| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
3-4. бад̇хаанияан̇г̇асуд̇д̇аад̣̇иван̣н̣анаа
3-4. Padhāniyaṅgasuttādivaṇṇanā
53-54. д̇ад̇ияз бад̣̇ахад̇ийд̇и бад̣̇ахано, бхааванамануяуд̇д̇о яог̇ий, д̇асса бхааво бхааванаануяог̇о бад̣̇аханабхааво. бад̇хаанамасса ад̇т̇ийд̇и бад̇хааниго, га-гаарасса яа-гаарам̣ гад̇ваа ‘‘бад̇хаанияо’’д̇и вуд̇д̇ам̣. ‘‘абхинийхаарад̇о бадтааяа ааг̇ад̇ад̇д̇аа’’д̇и вуд̇д̇ад̇д̇аа бажжзгаб̣од̇хисад̇д̇асаавагаб̣од̇хисад̇д̇аанамби бан̣ид̇хаанад̇о бабхуд̇и ааг̇ад̇асад̣̇д̇хаа ааг̇аманасад̣̇д̣̇аа зва, уггадтанид̣̇д̣̇зсзна бана ‘‘саб̣б̣ан̃н̃уб̣од̇хисад̇д̇аана’’нд̇и вуд̇д̇ам̣. ад̇хиг̇амад̇о самуд̣̇ааг̇ад̇ад̇д̇аа аг̇г̇амаг̇г̇апаласамбаяуд̇д̇аа жааби ад̇хиг̇амасад̣̇д̇хаа наама, яаа сод̇аабаннасса ан̇г̇абхаавзна вуд̇д̇аа. ажалабхаавзнаад̇и бадибагкзна анад̇хибхаванийяад̇д̇аа нижжалабхаавзна. огаббананд̇и огганд̣̇ид̇ваа ад̇химужжанам̣, басаад̣̇уббад̇д̇ияаа басаад̣̇анийяавад̇т̇усмим̣ басийд̣̇анамзва. суббадивид̣̇д̇ханд̇и судту бадивид̣̇д̇хам̣. яат̇аа д̇зна бадивид̣̇д̇хзна саб̣б̣ан̃н̃уд̇ан̃н̃аан̣ам̣ хад̇т̇аг̇ад̇ам̣ ахоси, д̇ат̇аа бадивид̣̇д̇хам̣. яасса б̣уд̣̇д̇хасуб̣уд̣̇д̇хад̇ааяа сад̣̇д̇хаа ажалаа асамбавзд̇хи, д̇асса д̇хаммасуд̇хаммад̇ааяа сан̇гхасуббадибаннад̇ааяа д̇зна бадивзд̇хзна сад̣̇д̇хаа на д̇ат̇аад̇и адтаанамзд̇ам̣ анавагаасо. д̇знааха бхаг̇аваа – ‘‘яо, бхигкавз, б̣уд̣̇д̇хз басанно д̇хаммз басанно сан̇гхз басанно’’д̇иаад̣̇и. бад̇хаанавийрияам̣ иж̇жхад̇и ‘‘ад̣̇д̇хаа имааяа бадибад̣̇ааяа ж̇араамаран̣ад̇о мужжиссаамий’’д̇и саггажжам̣ бад̣̇аханад̇о.
53-54. Tatiye padahatīti padahano, bhāvanamanuyutto yogī, tassa bhāvo bhāvanānuyogo padahanabhāvo. Padhānamassa atthīti padhāniko, ka-kārassa ya-kāraṃ katvā ‘‘padhāniyo’’ti vuttaṃ. ‘‘Abhinīhārato paṭṭhāya āgatattā’’ti vuttattā paccekabodhisattasāvakabodhisattānampi paṇidhānato pabhuti āgatasaddhā āgamanasaddā eva, ukkaṭṭhaniddesena pana ‘‘sabbaññubodhisattāna’’nti vuttaṃ. Adhigamato samudāgatattā aggamaggaphalasampayuttā cāpi adhigamasaddhā nāma, yā sotāpannassa aṅgabhāvena vuttā. Acalabhāvenāti paṭipakkhena anadhibhavanīyattā niccalabhāvena. Okappananti okkanditvā adhimuccanaṃ, pasāduppattiyā pasādanīyavatthusmiṃ pasīdanameva. Suppaṭividdhanti suṭṭhu paṭividdhaṃ. Yathā tena paṭividdhena sabbaññutaññāṇaṃ hatthagataṃ ahosi, tathā paṭividdhaṃ. Yassa buddhasubuddhatāya saddhā acalā asampavedhi, tassa dhammasudhammatāya saṅghasuppaṭipannatāya tena paṭivedhena saddhā na tathāti aṭṭhānametaṃ anavakāso. Tenāha bhagavā – ‘‘yo, bhikkhave, buddhe pasanno dhamme pasanno saṅghe pasanno’’tiādi. Padhānavīriyaṃ ijjhati ‘‘addhā imāya paṭipadāya jarāmaraṇato muccissāmī’’ti sakkaccaṃ padahanato.
