| Library / Tipiṭaka / д̇ибидага • Tipiṭaka / махаавибхан̇г̇а-адтагат̇аа • Mahāvibhaṅga-aṭṭhakathā |
7. баад̣̇угаваг̇г̇аван̣н̣анаа
7. Pādukavaggavaṇṇanā
638. агганд̇ассаад̇и чад̇д̇ад̣̇ан̣д̣агз ан̇г̇уланд̇арам̣ аббавзсзд̇ваа гзвалам̣ баад̣̇угам̣ аггамид̇ваа тид̇асса. бадимуггассаад̇и бадимун̃жид̇ваа тид̇асса. убааханааяаби зсзва наяо. омуггод̇и банзд̇т̇а бан̣хигаб̣ад̣̇д̇хам̣ омун̃жид̇ваа тид̇о вужжад̇и.
638.Akkantassāti chattadaṇḍake aṅgulantaraṃ appavesetvā kevalaṃ pādukaṃ akkamitvā ṭhitassa. Paṭimukkassāti paṭimuñcitvā ṭhitassa. Upāhanāyapi eseva nayo. Omukkoti panettha paṇhikabaddhaṃ omuñcitvā ṭhito vuccati.
640. яаанаг̇ад̇ассаад̇и зд̇т̇а сажзби д̣̇вийхи ж̇анзхи хад̇т̇асан̇гхаадзна г̇ахид̇о, саадагз ваа табзд̇ваа вам̣сзна ваяхад̇и, аяуд̇д̇з ваа ваяхаад̣̇игз яаанз , висан̇карид̇ваа ваа табид̇з жаггамад̇д̇зби нисинно яаанаг̇ад̇од̇взва сан̇кяам̣ г̇ажчад̇и. сажз бана д̣̇взби згаяаанз нисиннаа хонд̇и, ваддад̇и. висум̣ нисиннзсуби ужжз яаанз нисиннзна нийжз нисиннасса д̣̇зсзд̇ум̣ ваддад̇и, самаббамаан̣зби ваддад̇и. буримз яаанз нисиннзна бажчимз нисиннасса ваддад̇и. бажчимз бана ужжад̇арзби нисиннзна д̣̇зсзд̇ум̣ на ваддад̇и.
640.Yānagatassāti ettha sacepi dvīhi janehi hatthasaṅghāṭena gahito, sāṭake vā ṭhapetvā vaṃsena vayhati, ayutte vā vayhādike yāne , visaṅkharitvā vā ṭhapite cakkamattepi nisinno yānagatotveva saṅkhyaṃ gacchati. Sace pana dvepi ekayāne nisinnā honti, vaṭṭati. Visuṃ nisinnesupi ucce yāne nisinnena nīce nisinnassa desetuṃ vaṭṭati, samappamāṇepi vaṭṭati. Purime yāne nisinnena pacchime nisinnassa vaṭṭati. Pacchime pana uccatarepi nisinnena desetuṃ na vaṭṭati.
641. саяанаг̇ад̇ассаад̇и анд̇амасо гадасаарагзби багад̇ибхуумияамби нибаннасса ужжзби ман̃жабийтз ваа бхуумибад̣̇зсз ваа тид̇зна нисиннзна ваа д̣̇зсзд̇ум̣ на ваддад̇и. саяанаг̇ад̇зна бана саяанаг̇ад̇асса ужжад̇арз ваа самаббамаан̣з ваа нибаннзна д̣̇зсзд̇ум̣ ваддад̇и. нибаннзна жа тид̇асса ваа нисиннасса ваа д̣̇зсзд̇ум̣ ваддад̇и, нисиннзнааби тид̇асса ваа нисиннасса ваа ваддад̇и. тид̇зна тид̇ассзва ваддад̇и.
641.Sayanagatassāti antamaso kaṭasārakepi pakatibhūmiyampi nipannassa uccepi mañcapīṭhe vā bhūmipadese vā ṭhitena nisinnena vā desetuṃ na vaṭṭati. Sayanagatena pana sayanagatassa uccatare vā samappamāṇe vā nipannena desetuṃ vaṭṭati. Nipannena ca ṭhitassa vā nisinnassa vā desetuṃ vaṭṭati, nisinnenāpi ṭhitassa vā nisinnassa vā vaṭṭati. Ṭhitena ṭhitasseva vaṭṭati.
