| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੨. ਪਧਾਨਸੁਤ੍ਤવਣ੍ਣਨਾ
2. Padhānasuttavaṇṇanā
੨. ਦੁਤਿਯੇ ਪਧਾਨਾਨੀਤਿ વੀਰਿਯਾਨਿ। વੀਰਿਯਞ੍ਹਿ ਪਦਹਿਤਬ੍ਬਤੋ ਪਧਾਨਭਾવਕਰਣਤੋ વਾ ਪਧਾਨਨ੍ਤਿ વੁਚ੍ਚਤਿ। ਦੁਰਭਿਸਮ੍ਭવਾਨੀਤਿ ਦੁਸ੍ਸਹਾਨਿ ਦੁਪ੍ਪੂਰਿਯਾਨਿ, ਦੁਕ੍ਕਰਾਨੀਤਿ ਅਤ੍ਥੋ। ਅਗਾਰਂ ਅਜ੍ਝਾવਸਤਨ੍ਤਿ ਅਗਾਰੇ વਸਨ੍ਤਾਨਂ। ਚੀવਰਪਿਣ੍ਡਪਾਤਸੇਨਾਸਨਗਿਲਾਨਪਚ੍ਚਯਭੇਸਜ੍ਜਪਰਿਕ੍ਖਾਰਾਨੁਪ੍ਪਦਾਨਤ੍ਥਂ ਪਧਾਨਨ੍ਤਿ ਏਤੇਸਂ ਚੀવਰਾਦੀਨਂ ਚਤੁਨ੍ਨਂ ਪਚ੍ਚਯਾਨਂ ਅਨੁਪ੍ਪਦਾਨਤ੍ਥਾਯ ਪਧਾਨਂ ਨਾਮ ਦੁਰਭਿਸਮ੍ਭવਨ੍ਤਿ ਦਸ੍ਸੇਤਿ। ਚਤੁਰਤਨਿਕਮ੍ਪਿ ਹਿ ਪਿਲੋਤਿਕਂ, ਪਸਤਤਣ੍ਡੁਲਮਤ੍ਤਂ વਾ ਭਤ੍ਤਂ, ਚਤੁਰਤਨਿਕਂ વਾ ਪਣ੍ਣਸਾਲਂ, ਤੇਲਸਪ੍ਪਿਨવਨੀਤਾਦੀਸੁ વਾ ਅਪ੍ਪਮਤ੍ਤਕਮ੍ਪਿ ਭੇਸਜ੍ਜਂ ਪਰੇਸਂ ਦੇਥਾਤਿ વਤ੍ਤੁਮ੍ਪਿ ਨੀਹਰਿਤ੍વਾ ਦਾਤੁਮ੍ਪਿ ਦੁਕ੍ਕਰਂ ਉਭਤੋਬ੍ਯੂਲ਼੍ਹਸਙ੍ਗਾਮਪ੍ਪવੇਸਨਸਦਿਸਂ। ਤੇਨਾਹ ਭਗવਾ –
2. Dutiye padhānānīti vīriyāni. Vīriyañhi padahitabbato padhānabhāvakaraṇato vā padhānanti vuccati. Durabhisambhavānīti dussahāni duppūriyāni, dukkarānīti attho. Agāraṃ ajjhāvasatanti agāre vasantānaṃ. Cīvarapiṇḍapātasenāsanagilānapaccayabhesajjaparikkhārānuppadānatthaṃ padhānanti etesaṃ cīvarādīnaṃ catunnaṃ paccayānaṃ anuppadānatthāya padhānaṃ nāma durabhisambhavanti dasseti. Caturatanikampi hi pilotikaṃ, pasatataṇḍulamattaṃ vā bhattaṃ, caturatanikaṃ vā paṇṇasālaṃ, telasappinavanītādīsu vā appamattakampi bhesajjaṃ paresaṃ dethāti vattumpi nīharitvā dātumpi dukkaraṃ ubhatobyūḷhasaṅgāmappavesanasadisaṃ. Tenāha bhagavā –