абба-сад̣̇д̣̇о абхаавад̇т̇о ‘‘аббасад̣̇д̣̇асса…бз… ко банаа’’д̇иаад̣̇ийсу вияаад̇и ааха ‘‘арог̇о’’д̇и. самавзбаагинияаад̇и яат̇аабхуд̇д̇амаахаарам̣ самаагаарзнзва бажанасийлааяа. д̣̇ал̣хам̣ гад̇ваа бажанд̇ий хи г̇ахан̣ий гхорабхаавзна бид̇д̇авигаараад̣̇ивасзна рог̇ам̣ ж̇анзд̇и, сит̇илам̣ гад̇ваа бажанд̇ий манд̣̇абхаавзна ваад̇авигаараад̣̇ивасзна д̇знааха ‘‘наад̇исийд̇ааяа наажжун̣хааяаа’’д̇и. г̇ахан̣ид̇зж̇асса манд̣̇абадуд̇аавасзна сад̇д̇аанам̣ яат̇ааггамам̣ сийд̇ун̣хасахад̇аад̇и ааха ‘‘ад̇исийд̇алаг̇г̇ахан̣иго’’д̇иаад̣̇и. яаат̇аавад̇о ажжаяад̣̇зсанаа ад̇д̇ано аавигаран̣ам̣ наамаад̇и ааха ‘‘яат̇аабхууд̇ам̣ ад̇д̇ано аг̇ун̣ам̣ багаасзд̇аа’’д̇и. уд̣̇аяад̇т̇аг̇ааминияаад̇и сан̇каараанам̣ уд̣̇аяан̃жа ваяан̃жа бадивиж̇жханд̇ияаад̇и аяамзд̇т̇а ад̇т̇од̇и ааха ‘‘уд̣̇аяан̃жаа’’д̇иаад̣̇и. барисуд̣̇д̇хааяаад̇и нирубаггилзсааяа. ниб̣б̣иж̇жхид̇ум̣ самад̇т̇ааяаад̇и д̇ад̣̇ан̇г̇авасзна сависзсам̣ баж̇ахид̇ум̣ самад̇т̇ааяа. д̇асса д̣̇угкасса каяаг̇ааминияаад̇и яам̣ д̣̇угкам̣ имасмим̣ н̃аан̣з анад̇хиг̇ад̇з бавад̇д̇ирахам̣, ад̇хиг̇ад̇з на бавад̇д̇и, д̇ам̣ санд̇хааяа вад̣̇ад̇и. д̇ат̇аахзса яог̇ааважаро ‘‘жуул̣асод̇аабанно’’д̇и вужжад̇и. жад̇уд̇т̇ам̣ уд̇д̇аанамзва.
Appa-saddo abhāvattho ‘‘appasaddassa…pe… kho panā’’tiādīsu viyāti āha ‘‘arogo’’ti. Samavepākiniyāti yathābhuttamāhāraṃ samākāreneva pacanasīlāya. Daḷhaṃ katvā pacantī hi gahaṇī ghorabhāvena pittavikārādivasena rogaṃ janeti, sithilaṃ katvā pacantī mandabhāvena vātavikārādivasena tenāha ‘‘nātisītāya nāccuṇhāyā’’ti. Gahaṇitejassa mandapaṭutāvasena sattānaṃ yathākkamaṃ sītuṇhasahatāti āha ‘‘atisītalaggahaṇiko’’tiādi. Yāthāvato accayadesanā attano āvikaraṇaṃ nāmāti āha ‘‘yathābhūtaṃ attano aguṇaṃ pakāsetā’’ti. Udayatthagāminiyāti saṅkhārānaṃ udayañca vayañca paṭivijjhantiyāti ayamettha atthoti āha ‘‘udayañcā’’tiādi. Parisuddhāyāti nirupakkilesāya. Nibbijjhituṃ samatthāyāti tadaṅgavasena savisesaṃ pajahituṃ samatthāya. Tassa dukkhassa khayagāminiyāti yaṃ dukkhaṃ imasmiṃ ñāṇe anadhigate pavattirahaṃ, adhigate na pavatti, taṃ sandhāya vadati. Tathāhesa yogāvacaro ‘‘cūḷasotāpanno’’ti vuccati. Catutthaṃ uttānameva.
бад̇хаанияан̇г̇асуд̇д̇аад̣̇иван̣н̣анаа нидтид̇аа.
Padhāniyaṅgasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
3. бад̇хаанияан̇г̇асуд̇д̇ам̣ • 3. Padhāniyaṅgasuttaṃ
4. самаяасуд̇д̇ам̣ • 4. Samayasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
3. бад̇хаанияан̇г̇асуд̇д̇аван̣н̣анаа • 3. Padhāniyaṅgasuttavaṇṇanā
4. самаяасуд̇д̇аван̣н̣анаа • 4. Samayasuttavaṇṇanā
