| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
2. бад̇хаанасуд̇д̇аван̣н̣анаа
2. Padhānasuttavaṇṇanā
2. д̣̇уд̇ияз убхад̇об̣яуул̣хасан̇г̇аамаббавзсанасад̣̇исанд̇и яуд̣̇д̇хад̇т̇ааяа убхад̇ораасигад̇ажад̇уран̇г̇инисзнаамаж̇жхаббавзсанасад̣̇исам̣. д̣̇аанан̃жа яуд̣̇д̇хан̃жа самаанамаахууд̇и зд̇т̇а гат̇ам̣ банийд̣̇амубхаяам̣ самаанам̣? ж̇ийвид̇авинаасабхийруго хи яуж̇жхид̇ум̣ на саггод̇и, бхог̇агкаяабхийруго д̣̇аанам̣ д̣̇аад̇ум̣ на саггод̇и. ‘‘ж̇ийвид̇ан̃жа рагкиссаами, яуж̇жхиссаамий’’д̇и хи вад̣̇анд̇о на яуж̇жхад̇и, ж̇ийвид̇з бана аалаяам̣ виссаж̇ж̇зд̇ваа ‘‘хад̇т̇абаад̣̇аад̣̇ижчзд̣̇о ваа ход̇у маран̣ам̣ ваа, г̇ан̣хиссаамзд̇ам̣ иссарияа’’нд̇и уссаханд̇ова яуж̇жхад̇и . ‘‘бхог̇з жа рагкиссаами, д̣̇аанан̃жа д̣̇ассаамий’’д̇и вад̣̇анд̇оби на д̣̇ад̣̇аад̇и, бхог̇зсу бана аалаяам̣ биссаж̇ж̇зд̇ваа ‘‘махаад̣̇аанам̣ д̣̇ассаамий’’д̇и уссаханд̇ова д̣̇зд̇и. звам̣ д̣̇аанан̃жа яуд̣̇д̇хан̃жа самам̣ ход̇и. гин̃жа бхияяо – аббааби санд̇аа б̣ахугз ж̇инанд̇и, яат̇аа жа яуд̣̇д̇хз аббагааби вийрабурисаа б̣ахугз бхийрубурисз ж̇инанд̇и, звам̣ сад̣̇д̇хаад̣̇исамбанно аббагамби д̣̇аанам̣ д̣̇ад̣̇анд̇о б̣ахувид̇хам̣ лобхад̣̇осаиссаамажчарияад̣̇идтивижигижчаад̣̇ибхзд̣̇ам̣ д̇аббадибагкам̣ абхибхавад̇и, б̣ахун̃жа д̣̇аанавибаагам̣ ад̇хиг̇ажчад̇и. звамби д̣̇аанан̃жа яуд̣̇д̇хан̃жа самаанам̣. д̇знааха ‘‘аббамби жз сад̣̇д̣̇ахаано д̣̇ад̣̇аад̇и, д̇знзва со ход̇и сукий барад̇т̇аа’’д̇и.
2. Dutiye ubhatobyūḷhasaṅgāmappavesanasadisanti yuddhatthāya ubhatorāsikatacaturaṅginisenāmajjhappavesanasadisaṃ. Dānañca yuddhañca samānamāhūti ettha kathaṃ panīdamubhayaṃ samānaṃ? Jīvitavināsabhīruko hi yujjhituṃ na sakkoti, bhogakkhayabhīruko dānaṃ dātuṃ na sakkoti. ‘‘Jīvitañca rakkhissāmi, yujjhissāmī’’ti hi vadanto na yujjhati, jīvite pana ālayaṃ vissajjetvā ‘‘hatthapādādicchedo vā hotu maraṇaṃ vā, gaṇhissāmetaṃ issariya’’nti ussahantova yujjhati . ‘‘Bhoge ca rakkhissāmi, dānañca dassāmī’’ti vadantopi na dadāti, bhogesu pana ālayaṃ pissajjetvā ‘‘mahādānaṃ dassāmī’’ti ussahantova deti. Evaṃ dānañca yuddhañca samaṃ hoti. Kiñca bhiyyo – appāpi santā bahuke jinanti, yathā ca yuddhe appakāpi vīrapurisā bahuke bhīrupurise jinanti, evaṃ saddhādisampanno appakampi dānaṃ dadanto bahuvidhaṃ lobhadosaissāmacchariyadiṭṭhivicikicchādibhedaṃ tappaṭipakkhaṃ abhibhavati, bahuñca dānavipākaṃ adhigacchati. Evampi dānañca yuddhañca samānaṃ. Tenāha ‘‘appampi ce saddahāno dadāti, teneva so hoti sukhī paratthā’’ti.