642. баллад̇т̇игааяаад̇и ааяог̇абаллад̇т̇игааяа ваа хад̇т̇абаллад̇т̇игааяа ваа д̣̇уссабаллад̇т̇игааяа ваа яааяа гааяажи баллад̇т̇игааяа нисиннасса аг̇илаанасса д̣̇зсзд̇ум̣ на ваддад̇и.
642.Pallatthikāyāti āyogapallatthikāya vā hatthapallatthikāya vā dussapallatthikāya vā yāya kāyaci pallatthikāya nisinnassa agilānassa desetuṃ na vaṭṭati.
643. взтид̇асийсассаад̇и д̣̇уссавзтанзна ваа мол̣иаад̣̇ийхи ваа яат̇аа гзсанд̇о на д̣̇иссад̇и; звам̣ взтид̇асийсасса.
643.Veṭhitasīsassāti dussaveṭhanena vā moḷiādīhi vā yathā kesanto na dissati; evaṃ veṭhitasīsassa.
644. ог̇ун̣тид̇асийсассаад̇и сасийсам̣ бааруд̇асса.
644.Oguṇṭhitasīsassāti sasīsaṃ pārutassa.
645. чамааяам̣ нисиннзнаад̇и бхуумияам̣ нисиннзна. аасанз нисиннассаад̇и анд̇амасо вад̇т̇амби д̇ин̣ааниби сант̇арид̇ваа нисиннасса.
645.Chamāyaṃ nisinnenāti bhūmiyaṃ nisinnena. Āsane nisinnassāti antamaso vatthampi tiṇānipi santharitvā nisinnassa.
647. чабагассаад̇и жан̣д̣ааласса. чабагийд̇и жан̣д̣аалий. нилийнод̇и бадижчанно худ̇ваа. яад̇ра хи наамаад̇и яо хи наама. саб̣б̣амид̣̇ам̣ жаримам̣ гад̇анд̇и д̇ад̇т̇зва барибад̇ийд̇и ‘‘саб̣б̣о аяам̣ лого сан̇гарам̣ г̇ад̇о ниммарияаад̣̇о’’д̇и имам̣ важанам̣ вад̇ваа д̇ад̇т̇зва д̇зсам̣ д̣̇виннамби анд̇араа ругкад̇о бад̇ид̇о. бад̇ид̇ваа жа бана убхиннамби бурад̇о тад̇ваа имам̣ г̇аат̇ам̣ абхааси –
647.Chapakassāti caṇḍālassa. Chapakīti caṇḍālī. Nilīnoti paṭicchanno hutvā. Yatra hi nāmāti yo hi nāma. Sabbamidaṃ carimaṃ katanti tattheva paripatīti ‘‘sabbo ayaṃ loko saṅkaraṃ gato nimmariyādo’’ti imaṃ vacanaṃ vatvā tattheva tesaṃ dvinnampi antarā rukkhato patito. Patitvā ca pana ubhinnampi purato ṭhatvā imaṃ gāthaṃ abhāsi –
‘‘убхо ад̇т̇ам̣ на ж̇аананд̇и…бз… асмаа гумбхамиваабхид̣̇аа’’д̇и.
‘‘Ubho atthaṃ na jānanti…pe… asmā kumbhamivābhidā’’ti.
д̇ад̇т̇а убхо ад̇т̇ам̣ на ж̇аананд̇ийд̇и д̣̇взби ж̇анаа баал̣ияаа ад̇т̇ам̣ на ж̇аананд̇и. д̇хаммам̣ на бассарзд̇и баал̣им̣ на бассанд̇и. гад̇амз д̇з убход̇и? ‘‘яо жааяам̣ манд̇ам̣ ваажзд̇и, яо жаад̇хаммзнад̇хийяад̇ий’’д̇и. звам̣ б̣раахман̣ан̃жа рааж̇аанан̃жа убхоби ад̇хаммигабхаавз табзси.
Tattha ubho atthaṃ na jānantīti dvepi janā pāḷiyā atthaṃ na jānanti. Dhammaṃ na passareti pāḷiṃ na passanti. Katame te ubhoti? ‘‘Yo cāyaṃ mantaṃvāceti, yo cādhammenadhīyatī’’ti. Evaṃ brāhmaṇañca rājānañca ubhopi adhammikabhāve ṭhapesi.
д̇ад̇о б̣раахман̣о саалийнанд̇и г̇аат̇амааха. д̇ассад̇т̇о – ж̇аанаамахам̣ бхо ‘‘аяам̣ ад̇хаммо’’д̇и; аби жа ко маяаа д̣̇ийгхарад̇д̇ам̣ сабуд̇д̇ад̣̇аарабариж̇анзна ран̃н̃о санд̇аго саалийнам̣ од̣̇ано бхуд̇д̇о. сужимам̣суубасзжанод̇и наанаббагааравигад̇исамбаад̣̇ид̇ам̣ сужимам̣суубасзжанам̣ миссийгаран̣амассаад̇и сужимам̣суубасзжано. д̇асмаа д̇хаммз на вад̇д̇аамийд̇и яасмаа звам̣ маяаа ран̃н̃о од̣̇ано бхуд̇д̇о, ан̃н̃з жа б̣ахуу лаабхаа лад̣̇д̇хаа, д̇асмаа д̇хаммз ахам̣ на вад̇д̇аами уд̣̇арз б̣ад̣̇д̇хо худ̇ваа, на д̇хаммам̣ аж̇аананд̇о. аяан̃хи д̇хаммо ариязхи ван̣н̣ид̇о басад̇т̇о т̇омид̇од̇и ж̇аанаами.
Tato brāhmaṇo sālīnanti gāthamāha. Tassattho – jānāmahaṃ bho ‘‘ayaṃ adhammo’’ti; api ca kho mayā dīgharattaṃ saputtadāraparijanena rañño santako sālīnaṃ odano bhutto. Sucimaṃsūpasecanoti nānappakāravikatisampāditaṃ sucimaṃsūpasecanaṃ missīkaraṇamassāti sucimaṃsūpasecano. Tasmā dhamme na vattāmīti yasmā evaṃ mayā rañño odano bhutto, aññe ca bahū lābhā laddhā, tasmā dhamme ahaṃ na vattāmi udare baddho hutvā, na dhammaṃ ajānanto. Ayañhi dhammo ariyehi vaṇṇito pasattho thomitoti jānāmi.
ат̇а нам̣ чабаго ‘‘д̇хирад̇т̇уу’’д̇иаад̣̇инаа г̇аат̇аад̣̇ваязна аж̇жхабхааси. д̇ассад̇т̇о – яо д̇аяаа д̇ханалаабхо жа яасалаабхо жа лад̣̇д̇хо, д̇хирад̇т̇у д̇ам̣ д̇ханалаабхам̣ яасалаабхан̃жа б̣раахман̣а. гасмаа? яасмаа аяам̣ д̇аяаа лад̣̇д̇хо лаабхо ааяад̇им̣ абааязсу винибаад̇анахзд̇унаа самбад̇и жа ад̇хаммажаран̣зна вуд̇д̇и наама ход̇и. зваруубаа яаа вуд̇д̇и ааяад̇им̣ винибаад̇зна ид̇ха ад̇хаммажаран̣зна ваа ниббаж̇ж̇ад̇и, гим̣ д̇ааяа вуд̇д̇ияаа? д̇зна вуд̇д̇ам̣ –
Atha naṃ chapako ‘‘dhiratthū’’tiādinā gāthādvayena ajjhabhāsi. Tassattho – yo tayā dhanalābho ca yasalābho ca laddho, dhiratthu taṃ dhanalābhaṃ yasalābhañca brāhmaṇa. Kasmā? Yasmā ayaṃ tayā laddho lābho āyatiṃ apāyesu vinipātanahetunā sampati ca adhammacaraṇena vutti nāma hoti. Evarūpā yā vutti āyatiṃ vinipātena idha adhammacaraṇena vā nippajjati, kiṃ tāya vuttiyā? Tena vuttaṃ –
‘‘д̇хирад̇т̇у д̇ам̣ д̇ханалаабхам̣, яасалаабхан̃жа б̣раахман̣а;
‘‘Dhiratthu taṃ dhanalābhaṃ, yasalābhañca brāhmaṇa;
яаа вуд̇д̇и винибаад̇зна, ад̇хаммажаран̣зна ваа’’д̇и.
Yā vutti vinipātena, adhammacaraṇena vā’’ti.
