| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
3. бад̇хаанияан̇г̇асуд̇д̇аван̣н̣анаа
3. Padhāniyaṅgasuttavaṇṇanā
53. д̇ад̇ияз бад̇хаанияан̇г̇аанийд̇и бад̇хаанам̣ вужжад̇и бад̣̇аханабхааво, бад̇хаанамасса ад̇т̇ийд̇и бад̇хаанияо, бад̇хаанияасса бхигкуно ан̇г̇аанийд̇и бад̇хаанияан̇г̇аани. сад̣̇д̇ход̇и сад̣̇д̇хааяа саманнааг̇ад̇о. сад̣̇д̇хаа банзсаа ааг̇амасад̣̇д̇хаа ад̇хиг̇амасад̣̇д̇хаа огаббанасад̣̇д̇хаа басаад̣̇асад̣̇д̇хаад̇и жад̇уб̣б̣ид̇хаа. д̇ад̇т̇а саб̣б̣ан̃н̃уб̣од̇хисад̇д̇аанам̣ сад̣̇д̇хаа, абхинийхаарад̇о бадтааяа ааг̇ад̇ад̇д̇аа ааг̇амасад̣̇д̇хаа наама. арияасаавагаанам̣ бадивзд̇хзна ад̇хиг̇ад̇ад̇д̇аа ад̇хиг̇амасад̣̇д̇хаа наама. б̣уд̣̇д̇хо д̇хаммо сан̇гход̇и вуд̇д̇з ажалабхаавзна огаббанам̣ огаббанасад̣̇д̇хаа наама. басаад̣̇уббад̇д̇и басаад̣̇асад̣̇д̇хаа наама. ид̇ха огаббанасад̣̇д̇хаа ад̇хиббзд̇аа. б̣од̇хинд̇и жад̇умаг̇г̇ан̃аан̣ам̣. д̇ам̣ суббадивид̣̇д̇хам̣ д̇ат̇ааг̇ад̇знаад̇и сад̣̇д̣̇ахад̇и. д̣̇зсанаасийсамзва жзд̇ам̣, иминаа бана ан̇г̇зна д̇ийсуби рад̇анзсу сад̣̇д̇хаа ад̇хиббзд̇аа. яасса хи б̣уд̣̇д̇хаад̣̇ийсу басаад̣̇о б̣алаваа, д̇асса бад̇хаанавийрияам̣ иж̇жхад̇и.
53. Tatiye padhāniyaṅgānīti padhānaṃ vuccati padahanabhāvo, padhānamassa atthīti padhāniyo, padhāniyassa bhikkhuno aṅgānīti padhāniyaṅgāni. Saddhoti saddhāya samannāgato. Saddhā panesā āgamasaddhā adhigamasaddhā okappanasaddhā pasādasaddhāti catubbidhā. Tattha sabbaññubodhisattānaṃ saddhā, abhinīhārato paṭṭhāya āgatattā āgamasaddhā nāma. Ariyasāvakānaṃ paṭivedhena adhigatattā adhigamasaddhā nāma. Buddho dhammo saṅghoti vutte acalabhāvena okappanaṃ okappanasaddhā nāma. Pasāduppatti pasādasaddhā nāma. Idha okappanasaddhā adhippetā. Bodhinti catumaggañāṇaṃ. Taṃ suppaṭividdhaṃ tathāgatenāti saddahati. Desanāsīsameva cetaṃ, iminā pana aṅgena tīsupi ratanesu saddhā adhippetā. Yassa hi buddhādīsu pasādo balavā, tassa padhānavīriyaṃ ijjhati.
аббааб̣аад̇ход̇и арог̇о. аббаад̇ан̇год̇и нид̣̇д̣̇угко. самавзбаагинияаад̇и самавибаагинияаа. г̇ахан̣ияаад̇и гаммаж̇ад̇зж̇од̇хаад̇уяаа. наад̇исийд̇ааяа наажжун̣хааяаад̇и ад̇исийд̇алаг̇г̇ахан̣иго хи сийд̇абхийруго ход̇и, ажжун̣хаг̇г̇ахан̣иго ун̣хабхийруго, д̇зсам̣ бад̇хаанам̣ на иж̇жхад̇и, маж̇жхимаг̇г̇ахан̣игасса иж̇жхад̇и. д̇знааха – маж̇жхимааяа бад̇хаанагкамааяаад̇и. яат̇аабхууд̇ам̣ ад̇д̇аанам̣ аавигад̇д̇аад̇и яат̇аабхууд̇ам̣ ад̇д̇ано аг̇ун̣ам̣ багаасзд̇аа. уд̣̇аяад̇т̇аг̇ааминияаад̇и уд̣̇аяан̃жа ад̇т̇ан̃жа г̇анд̇ум̣ барижчинд̣̇ид̇ум̣ самад̇т̇ааяа. зд̇зна бан̃н̃аасалагкан̣абариг̇г̇аахагам̣ уд̣̇аяаб̣б̣аяан̃аан̣ам̣ вуд̇д̇ам̣. арияааяаад̇и барисуд̣̇д̇хааяа. ниб̣б̣зд̇хигааяаад̇и аниб̣б̣ид̣̇д̇хабуб̣б̣з лобхагканд̇хаад̣̇аяо ниб̣б̣иж̇жхид̇ум̣ самад̇т̇ааяа. саммаа д̣̇угкагкаяаг̇ааминияаад̇и д̇ад̣̇ан̇г̇авасзна гилзсаанам̣ бахийнад̇д̇аа яам̣ д̣̇угкам̣ кийяад̇и, д̇асса д̣̇угкасса каяаг̇ааминияаа. ид̇и саб̣б̣зхиби имзхи бад̣̇зхи вибассанаабан̃н̃аава гат̇ид̇аа. д̣̇уббан̃н̃асса хи бад̇хаанам̣ на иж̇жхад̇и.
Appābādhoti arogo. Appātaṅkoti niddukkho. Samavepākiniyāti samavipākiniyā. Gahaṇiyāti kammajatejodhātuyā. Nātisītāya nāccuṇhāyāti atisītalaggahaṇiko hi sītabhīruko hoti, accuṇhaggahaṇiko uṇhabhīruko, tesaṃ padhānaṃ na ijjhati, majjhimaggahaṇikassa ijjhati. Tenāha – majjhimāya padhānakkhamāyāti. Yathābhūtaṃattānaṃ āvikattāti yathābhūtaṃ attano aguṇaṃ pakāsetā. Udayatthagāminiyāti udayañca atthañca gantuṃ paricchindituṃ samatthāya. Etena paññāsalakkhaṇapariggāhakaṃ udayabbayañāṇaṃ vuttaṃ. Ariyāyāti parisuddhāya. Nibbedhikāyāti anibbiddhapubbe lobhakkhandhādayo nibbijjhituṃ samatthāya. Sammā dukkhakkhayagāminiyāti tadaṅgavasena kilesānaṃ pahīnattā yaṃ dukkhaṃ khīyati, tassa dukkhassa khayagāminiyā. Iti sabbehipi imehi padehi vipassanāpaññāva kathitā. Duppaññassa hi padhānaṃ na ijjhati.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 3. бад̇хаанияан̇г̇асуд̇д̇ам̣ • 3. Padhāniyaṅgasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 3-4. бад̇хаанияан̇г̇асуд̇д̇аад̣̇иван̣н̣анаа • 3-4. Padhāniyaṅgasuttādivaṇṇanā
