| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. பதா⁴னஸுத்தவண்ணனா
3. Padhānasuttavaṇṇanā
13. ததியே ஸம்மப்பதா⁴னானீதி ஸுந்த³ரபதா⁴னானி உத்தமவீரியானி. ஸம்மப்பதா⁴னாதி பரிபுண்ணவீரியா. மாரதெ⁴ய்யாபி⁴பூ⁴தாதி தேபூ⁴மகவட்டஸங்கா²தங் மாரதெ⁴ய்யங் அபி⁴ப⁴வித்வா ஸமதிக்கமித்வா டி²தா. தே அஸிதாதி தே கீ²ணாஸவா அனிஸ்ஸிதா நாம. ஜாதிமரணப⁴யஸ்ஸாதி ஜாதிஞ்ச மரணஞ்ச படிச்ச உப்பஜ்ஜனகப⁴யஸ்ஸ, ஜாதிமரணஸங்கா²தஸ்ஸேவ வா ப⁴யஸ்ஸ. பாரகூ³தி பாரங்க³தா. தே துஸிதாதி தே கீ²ணாஸவா துட்டா² நாம. ஜெத்வா மாரங் ஸவாஹினிந்தி ஸஸேனகங் மாரங் ஜினித்வா டி²தா. தே அனேஜாதி தே கீ²ணாஸவா தண்ஹாஸங்கா²தாய ஏஜாய அனேஜா நிச்சலா நாம. நமுசிப³லந்தி மாரப³லங். உபாதிவத்தாதி அதிக்கந்தா. தே ஸுகி²தாதி தே கீ²ணாஸவா லோகுத்தரஸுகே²ன ஸுகி²தா நாம. தேனேவாஹ –
13. Tatiye sammappadhānānīti sundarapadhānāni uttamavīriyāni. Sammappadhānāti paripuṇṇavīriyā. Māradheyyābhibhūtāti tebhūmakavaṭṭasaṅkhātaṃ māradheyyaṃ abhibhavitvā samatikkamitvā ṭhitā. Te asitāti te khīṇāsavā anissitā nāma. Jātimaraṇabhayassāti jātiñca maraṇañca paṭicca uppajjanakabhayassa, jātimaraṇasaṅkhātasseva vā bhayassa. Pāragūti pāraṅgatā. Te tusitāti te khīṇāsavā tuṭṭhā nāma. Jetvā māraṃ savāhininti sasenakaṃ māraṃ jinitvā ṭhitā. Teanejāti te khīṇāsavā taṇhāsaṅkhātāya ejāya anejā niccalā nāma. Namucibalanti mārabalaṃ. Upātivattāti atikkantā. Te sukhitāti te khīṇāsavā lokuttarasukhena sukhitā nāma. Tenevāha –
‘‘ஸுகி²தா வத அரஹந்தோ, தண்ஹா நேஸங் ந விஜ்ஜதி;
‘‘Sukhitā vata arahanto, taṇhā nesaṃ na vijjati;
அஸ்மிமானோ ஸமுச்சி²ன்னோ, மோஹஜாலங் பதா³லித’’ந்தி. (ஸங்॰ நி॰ 3.76);
Asmimāno samucchinno, mohajālaṃ padālita’’nti. (saṃ. ni. 3.76);
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. பதா⁴னஸுத்தங் • 3. Padhānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. பதா⁴னஸுத்தவண்ணனா • 3. Padhānasuttavaṇṇanā