аг̇аарасса хид̇ам̣ гасиг̇орагкаад̣̇и аг̇аарияам̣, д̇ам̣ над̇т̇и зд̇т̇аад̇и анаг̇аарияам̣, баб̣б̣аж̇ж̇аад̇и ааха ‘‘аг̇аарасса…бз… анаг̇аарияам̣ баб̣б̣аж̇ж̇а’’нд̇и. саб̣б̣уубад̇хибадиниссаг̇г̇ад̇т̇ааяаад̇и зд̇т̇а жад̇д̇ааро убад̇хий – гаамубад̇хи, канд̇хубад̇хи, гилзсубад̇хи, абхисан̇каарубад̇хийд̇и. гаамааби хи ‘‘яам̣ бан̃жа гаамаг̇ун̣з бадижжа уббаж̇ж̇ад̇и сукам̣ соманассам̣, аяам̣ гаамаанам̣ ассаад̣̇о’’д̇и (а. ни. 9.34) звам̣ вуд̇д̇асса сукасса, д̇ад̣̇ассаад̣̇анимид̇д̇асса ваа д̣̇угкасса ад̇хидтаанабхаавад̇о убад̇хийяад̇и зд̇т̇а суканд̇и иминаа важанад̇т̇зна ‘‘убад̇хий’’д̇и вужжанд̇и. канд̇хааби канд̇хамуулагасса д̣̇угкасса ад̇хидтаанабхаавад̇о, гилзсааби абааяад̣̇угкасса ад̇хидтаанабхаавад̇о, абхисан̇каарааби бхавад̣̇угкасса ад̇хидтаанабхаавад̇о ‘‘убад̇хий’’д̇и вужжанд̇и. саб̣б̣зсам̣ убад̇хийнам̣ бадиниссаг̇г̇о бахаанам̣ зд̇т̇аад̇и саб̣б̣уубад̇хибадиниссаг̇г̇ам̣, ниб̣б̣аанам̣. д̇знааха ‘‘саб̣б̣зсам̣ канд̇хуубад̇хи…бз… ниб̣б̣аанасса ад̇т̇ааяаа’’д̇и.
Agārassa hitaṃ kasigorakkhādi agāriyaṃ, taṃ natthi etthāti anagāriyaṃ, pabbajjāti āha ‘‘agārassa…pe… anagāriyaṃ pabbajja’’nti. Sabbūpadhipaṭinissaggatthāyāti ettha cattāro upadhī – kāmupadhi, khandhupadhi, kilesupadhi, abhisaṅkhārupadhīti. Kāmāpi hi ‘‘yaṃ pañca kāmaguṇe paṭicca uppajjati sukhaṃ somanassaṃ, ayaṃ kāmānaṃ assādo’’ti (a. ni. 9.34) evaṃ vuttassa sukhassa, tadassādanimittassa vā dukkhassa adhiṭṭhānabhāvato upadhīyati ettha sukhanti iminā vacanatthena ‘‘upadhī’’ti vuccanti. Khandhāpi khandhamūlakassa dukkhassa adhiṭṭhānabhāvato, kilesāpi apāyadukkhassa adhiṭṭhānabhāvato, abhisaṅkhārāpi bhavadukkhassa adhiṭṭhānabhāvato ‘‘upadhī’’ti vuccanti. Sabbesaṃ upadhīnaṃ paṭinissaggo pahānaṃ etthāti sabbūpadhipaṭinissaggaṃ, nibbānaṃ. Tenāha ‘‘sabbesaṃ khandhūpadhi…pe… nibbānassa atthāyā’’ti.
бад̇хаанасуд̇д̇аван̣н̣анаа нидтид̇аа.
Padhānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 2. бад̇хаанасуд̇д̇ам̣ • 2. Padhānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 2. бад̇хаанасуд̇д̇аван̣н̣анаа • 2. Padhānasuttavaṇṇanā
