| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៣. បធានសុត្តវណ្ណនា
3. Padhānasuttavaṇṇanā
១៣. តតិយេ សម្មប្បធានានីតិ សុន្ទរបធានានិ ឧត្តមវីរិយានិ។ សម្មប្បធានាតិ បរិបុណ្ណវីរិយា។ មារធេយ្យាភិភូតាតិ តេភូមកវដ្ដសង្ខាតំ មារធេយ្យំ អភិភវិត្វា សមតិក្កមិត្វា ឋិតា។ តេ អសិតាតិ តេ ខីណាសវា អនិស្សិតា នាម។ ជាតិមរណភយស្សាតិ ជាតិញ្ច មរណញ្ច បដិច្ច ឧប្បជ្ជនកភយស្ស, ជាតិមរណសង្ខាតស្សេវ វា ភយស្ស។ បារគូតិ បារង្គតា។ តេ តុសិតាតិ តេ ខីណាសវា តុដ្ឋា នាម។ ជេត្វា មារំ សវាហិនិន្តិ សសេនកំ មារំ ជិនិត្វា ឋិតា។ តេ អនេជាតិ តេ ខីណាសវា តណ្ហាសង្ខាតាយ ឯជាយ អនេជា និច្ចលា នាម។ នមុចិពលន្តិ មារពលំ។ ឧបាតិវត្តាតិ អតិក្កន្តា។ តេ សុខិតាតិ តេ ខីណាសវា លោកុត្តរសុខេន សុខិតា នាម។ តេនេវាហ –
13. Tatiye sammappadhānānīti sundarapadhānāni uttamavīriyāni. Sammappadhānāti paripuṇṇavīriyā. Māradheyyābhibhūtāti tebhūmakavaṭṭasaṅkhātaṃ māradheyyaṃ abhibhavitvā samatikkamitvā ṭhitā. Te asitāti te khīṇāsavā anissitā nāma. Jātimaraṇabhayassāti jātiñca maraṇañca paṭicca uppajjanakabhayassa, jātimaraṇasaṅkhātasseva vā bhayassa. Pāragūti pāraṅgatā. Te tusitāti te khīṇāsavā tuṭṭhā nāma. Jetvā māraṃ savāhininti sasenakaṃ māraṃ jinitvā ṭhitā. Teanejāti te khīṇāsavā taṇhāsaṅkhātāya ejāya anejā niccalā nāma. Namucibalanti mārabalaṃ. Upātivattāti atikkantā. Te sukhitāti te khīṇāsavā lokuttarasukhena sukhitā nāma. Tenevāha –
‘‘សុខិតា វត អរហន្តោ, តណ្ហា នេសំ ន វិជ្ជតិ;
‘‘Sukhitā vata arahanto, taṇhā nesaṃ na vijjati;
អស្មិមានោ សមុច្ឆិន្នោ, មោហជាលំ បទាលិត’’ន្តិ។ (សំ. និ. ៣.៧៦);
Asmimāno samucchinno, mohajālaṃ padālita’’nti. (saṃ. ni. 3.76);
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៣. បធានសុត្តំ • 3. Padhānasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៣. បធានសុត្តវណ្ណនា • 3. Padhānasuttavaṇṇanā