‘‘ਦਾਨਞ੍ਚ ਯੁਦ੍ਧਞ੍ਚ ਸਮਾਨਮਾਹੁ,
‘‘Dānañca yuddhañca samānamāhu,
ਅਪ੍ਪਾਪਿ ਸਨ੍ਤਾ ਬਹੁਕੇ ਜਿਨਨ੍ਤਿ।
Appāpi santā bahuke jinanti;
ਅਪ੍ਪਮ੍ਪਿ ਚੇ ਸਦ੍ਦਹਾਨੋ ਦਦਾਤਿ,
Appampi ce saddahāno dadāti,
ਤੇਨੇવ ਸੋ ਹੋਤਿ ਸੁਖੀ ਪਰਤ੍ਥਾ’’ਤਿ॥ (ਜਾ॰ ੧.੮.੭੨; ਸਂ॰ ਨਿ॰ ੧.੩੩)।
Teneva so hoti sukhī paratthā’’ti. (jā. 1.8.72; saṃ. ni. 1.33);
ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਤਾਨਨ੍ਤਿ ਗੇਹਤੋ ਨਿਕ੍ਖਮਿਤ੍વਾ ਅਗਾਰਸ੍ਸ ਘਰਾવਾਸਸ੍ਸ ਹਿਤਾવਹੇਹਿ ਕਸਿਗੋਰਕ੍ਖਾਦੀਹਿ વਿਰਹਿਤਂ ਅਨਗਾਰਿਯਂ ਪਬ੍ਬਜ੍ਜਂ ਉਪਗਤਾਨਂ। ਸਬ੍ਬੂਪਧਿਪਟਿਨਿਸ੍ਸਗ੍ਗਤ੍ਥਾਯ ਪਧਾਨਨ੍ਤਿ ਸਬ੍ਬੇਸਂ ਖਨ੍ਧੂਪਧਿਕਿਲੇਸੂਪਧਿਅਭਿਸਙ੍ਖਾਰੂਪਧਿਸਙ੍ਖਾਤਾਨਂ ਉਪਧੀਨਂ ਪਟਿਨਿਸ੍ਸਗ੍ਗਸਙ੍ਖਾਤਸ੍ਸ ਨਿਬ੍ਬਾਨਸ੍ਸ ਅਤ੍ਥਾਯ વਿਪਸ੍ਸਨਾਯ ਚੇવ ਮਗ੍ਗੇਨ ਚ ਸਹਜਾਤવੀਰਿਯਂ। ਤਸ੍ਮਾਤਿ ਯਸ੍ਮਾ ਇਮਾਨਿ ਦ੍વੇ ਪਧਾਨਾਨਿ ਦੁਰਭਿਸਮ੍ਭવਾਨਿ, ਤਸ੍ਮਾ। ਦੁਤਿਯਂ।
Agārasmā anagāriyaṃ pabbajitānanti gehato nikkhamitvā agārassa gharāvāsassa hitāvahehi kasigorakkhādīhi virahitaṃ anagāriyaṃ pabbajjaṃ upagatānaṃ. Sabbūpadhipaṭinissaggatthāya padhānanti sabbesaṃ khandhūpadhikilesūpadhiabhisaṅkhārūpadhisaṅkhātānaṃ upadhīnaṃ paṭinissaggasaṅkhātassa nibbānassa atthāya vipassanāya ceva maggena ca sahajātavīriyaṃ. Tasmāti yasmā imāni dve padhānāni durabhisambhavāni, tasmā. Dutiyaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੨. ਪਧਾਨਸੁਤ੍ਤਂ • 2. Padhānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੨. ਪਧਾਨਸੁਤ੍ਤવਣ੍ਣਨਾ • 2. Padhānasuttavaṇṇanā
