| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
९. पधानसुत्तवण्णना
9. Padhānasuttavaṇṇanā
६९. नवमे पदहति एतेहीति पधानानि। उत्तमवीरियानि सेट्ठवीरियानि विसिट्ठस्स अत्थस्स साधनतो। किलेसानं संवरत्थायाति यथा अभिज्झादयो न उप्पज्जन्ति, एवं सतिया उपट्ठानेन किलेसानं संवरणत्थाय। पजहनत्थायाति कामवितक्कादीनं विनोदनत्थाय। पधानन्ति तस्सेव पजहनस्स साधनवसेन पवत्तवीरियं। कुसलानं धम्मानं ब्रूहनत्थायाति बोज्झङ्गसङ्खातानं कुसलधम्मानं वड्ढनत्थाय। पधानन्ति तस्सेव वड्ढनस्स साधनवसेन पवत्तवीरियं।
69. Navame padahati etehīti padhānāni. Uttamavīriyāni seṭṭhavīriyāni visiṭṭhassa atthassa sādhanato. Kilesānaṃ saṃvaratthāyāti yathā abhijjhādayo na uppajjanti, evaṃ satiyā upaṭṭhānena kilesānaṃ saṃvaraṇatthāya. Pajahanatthāyāti kāmavitakkādīnaṃ vinodanatthāya. Padhānanti tasseva pajahanassa sādhanavasena pavattavīriyaṃ. Kusalānaṃ dhammānaṃ brūhanatthāyāti bojjhaṅgasaṅkhātānaṃ kusaladhammānaṃ vaḍḍhanatthāya. Padhānanti tasseva vaḍḍhanassa sādhanavasena pavattavīriyaṃ.
पधानसुत्तवण्णना निट्ठिता।
Padhānasuttavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ९. पधानसुत्तं • 9. Padhānasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā) / ९. पधानसुत्तवण्णना • 9. Padhānasuttavaṇṇanā
