Paṭisambhidāmagga-aṭṭhakathā / ੪੩. ਪਦੇਸવਿਹਾਰਞਾਣਨਿਦ੍ਦੇਸવਣ੍ਣਨਾ • 43. Padesavihārañāṇaniddesavaṇṇanā
