| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
3. පධානසුත්‌තවණ්‌ණනා
3. Padhānasuttavaṇṇanā
13. තතියෙ සම්‌මප්‌පධානානීති සුන්‌දරපධානානි උත්‌තමවීරියානි. සම්‌මප්‌පධානාති පරිපුණ්‌ණවීරියා. මාරධෙය්‍යාභිභූතාති තෙභූමකවට්‌ටසඞ්‌ඛාතං මාරධෙය්‍යං අභිභවිත්‌වා සමතික්‌කමිත්‌වා ඨිතා. තෙ අසිතාති තෙ ඛීණාසවා අනිස්‌සිතා නාම. ජාතිමරණභයස්‌සාති ජාතිඤ්‌ච මරණඤ්‌ච පටිච්‌ච උප්‌පජ්‌ජනකභයස්‌ස, ජාතිමරණසඞ්‌ඛාතස්‌සෙව වා භයස්‌ස. පාරගූති පාරඞ්‌ගතා. තෙ තුසිතාති තෙ ඛීණාසවා තුට්‌ඨා නාම. ජෙත්‌වා මාරං සවාහිනින්‌ති සසෙනකං මාරං ජිනිත්‌වා ඨිතා. තෙ අනෙජාති තෙ ඛීණාසවා තණ්‌හාසඞ්‌ඛාතාය එජාය අනෙජා නිච්‌චලා නාම. නමුචිබලන්‌ති මාරබලං. උපාතිවත්‌තාති අතික්‌කන්‌තා. තෙ සුඛිතාති තෙ ඛීණාසවා ලොකුත්‌තරසුඛෙන සුඛිතා නාම. තෙනෙවාහ –
13. Tatiye sammappadhānānīti sundarapadhānāni uttamavīriyāni. Sammappadhānāti paripuṇṇavīriyā. Māradheyyābhibhūtāti tebhūmakavaṭṭasaṅkhātaṃ māradheyyaṃ abhibhavitvā samatikkamitvā ṭhitā. Te asitāti te khīṇāsavā anissitā nāma. Jātimaraṇabhayassāti jātiñca maraṇañca paṭicca uppajjanakabhayassa, jātimaraṇasaṅkhātasseva vā bhayassa. Pāragūti pāraṅgatā. Te tusitāti te khīṇāsavā tuṭṭhā nāma. Jetvā māraṃ savāhininti sasenakaṃ māraṃ jinitvā ṭhitā. Teanejāti te khīṇāsavā taṇhāsaṅkhātāya ejāya anejā niccalā nāma. Namucibalanti mārabalaṃ. Upātivattāti atikkantā. Te sukhitāti te khīṇāsavā lokuttarasukhena sukhitā nāma. Tenevāha –
‘‘සුඛිතා වත අරහන්‌තො, තණ්‌හා නෙසං න විජ්‌ජති;
‘‘Sukhitā vata arahanto, taṇhā nesaṃ na vijjati;
අස්‌මිමානො සමුච්‌ඡින්‌නො, මොහජාලං පදාලිත’’න්‌ති. (සං. නි. 3.76);
Asmimāno samucchinno, mohajālaṃ padālita’’nti. (saṃ. ni. 3.76);
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 3. පධානසුත්‌තං • 3. Padhānasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 3. පධානසුත්‌තවණ්‌ණනා • 3. Padhānasuttavaṇṇanā
