| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
8. бад̣̇ийбобамасуд̇д̇аван̣н̣анаа
8. Padīpopamasuttavaṇṇanā
984. адтамз нзва гааяоби гиламад̇и на жагкуунийд̇и ан̃н̃зсу хи гаммадтаанзсу гаммам̣ гаронд̇асса гааяоби гиламад̇и, жагкууниби вихан̃н̃анд̇и. д̇хаад̇угаммадтаанасмин̃хи гаммам̣ гаронд̇асса гааяо гиламад̇и, яанд̇з багкибид̇ваа бийл̣анаагаараббад̇д̇о вияа ход̇и. гасин̣агаммадтаанз гаммам̣ гаронд̇асса жагкууни панд̣̇анд̇и гиламанд̇и, нигкамид̇ваа бад̇анаагаараббад̇д̇аани вияа хонд̇и. имасмим̣ бана гаммадтаанз гаммам̣ гаронд̇асса нзва гааяо гиламад̇и, на агкийни вихан̃н̃анд̇и. д̇асмаа звамааха.
984. Aṭṭhame neva kāyopi kilamati na cakkhūnīti aññesu hi kammaṭṭhānesu kammaṃ karontassa kāyopi kilamati, cakkhūnipi vihaññanti. Dhātukammaṭṭhānasmiñhi kammaṃ karontassa kāyo kilamati, yante pakkhipitvā pīḷanākārappatto viya hoti. Kasiṇakammaṭṭhāne kammaṃ karontassa cakkhūni phandanti kilamanti, nikkhamitvā patanākārappattāni viya honti. Imasmiṃ pana kammaṭṭhāne kammaṃ karontassa neva kāyo kilamati, na akkhīni vihaññanti. Tasmā evamāha.
саб̣б̣асо руубасан̃н̃аананд̇иаад̣̇и гасмаа вуд̇д̇ам̣, гим̣ аанаабаанз гасин̣уг̇гхааданам̣ лаб̣бхад̇ийд̇и? д̇ибидагажуул̣аабхаяад̇т̇зро банааха – ‘‘яасмаа аанаабаананимид̇д̇ам̣ д̇аарагаруубамуд̇д̇аавалигаад̣̇исад̣̇исам̣ худ̇ваа бан̃н̃ааяад̇и, д̇асмаа д̇ад̇т̇а гасин̣уг̇гхааданам̣ лаб̣бхад̇ий’’д̇и. д̇ибидагажуул̣анааг̇ад̇т̇зро ‘‘на лаб̣бхад̇зваа’’д̇и ааха. алаб̣бханд̇з аяам̣ арияид̣̇д̇хиаад̣̇иго бабхзд̣̇о гасмаа г̇ахид̇од̇и? аанисам̣сад̣̇ассанад̇т̇ам̣. арияам̣ ваа хи ид̣̇д̇хим̣ жад̇д̇аари ваа руубааважараж̇жхаанаани жад̇ассо ваа аруубасамаабад̇д̇ияо нирод̇хасамаабад̇д̇им̣ ваа бад̇т̇аяамаанзна бхигкунаа аяам̣ аанаабаанассад̇исамаад̇хи саад̇хугам̣ манасигаад̇аб̣б̣о. яат̇аа хи наг̇арз лад̣̇д̇хз яам̣ жад̇уусу д̣̇исаасу удтаанагабхан̣д̣ам̣, д̇ам̣ жад̇уухи д̣̇ваарзхи наг̇арамзва бависад̇ийд̇и, ж̇анабад̣̇о лад̣̇д̇хо жа ход̇и. наг̇арассзва хзсо аанисам̣со. звам̣ аанаабаанассад̇исамаад̇хибхааванааяа аанисам̣со зса арияид̣̇д̇хиаад̣̇иго бабхзд̣̇о, саб̣б̣аагаарзна бхаавид̇з аанаабаанассад̇исамаад̇хисмим̣ саб̣б̣амзд̇ам̣ яог̇ино нибпаж̇ж̇ад̇ийд̇и аанисам̣сад̣̇ассанад̇т̇ам̣ вуд̇д̇ам̣. сукан̃жзд̇и зд̇т̇а сод̇и гасмаа на вуд̇д̇ам̣? яасмаа бхигкууд̇и имасмим̣ ваарз нааг̇ад̇ам̣.
Sabbasorūpasaññānantiādi kasmā vuttaṃ, kiṃ ānāpāne kasiṇugghāṭanaṃ labbhatīti? Tipiṭakacūḷābhayatthero panāha – ‘‘yasmā ānāpānanimittaṃ tārakarūpamuttāvalikādisadisaṃ hutvā paññāyati, tasmā tattha kasiṇugghāṭanaṃ labbhatī’’ti. Tipiṭakacūḷanāgatthero ‘‘na labbhatevā’’ti āha. Alabbhante ayaṃ ariyiddhiādiko pabhedo kasmā gahitoti? Ānisaṃsadassanatthaṃ. Ariyaṃ vā hi iddhiṃ cattāri vā rūpāvacarajjhānāni catasso vā arūpasamāpattiyo nirodhasamāpattiṃ vā patthayamānena bhikkhunā ayaṃ ānāpānassatisamādhi sādhukaṃ manasikātabbo. Yathā hi nagare laddhe yaṃ catūsu disāsu uṭṭhānakabhaṇḍaṃ, taṃ catūhi dvārehi nagarameva pavisatīti, janapado laddho ca hoti. Nagarasseva heso ānisaṃso. Evaṃ ānāpānassatisamādhibhāvanāya ānisaṃso esa ariyiddhiādiko pabhedo, sabbākārena bhāvite ānāpānassatisamādhismiṃ sabbametaṃ yogino nipphajjatīti ānisaṃsadassanatthaṃ vuttaṃ. Sukhañceti ettha soti kasmā na vuttaṃ? Yasmā bhikkhūti imasmiṃ vāre nāgataṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 8. бад̣̇ийбобамасуд̇д̇ам̣ • 8. Padīpopamasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 8. бад̣̇ийбобамасуд̇д̇аван̣н̣анаа • 8. Padīpopamasuttavaṇṇanā
