| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๓. ปธานสุตฺตวณฺณนา
3. Padhānasuttavaṇṇanā
๑๓. ตติเย สมฺมปฺปธานานีติ สุนฺทรปธานานิ อุตฺตมวีริยานิฯ สมฺมปฺปธานาติ ปริปุณฺณวีริยาฯ มารเธยฺยาภิภูตาติ เตภูมกวฎฺฎสงฺขาตํ มารเธยฺยํ อภิภวิตฺวา สมติกฺกมิตฺวา ฐิตาฯ เต อสิตาติ เต ขีณาสวา อนิสฺสิตา นามฯ ชาติมรณภยสฺสาติ ชาติญฺจ มรณญฺจ ปฎิจฺจ อุปฺปชฺชนกภยสฺส, ชาติมรณสงฺขาตเสฺสว วา ภยสฺสฯ ปารคูติ ปารงฺคตาฯ เต ตุสิตาติ เต ขีณาสวา ตุฎฺฐา นามฯ เชตฺวา มารํ สวาหินินฺติ สเสนกํ มารํ ชินิตฺวา ฐิตาฯ เต อเนชาติ เต ขีณาสวา ตณฺหาสงฺขาตาย เอชาย อเนชา นิจฺจลา นามฯ นมุจิพลนฺติ มารพลํฯ อุปาติวตฺตาติ อติกฺกนฺตาฯ เต สุขิตาติ เต ขีณาสวา โลกุตฺตรสุเขน สุขิตา นามฯ เตเนวาห –
13. Tatiye sammappadhānānīti sundarapadhānāni uttamavīriyāni. Sammappadhānāti paripuṇṇavīriyā. Māradheyyābhibhūtāti tebhūmakavaṭṭasaṅkhātaṃ māradheyyaṃ abhibhavitvā samatikkamitvā ṭhitā. Te asitāti te khīṇāsavā anissitā nāma. Jātimaraṇabhayassāti jātiñca maraṇañca paṭicca uppajjanakabhayassa, jātimaraṇasaṅkhātasseva vā bhayassa. Pāragūti pāraṅgatā. Te tusitāti te khīṇāsavā tuṭṭhā nāma. Jetvā māraṃ savāhininti sasenakaṃ māraṃ jinitvā ṭhitā. Teanejāti te khīṇāsavā taṇhāsaṅkhātāya ejāya anejā niccalā nāma. Namucibalanti mārabalaṃ. Upātivattāti atikkantā. Te sukhitāti te khīṇāsavā lokuttarasukhena sukhitā nāma. Tenevāha –
‘‘สุขิตา วต อรหโนฺต, ตณฺหา เนสํ น วิชฺชติ;
‘‘Sukhitā vata arahanto, taṇhā nesaṃ na vijjati;
อสฺมิมาโน สมุจฺฉิโนฺน, โมหชาลํ ปทาลิต’’นฺติฯ (สํ. นิ. ๓.๗๖);
Asmimāno samucchinno, mohajālaṃ padālita’’nti. (saṃ. ni. 3.76);
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๓. ปธานสุตฺตํ • 3. Padhānasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๓. ปธานสุตฺตวณฺณนา • 3. Padhānasuttavaṇṇanā
