| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੮. ਪਦੀਪੋਪਮਸੁਤ੍ਤવਣ੍ਣਨਾ
8. Padīpopamasuttavaṇṇanā
੯੮੪. ਅਟ੍ਠਮੇ ਨੇવ ਕਾਯੋਪਿ ਕਿਲਮਤਿ ਨ ਚਕ੍ਖੂਨੀਤਿ ਅਞ੍ਞੇਸੁ ਹਿ ਕਮ੍ਮਟ੍ਠਾਨੇਸੁ ਕਮ੍ਮਂ ਕਰੋਨ੍ਤਸ੍ਸ ਕਾਯੋਪਿ ਕਿਲਮਤਿ, ਚਕ੍ਖੂਨਿਪਿ વਿਹਞ੍ਞਨ੍ਤਿ। ਧਾਤੁਕਮ੍ਮਟ੍ਠਾਨਸ੍ਮਿਞ੍ਹਿ ਕਮ੍ਮਂ ਕਰੋਨ੍ਤਸ੍ਸ ਕਾਯੋ ਕਿਲਮਤਿ, ਯਨ੍ਤੇ ਪਕ੍ਖਿਪਿਤ੍વਾ ਪੀਲ਼ਨਾਕਾਰਪ੍ਪਤ੍ਤੋ વਿਯ ਹੋਤਿ। ਕਸਿਣਕਮ੍ਮਟ੍ਠਾਨੇ ਕਮ੍ਮਂ ਕਰੋਨ੍ਤਸ੍ਸ ਚਕ੍ਖੂਨਿ ਫਨ੍ਦਨ੍ਤਿ ਕਿਲਮਨ੍ਤਿ, ਨਿਕ੍ਖਮਿਤ੍વਾ ਪਤਨਾਕਾਰਪ੍ਪਤ੍ਤਾਨਿ વਿਯ ਹੋਨ੍ਤਿ। ਇਮਸ੍ਮਿਂ ਪਨ ਕਮ੍ਮਟ੍ਠਾਨੇ ਕਮ੍ਮਂ ਕਰੋਨ੍ਤਸ੍ਸ ਨੇવ ਕਾਯੋ ਕਿਲਮਤਿ, ਨ ਅਕ੍ਖੀਨਿ વਿਹਞ੍ਞਨ੍ਤਿ। ਤਸ੍ਮਾ ਏવਮਾਹ।
984. Aṭṭhame neva kāyopi kilamati na cakkhūnīti aññesu hi kammaṭṭhānesu kammaṃ karontassa kāyopi kilamati, cakkhūnipi vihaññanti. Dhātukammaṭṭhānasmiñhi kammaṃ karontassa kāyo kilamati, yante pakkhipitvā pīḷanākārappatto viya hoti. Kasiṇakammaṭṭhāne kammaṃ karontassa cakkhūni phandanti kilamanti, nikkhamitvā patanākārappattāni viya honti. Imasmiṃ pana kammaṭṭhāne kammaṃ karontassa neva kāyo kilamati, na akkhīni vihaññanti. Tasmā evamāha.
ਸਬ੍ਬਸੋ ਰੂਪਸਞ੍ਞਾਨਨ੍ਤਿਆਦਿ ਕਸ੍ਮਾ વੁਤ੍ਤਂ, ਕਿਂ ਆਨਾਪਾਨੇ ਕਸਿਣੁਗ੍ਘਾਟਨਂ ਲਬ੍ਭਤੀਤਿ? ਤਿਪਿਟਕਚੂਲ਼ਾਭਯਤ੍ਥੇਰੋ ਪਨਾਹ – ‘‘ਯਸ੍ਮਾ ਆਨਾਪਾਨਨਿਮਿਤ੍ਤਂ ਤਾਰਕਰੂਪਮੁਤ੍ਤਾવਲਿਕਾਦਿਸਦਿਸਂ ਹੁਤ੍વਾ ਪਞ੍ਞਾਯਤਿ, ਤਸ੍ਮਾ ਤਤ੍ਥ ਕਸਿਣੁਗ੍ਘਾਟਨਂ ਲਬ੍ਭਤੀ’’ਤਿ। ਤਿਪਿਟਕਚੂਲ਼ਨਾਗਤ੍ਥੇਰੋ ‘‘ਨ ਲਬ੍ਭਤੇવਾ’’ਤਿ ਆਹ। ਅਲਬ੍ਭਨ੍ਤੇ ਅਯਂ ਅਰਿਯਿਦ੍ਧਿਆਦਿਕੋ ਪਭੇਦੋ ਕਸ੍ਮਾ ਗਹਿਤੋਤਿ? ਆਨਿਸਂਸਦਸ੍ਸਨਤ੍ਥਂ। ਅਰਿਯਂ વਾ ਹਿ ਇਦ੍ਧਿਂ ਚਤ੍ਤਾਰਿ વਾ ਰੂਪਾવਚਰਜ੍ਝਾਨਾਨਿ ਚਤਸ੍ਸੋ વਾ ਅਰੂਪਸਮਾਪਤ੍ਤਿਯੋ ਨਿਰੋਧਸਮਾਪਤ੍ਤਿਂ વਾ ਪਤ੍ਥਯਮਾਨੇਨ ਭਿਕ੍ਖੁਨਾ ਅਯਂ ਆਨਾਪਾਨਸ੍ਸਤਿਸਮਾਧਿ ਸਾਧੁਕਂ ਮਨਸਿਕਾਤਬ੍ਬੋ। ਯਥਾ ਹਿ ਨਗਰੇ ਲਦ੍ਧੇ ਯਂ ਚਤੂਸੁ ਦਿਸਾਸੁ ਉਟ੍ਠਾਨਕਭਣ੍ਡਂ, ਤਂ ਚਤੂਹਿ ਦ੍વਾਰੇਹਿ ਨਗਰਮੇવ ਪવਿਸਤੀਤਿ, ਜਨਪਦੋ ਲਦ੍ਧੋ ਚ ਹੋਤਿ। ਨਗਰਸ੍ਸੇવ ਹੇਸੋ ਆਨਿਸਂਸੋ। ਏવਂ ਆਨਾਪਾਨਸ੍ਸਤਿਸਮਾਧਿਭਾવਨਾਯ ਆਨਿਸਂਸੋ ਏਸ ਅਰਿਯਿਦ੍ਧਿਆਦਿਕੋ ਪਭੇਦੋ, ਸਬ੍ਬਾਕਾਰੇਨ ਭਾવਿਤੇ ਆਨਾਪਾਨਸ੍ਸਤਿਸਮਾਧਿਸ੍ਮਿਂ ਸਬ੍ਬਮੇਤਂ ਯੋਗਿਨੋ ਨਿਪ੍ਫਜ੍ਜਤੀਤਿ ਆਨਿਸਂਸਦਸ੍ਸਨਤ੍ਥਂ વੁਤ੍ਤਂ। ਸੁਖਞ੍ਚੇਤਿ ਏਤ੍ਥ ਸੋਤਿ ਕਸ੍ਮਾ ਨ વੁਤ੍ਤਂ? ਯਸ੍ਮਾ ਭਿਕ੍ਖੂਤਿ ਇਮਸ੍ਮਿਂ વਾਰੇ ਨਾਗਤਂ।
Sabbasorūpasaññānantiādi kasmā vuttaṃ, kiṃ ānāpāne kasiṇugghāṭanaṃ labbhatīti? Tipiṭakacūḷābhayatthero panāha – ‘‘yasmā ānāpānanimittaṃ tārakarūpamuttāvalikādisadisaṃ hutvā paññāyati, tasmā tattha kasiṇugghāṭanaṃ labbhatī’’ti. Tipiṭakacūḷanāgatthero ‘‘na labbhatevā’’ti āha. Alabbhante ayaṃ ariyiddhiādiko pabhedo kasmā gahitoti? Ānisaṃsadassanatthaṃ. Ariyaṃ vā hi iddhiṃ cattāri vā rūpāvacarajjhānāni catasso vā arūpasamāpattiyo nirodhasamāpattiṃ vā patthayamānena bhikkhunā ayaṃ ānāpānassatisamādhi sādhukaṃ manasikātabbo. Yathā hi nagare laddhe yaṃ catūsu disāsu uṭṭhānakabhaṇḍaṃ, taṃ catūhi dvārehi nagarameva pavisatīti, janapado laddho ca hoti. Nagarasseva heso ānisaṃso. Evaṃ ānāpānassatisamādhibhāvanāya ānisaṃso esa ariyiddhiādiko pabhedo, sabbākārena bhāvite ānāpānassatisamādhismiṃ sabbametaṃ yogino nipphajjatīti ānisaṃsadassanatthaṃ vuttaṃ. Sukhañceti ettha soti kasmā na vuttaṃ? Yasmā bhikkhūti imasmiṃ vāre nāgataṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੮. ਪਦੀਪੋਪਮਸੁਤ੍ਤਂ • 8. Padīpopamasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਪਦੀਪੋਪਮਸੁਤ੍ਤવਣ੍ਣਨਾ • 8. Padīpopamasuttavaṇṇanā
