| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
6. бад̣̇умажчад̣̇анияад̇т̇зраабад̣̇аанаван̣н̣анаа
6. Padumacchadaniyattheraapadānavaṇṇanā
ниб̣б̣уд̇з логанаат̇амхийд̇иаад̣̇игам̣ ааяасмад̇о бад̣̇умажчад̣̇анияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇абун̃н̃асамбхааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о вибассисса бхаг̇авад̇о гаалз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о рад̇анад̇д̇аяз басанно бариниб̣б̣уд̇асса вибассисса бхаг̇авад̇о жид̇агам̣ бад̣̇умабубпзхи бууж̇зси. со д̇знзва жид̇д̇аббасаад̣̇зна яаавад̇ааяугам̣ тад̇ваа д̇ад̇о суг̇ад̇ийсуязва сам̣саранд̇о д̣̇иб̣б̣асамбад̇д̇им̣ мануссасамбад̇д̇ин̃жаад̇и д̣̇вз самбад̇д̇ияо анзгагкад̇д̇ум̣ анубхавид̇ваа имасмим̣ амхаагам̣ саммаасамб̣уд̣̇д̇хагаалз згасмим̣ гулаг̇зхз ниб̣б̣ад̇д̇о вин̃н̃уд̇ам̣ бад̇д̇о сад̇т̇ари басийд̣̇ид̇ваа саасанз баб̣б̣аж̇ид̇о гхадзнд̇о вааяаманд̇о нажирассзва арахаа ахоси. д̇асса рад̇д̇идтаанад̣̇иваадтаанаад̣̇ийсу д̇ад̇т̇а д̇ад̇т̇а вихаранд̇асса вихааро бад̣̇умабубпзхи чаад̣̇ийяад̇и, д̇зна со бад̣̇умажчад̣̇анияад̇т̇зрод̇и баагадо.
Nibbutelokanāthamhītiādikaṃ āyasmato padumacchadaniyattherassa apadānaṃ. Ayampi purimabuddhesu katapuññasambhāro tattha tattha bhave vivaṭṭūpanissayāni puññāni upacinanto vipassissa bhagavato kāle ekasmiṃ kulagehe nibbatto viññutaṃ patto ratanattaye pasanno parinibbutassa vipassissa bhagavato citakaṃ padumapupphehi pūjesi. So teneva cittappasādena yāvatāyukaṃ ṭhatvā tato sugatīsuyeva saṃsaranto dibbasampattiṃ manussasampattiñcāti dve sampattiyo anekakkhattuṃ anubhavitvā imasmiṃ amhākaṃ sammāsambuddhakāle ekasmiṃ kulagehe nibbatto viññutaṃ patto satthari pasīditvā sāsane pabbajito ghaṭento vāyamanto nacirasseva arahā ahosi. Tassa rattiṭṭhānadivāṭṭhānādīsu tattha tattha viharantassa vihāro padumapupphehi chādīyati, tena so padumacchadaniyattheroti pākaṭo.
83. ад̇д̇ано буб̣б̣агаммам̣ сарид̇ваа соманассавасзна буб̣б̣ажарид̇аабад̣̇аанам̣ багаасзнд̇о ниб̣б̣уд̇з логанаат̇амхийд̇иаад̣̇имааха. д̇ад̇т̇а ниб̣б̣уд̇зд̇и канд̇хабариниб̣б̣аанзна бариниб̣б̣уд̇з сад̇т̇ари, вибассисса саммаасамб̣уд̣̇д̇хасса сарийрз жид̇амаанияамаанз жид̇агз ааробид̇з супуллам̣ бад̣̇умагалаабам̣ ахам̣ г̇ахзд̇ваа жид̇агам̣ ааробаяим̣ бууж̇зсинд̇и ад̇т̇о. сзсаг̇аат̇аасу хздтаа вуд̇д̇анаяад̇д̇аа уд̇д̇аанад̇т̇амзваад̇и.
83. Attano pubbakammaṃ saritvā somanassavasena pubbacaritāpadānaṃ pakāsento nibbute lokanāthamhītiādimāha. Tattha nibbuteti khandhaparinibbānena parinibbute satthari, vipassissa sammāsambuddhassa sarīre citamāniyamāne citake āropite suphullaṃ padumakalāpaṃ ahaṃ gahetvā citakaṃ āropayiṃ pūjesinti attho. Sesagāthāsu heṭṭhā vuttanayattā uttānatthamevāti.
бад̣̇умажчад̣̇анияад̇т̇зраабад̣̇аанаван̣н̣анаа самад̇д̇аа.
Padumacchadaniyattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 6. бад̣̇умажчад̣̇анияад̇т̇зраабад̣̇аанам̣ • 6. Padumacchadaniyattheraapadānaṃ