бариб̣б̣аж̇а махааб̣рахмзд̇и махааб̣раахман̣а ид̇о д̣̇исаа сийгхам̣ балааяассу. бажанд̇ан̃н̃зби баан̣инод̇и ан̃н̃зби сад̇д̇аа бажанд̇и жзва бхун̃ж̇анд̇и жа; на гзвалам̣ д̇ван̃жзва рааж̇аа жа. маа д̇вам̣ ад̇хаммо аажарид̇о асмаа гумбхамиваабхид̣̇аад̇и сажз хи д̇вам̣ ид̇о абариб̣б̣аж̇ид̇ваа имам̣ ад̇хаммам̣ аажариссаси , д̇ад̇о д̇вам̣ со ад̇хаммо звам̣ аажарид̇о яат̇аа уд̣̇агагумбхам̣ баасаан̣о бхинд̣̇зяяа; звам̣ бхзжчад̇и, д̇зна маяам̣ д̇ам̣ вад̣̇аама –
Paribbaja mahābrahmeti mahābrāhmaṇa ito disā sīghaṃ palāyassu. Pacantaññepi pāṇinoti aññepi sattā pacanti ceva bhuñjanti ca; na kevalaṃ tvañceva rājā ca. Mā tvaṃ adhammo ācarito asmā kumbhamivābhidāti sace hi tvaṃ ito aparibbajitvā imaṃ adhammaṃ ācarissasi , tato tvaṃ so adhammo evaṃ ācarito yathā udakakumbhaṃ pāsāṇo bhindeyya; evaṃ bhecchati, tena mayaṃ taṃ vadāma –
‘‘бариб̣б̣аж̇а махааб̣рахмз, бажанд̇ан̃н̃зби баан̣ино;
‘‘Paribbaja mahābrahme, pacantaññepi pāṇino;
маа д̇вам̣ ад̇хаммо аажарид̇о, асмаа гумбхамиваабхид̣̇аа’’д̇и.
Mā tvaṃ adhammo ācarito, asmā kumbhamivābhidā’’ti.
ужжз аасанзд̇и анд̇амасо бхуумиббад̣̇зсзби уннад̇адтаанз нисиннасса д̣̇зсзд̇ум̣ на ваддад̇и.
Ucce āsaneti antamaso bhūmippadesepi unnataṭṭhāne nisinnassa desetuṃ na vaṭṭati.
648. на тид̇о нисиннассаад̇и сажзби т̇зрубадтаанам̣ г̇анд̇ваа тид̇ам̣ д̣̇ахарабхигкум̣ аасанз нисинно махаат̇зро бан̃хам̣ бужчад̇и, на гат̇зд̇аб̣б̣ам̣. г̇ааравзна бана т̇зрам̣ удтахид̇ваа бужчат̇аад̇и вад̇д̇ум̣ на саггаа, бассз тид̇абхигкусса гат̇змийд̇и гат̇зд̇ум̣ ваддад̇и.
648.Naṭhito nisinnassāti sacepi therupaṭṭhānaṃ gantvā ṭhitaṃ daharabhikkhuṃ āsane nisinno mahāthero pañhaṃ pucchati, na kathetabbaṃ. Gāravena pana theraṃ uṭṭhahitvā pucchathāti vattuṃ na sakkā, passe ṭhitabhikkhussa kathemīti kathetuṃ vaṭṭati.
649. на бажчад̇о г̇ажчанд̇знаад̇и зд̇т̇а сажз бурад̇о г̇ажчанд̇о бажчад̇о г̇ажчанд̇ам̣ бан̃хам̣ бужчад̇и, на гат̇зд̇аб̣б̣ам̣. бажчимасса бхигкуно гат̇змийд̇и гат̇зд̇ум̣ ваддад̇и. сад̣̇д̇хим̣ уг̇г̇ахид̇ад̇хаммам̣ бана саж̇жхааяид̇ум̣ ваддад̇и. самад̇хурзна г̇ажчанд̇асса гат̇зд̇ум̣ ваддад̇и.
649.Na pacchato gacchantenāti ettha sace purato gacchanto pacchato gacchantaṃ pañhaṃ pucchati, na kathetabbaṃ. Pacchimassa bhikkhuno kathemīti kathetuṃ vaṭṭati. Saddhiṃ uggahitadhammaṃ pana sajjhāyituṃ vaṭṭati. Samadhurena gacchantassa kathetuṃ vaṭṭati.
650. на уббат̇знаад̇и зд̇т̇ааби сажз д̣̇взби сагадабат̇з згзгажаггабат̇зна ваа уббат̇зна ваа самад̇хурам̣ г̇ажчанд̇и, ваддад̇и.
650.Na uppathenāti etthāpi sace dvepi sakaṭapathe ekekacakkapathena vā uppathena vā samadhuraṃ gacchanti, vaṭṭati.
651. асан̃жижжаад̇и бадижчаннадтаанам̣ г̇ажчанд̇асса сахасаа ужжааро ваа бассааво ваа нигкамад̇и, асан̃жижжа гад̇о наама анаабад̇д̇и.
