| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
७. पादुकवग्गवण्णना
7. Pādukavaggavaṇṇanā
६४७. सत्तमवग्गे रुक्खतो पतितोति एकं ओलम्बनसाखं गहेत्वा पतितो। पाळियाति अत्तनो आचारप्पकासकगन्थस्स। धीरत्थूति धी अत्थु, निन्दा होतूति अत्थो। विनिपातनहेतुनाति विनिपातनस्स हेतुभावेन। त्वन्ति उपयोगत्थे पच्चत्तवचनं, तं इच्चेव वा पाठो। अस्माति पासाणो।
647. Sattamavagge rukkhato patitoti ekaṃ olambanasākhaṃ gahetvā patito. Pāḷiyāti attano ācārappakāsakaganthassa. Dhīratthūti dhī atthu, nindā hotūti attho. Vinipātanahetunāti vinipātanassa hetubhāvena. Tvanti upayogatthe paccattavacanaṃ, taṃ icceva vā pāṭho. Asmāti pāsāṇo.
६४९. न कथेतब्बन्ति थेरेन अत्तनो कङ्खाट्ठानस्स पुच्छितत्ता वुत्तं। दहरस्स अत्थकोसल्लं ञातुं पुच्छितेन उच्चासने निसिन्नस्स आचरियस्स अनुयोगदाननयेन वत्तुं वट्टति।
649.Na kathetabbanti therena attano kaṅkhāṭṭhānassa pucchitattā vuttaṃ. Daharassa atthakosallaṃ ñātuṃ pucchitena uccāsane nisinnassa ācariyassa anuyogadānanayena vattuṃ vaṭṭati.
६५२. खेळेन चेत्थ सिङ्घाणिकापि सङ्गहिताति एत्थ उदकगण्डुसकं कत्वा उच्छुकचवरादिञ्च मुखेनेव हरितुं उदकेसु छड्डेतुं वट्टतीति दट्ठब्बं। सेसं सब्बत्थ उत्तानमेव।
652.Kheḷena cettha siṅghāṇikāpi saṅgahitāti ettha udakagaṇḍusakaṃ katvā ucchukacavarādiñca mukheneva harituṃ udakesu chaḍḍetuṃ vaṭṭatīti daṭṭhabbaṃ. Sesaṃ sabbattha uttānameva.
पादुकवग्गवण्णना निट्ठिता।
Pādukavaggavaṇṇanā niṭṭhitā.
सेखियवण्णनानयो निट्ठितो।
Sekhiyavaṇṇanānayo niṭṭhito.
६५५. अधिकरणसमथेसु च इध वत्तब्बं नत्थि।
655. Adhikaraṇasamathesu ca idha vattabbaṃ natthi.
इति समन्तपासादिकाय विनयट्ठकथाय विमतिविनोदनियं
Iti samantapāsādikāya vinayaṭṭhakathāya vimativinodaniyaṃ
भिक्खुविभङ्गवण्णनानयो निट्ठितो।
Bhikkhuvibhaṅgavaṇṇanānayo niṭṭhito.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga
७. पादुकवग्गो • 7. Pādukavaggo
८. अधिकरणसमथा • 8. Adhikaraṇasamathā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā
७. पादुकवग्गवण्णना • 7. Pādukavaggavaṇṇanā
८. सत्ताधिकरणसमथा • 8. Sattādhikaraṇasamathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ७. पादुकवग्गवण्णना • 7. Pādukavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ७. पादुकवग्गवण्णना • 7. Pādukavaggavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
७. पादुकवग्ग-अत्थयोजना • 7. Pādukavagga-atthayojanā
८. सत्ताधिकरणसमथ-अत्थयोजना • 8. Sattādhikaraṇasamatha-atthayojanā