651.Asañciccāti paṭicchannaṭṭhānaṃ gacchantassa sahasā uccāro vā passāvo vā nikkhamati, asañcicca kato nāma anāpatti.
652. на харид̇зд̇и зд̇т̇а яамби ж̇ийваругкасса муулам̣ бат̇авияам̣ д̣̇иссамаанам̣ г̇ажчад̇и, саакаа ваа бхуумилаг̇г̇аа г̇ажчад̇и, саб̣б̣ам̣ харид̇асан̇каад̇амзва. канд̇хз нисийд̣̇ид̇ваа аббахарид̇адтаанз баад̇зд̇ум̣ ваддад̇и. аббахарид̇адтаанам̣ ологзнд̇ассзва сахасаа нигкамад̇и, г̇илаанадтаанз тид̇о ход̇и, ваддад̇и. аббахарид̇з гад̇од̇и аббахарид̇ам̣ алабханд̇зна д̇ин̣ан̣д̣убагам̣ ваа балаалан̣д̣убагам̣ ваа табзд̇ваа гад̇оби бажчаа харид̇ам̣ од̇т̇арад̇и, ваддад̇иязва. кзл̣зна жзд̇т̇а син̇гхаан̣игааби сан̇г̇ахид̇аад̇и махаабажжарияам̣ вуд̇д̇ам̣.
652.Na hariteti ettha yampi jīvarukkhassa mūlaṃ pathaviyaṃ dissamānaṃ gacchati, sākhā vā bhūmilaggā gacchati, sabbaṃ haritasaṅkhātameva. Khandhe nisīditvā appaharitaṭṭhāne pātetuṃ vaṭṭati. Appaharitaṭṭhānaṃ olokentasseva sahasā nikkhamati, gilānaṭṭhāne ṭhito hoti, vaṭṭati. Appaharite katoti appaharitaṃ alabhantena tiṇaṇḍupakaṃ vā palālaṇḍupakaṃ vā ṭhapetvā katopi pacchā haritaṃ ottharati, vaṭṭatiyeva. Kheḷena cettha siṅghāṇikāpi saṅgahitāti mahāpaccariyaṃ vuttaṃ.
653. на уд̣̇агзд̇и зд̇ам̣ барибхог̇ауд̣̇агамзва санд̇хааяа вуд̇д̇ам̣, важжагудисамуд̣̇д̣̇аад̣̇иуд̣̇агзсу бана абарибхог̇зсу анаабад̇д̇и. д̣̇звз вассанд̇з саманд̇ад̇о уд̣̇агогхо ход̇и, ануд̣̇агадтаанам̣ ологзнд̇ассзва нигкамад̇и, ваддад̇и. махаабажжарияам̣ вуд̇д̇ам̣ – ‘‘зд̇аад̣̇исз гаалз ануд̣̇агадтаанам̣ алабханд̇зна гаад̇ум̣ ваддад̇ий’’д̇и. сзсам̣ саб̣б̣асигкаабад̣̇зсу уд̇д̇аанад̇т̇амзва.
653.Na udaketi etaṃ paribhogaudakameva sandhāya vuttaṃ, vaccakuṭisamuddādiudakesu pana aparibhogesu anāpatti. Deve vassante samantato udakogho hoti, anudakaṭṭhānaṃ olokentasseva nikkhamati, vaṭṭati. Mahāpaccariyaṃ vuttaṃ – ‘‘etādise kāle anudakaṭṭhānaṃ alabhantena kātuṃ vaṭṭatī’’ti. Sesaṃ sabbasikkhāpadesu uttānatthameva.
сад̇д̇амо ваг̇г̇о.
Sattamo vaggo.
самудтаанаад̣̇ид̣̇ийбанад̇т̇ааяа банзд̇т̇а ид̣̇ам̣ багин̣н̣агам̣ – уж̇ж̇аг̇гхигаужжаасад̣̇д̣̇абадисам̣яуд̇д̇аани жад̇д̇аари, сагаб̣ал̣зна мукзна б̣яаахаран̣ам̣ згам̣, чамаанийжаасанатаанабажчад̇ог̇аманауббат̇аг̇аманабадисам̣яуд̇д̇аани бан̃жаад̇и имаани д̣̇аса сигкаабад̣̇аани саманубхаасанасамудтаанаани гааяаваажаажид̇д̇ад̇о самудтаханд̇и, гирияаани, сан̃н̃аавимогкаани , сажид̇д̇агаани, логаваж̇ж̇аани, гааяагаммаважийгаммаани, агусалажид̇д̇аани, д̣̇угкавзд̣̇анаанийд̇и.
Samuṭṭhānādidīpanatthāya panettha idaṃ pakiṇṇakaṃ – ujjagghikauccāsaddapaṭisaṃyuttāni cattāri, sakabaḷena mukhena byāharaṇaṃ ekaṃ, chamānīcāsanaṭhānapacchatogamanauppathagamanapaṭisaṃyuttāni pañcāti imāni dasa sikkhāpadāni samanubhāsanasamuṭṭhānāni kāyavācācittato samuṭṭhahanti, kiriyāni, saññāvimokkhāni , sacittakāni, lokavajjāni, kāyakammavacīkammāni, akusalacittāni, dukkhavedanānīti.
суубод̣̇анавин̃н̃ад̇д̇исигкаабад̣̇ам̣ т̇зяяасад̇т̇асамудтаанам̣ гааяажид̇д̇ад̇о гааяаваажаажид̇д̇ад̇о жа самудтаад̇и, гирияам̣, сан̃н̃аавимогкам̣, сажид̇д̇агам̣, логаваж̇ж̇ам̣, гааяагаммам̣, важийгаммам̣, агусалажид̇д̇ам̣, д̣̇угкавзд̣̇ананд̇и.
Sūpodanaviññattisikkhāpadaṃ theyyasatthasamuṭṭhānaṃ kāyacittato kāyavācācittato ca samuṭṭhāti, kiriyaṃ, saññāvimokkhaṃ, sacittakaṃ, lokavajjaṃ, kāyakammaṃ, vacīkammaṃ, akusalacittaṃ, dukkhavedananti.
чад̇д̇абаан̣ид̣̇ан̣д̣абаан̣исад̇т̇абаан̣иаавуд̇хабаан̣ибаад̣̇угаубааханаяаанасаяанабаллад̇т̇игавзтид̇аог̇ун̣тид̇анаамагаани згаад̣̇аса сигкаабад̣̇аани д̇хаммад̣̇зсанасамудтаанаани ваажаажид̇д̇ад̇о самудтаханд̇и, гирияаагирияаани, сан̃н̃аавимогкаани, сажид̇д̇агаани, логаваж̇ж̇аани, важийгаммаани, агусалажид̇д̇аани, д̣̇угкавзд̣̇анаанийд̇и.
Chattapāṇidaṇḍapāṇisatthapāṇiāvudhapāṇipādukaupāhanayānasayanapallatthikaveṭhitaoguṇṭhitanāmakāni ekādasa sikkhāpadāni dhammadesanasamuṭṭhānāni vācācittato samuṭṭhahanti, kiriyākiriyāni, saññāvimokkhāni, sacittakāni, lokavajjāni, vacīkammāni, akusalacittāni, dukkhavedanānīti.
авасзсаани д̇збан̣н̣ааса сигкаабад̣̇аани батамабаарааж̇игасамудтаанаанийд̇и.
Avasesāni tepaṇṇāsa sikkhāpadāni paṭhamapārājikasamuṭṭhānānīti.
саб̣б̣асзкиязсу ааб̣аад̇хабажжаяаа анаабад̇д̇и, т̇уубийгад̇абин̣д̣абаад̇з суубаб̣яан̃ж̇анзна бадижчаад̣̇анз уж̇жхаанасан̃н̃имхийд̇и д̇ийсу сигкаабад̣̇зсу г̇илаано над̇т̇ийд̇и.
Sabbasekhiyesu ābādhapaccayā anāpatti, thūpīkatapiṇḍapāte sūpabyañjanena paṭicchādane ujjhānasaññimhīti tīsu sikkhāpadesu gilāno natthīti.
сзкияаван̣н̣анаа нидтид̇аа.
Sekhiyavaṇṇanā niṭṭhitā.
сзкияаган̣д̣ам̣ нидтид̇ам̣.
Sekhiyakaṇḍaṃ niṭṭhitaṃ.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махаавибхан̇г̇а • Mahāvibhaṅga / 7. баад̣̇угаваг̇г̇о • 7. Pādukavaggo
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 7. баад̣̇угаваг̇г̇аван̣н̣анаа • 7. Pādukavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 7. баад̣̇угаваг̇г̇аван̣н̣анаа • 7. Pādukavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 7. баад̣̇угаваг̇г̇аван̣н̣анаа • 7. Pādukavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 7. баад̣̇угаваг̇г̇а-ад̇т̇аяож̇анаа • 7. Pādukavagga-atthayojanā
