| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
31. бад̣̇умагзсараваг̇г̇о
31. Padumakesaravaggo
1-10. бад̣̇умагзсарияад̇т̇зраабад̣̇аанаад̣̇иван̣н̣анаа
1-10. Padumakesariyattheraapadānādivaṇṇanā
1-2. згад̇им̣сад̇имз ваг̇г̇з батамаабад̣̇аанз исисан̇гхз ахам̣ буб̣б̣зд̇и ахам̣ буб̣б̣з б̣од̇хисамбхаарабууран̣агаалз исисан̇гхз бажжзгаб̣уд̣̇д̇хаисисамуухз д̇зсам̣ самийбз химаванд̇абаб̣б̣ад̇з маад̇ан̇г̇ахад̇т̇игулз вааран̣о жан̣д̣ахад̇т̇ий ахосинд̇и самб̣анд̇хо. мануссаад̣̇аяо ваарзд̇ийд̇и вааран̣о, ат̇а ваа ваажааяа равад̇и гон̃жанаад̣̇ам̣ над̣̇ад̇ийд̇и вааран̣о. махзсийнам̣ басаад̣̇знаад̇и бажжзгаб̣уд̣̇д̇хамахзсийнам̣ басаад̣̇зна. бажжзгаж̇инасздтзсу, д̇худ̇арааг̇зсу д̇аад̣̇исууд̇и логад̇хаммзхи нижжалзсу бажжзгаб̣уд̣̇д̇хзсу бад̣̇магзсарам̣ бад̣̇умарзн̣ум̣ огирим̣ авасин̃жинд̇и самб̣анд̇хо.
1-2. Ekatiṃsatime vagge paṭhamāpadāne isisaṅghe ahaṃ pubbeti ahaṃ pubbe bodhisambhārapūraṇakāle isisaṅghe paccekabuddhaisisamūhe tesaṃ samīpe himavantapabbate mātaṅgahatthikule vāraṇo caṇḍahatthī ahosinti sambandho. Manussādayo vāretīti vāraṇo, atha vā vācāya ravati koñcanādaṃ nadatīti vāraṇo. Mahesīnaṃ pasādenāti paccekabuddhamahesīnaṃ pasādena. Paccekajinaseṭṭhesu, dhutarāgesu tādisūti lokadhammehi niccalesu paccekabuddhesu padmakesaraṃ padumareṇuṃ okiriṃ avasiñcinti sambandho.
д̣̇уд̇ияад̇ад̇ияаабад̣̇аанаани уд̇д̇аанаани.
Dutiyatatiyāpadānāni uttānāni.
13-16. жад̇уд̇т̇аабад̣̇аанз махааб̣од̇химахо ахууд̇и вибассисса бхаг̇авад̇о жад̇умаг̇г̇ан̃аан̣аад̇хаарабхаавад̇о ‘‘б̣од̇хий’’д̇и лад̣̇д̇ханаамасса ругкасса бууж̇аа ахосийд̇и ад̇т̇о. ругкадтассзва самб̣уд̣̇д̇ход̇и асса б̣од̇хибууж̇аасамаяз саннибад̇ид̇асса махааж̇анасса самб̣уд̣̇д̇хо логаж̇здто нараасабхо ругкадто ива ругкз тид̇о вияа бан̃н̃ааяад̇ийд̇и ад̇т̇о. бхаг̇аваа д̇амхи самаязд̇и д̇асмим̣ б̣од̇хибууж̇аагаран̣агаалз бхаг̇аваа бхигкусан̇гхабурагкад̇о бхигкусан̇гхзна баривуд̇о. ваажаасабхимуд̣̇ийраяанд̇и муд̣̇усилидтамад̇хурауд̇д̇амагхосам̣ уд̣̇ийраяам̣ гат̇аяанд̇о нижчаарзнд̇о жад̇усажжам̣ багаасзси, д̣̇зсзсийд̇и ад̇т̇о. сам̣кид̇д̇зна жа д̣̇зсзнд̇од̇и взнзяяабуг̇г̇алаж̇жхаасаяаануруубзна д̣̇зсзнд̇о сам̣кид̇д̇зна жа вид̇т̇аарзна жа д̣̇зсаяийд̇и ад̇т̇о. виваддажчад̣̇од̇и рааг̇о чад̣̇анам̣, д̣̇осо чад̣̇анам̣, мохо чад̣̇анам̣, саб̣б̣агилзсаа чад̣̇анаа’’д̇и звам̣ вуд̇д̇аа чад̣̇анаа вивадаа уг̇гхаадид̇аа вид̣̇д̇хам̣сид̇аа анзнаад̇и виваддажчад̣̇о, самб̣уд̣̇д̇хо. д̇ам̣ махааж̇анам̣ д̣̇зсанаавасзна ниб̣б̣аабзси барил̣аахам̣ вуубасамзсийд̇и ад̇т̇о. д̇ассаахам̣ д̇хаммам̣ суд̇ваанаад̇и д̇асса бхаг̇авад̇о д̣̇зсзнд̇асса д̇хаммам̣ суд̇ваа.
13-16. Catutthāpadāne mahābodhimaho ahūti vipassissa bhagavato catumaggañāṇādhārabhāvato ‘‘bodhī’’ti laddhanāmassa rukkhassa pūjā ahosīti attho. Rukkhaṭṭhasseva sambuddhoti assa bodhipūjāsamaye sannipatitassa mahājanassa sambuddho lokajeṭṭho narāsabho rukkhaṭṭho iva rukkhe ṭhito viya paññāyatīti attho. Bhagavā tamhi samayeti tasmiṃ bodhipūjākaraṇakāle bhagavā bhikkhusaṅghapurakkhato bhikkhusaṅghena parivuto. Vācāsabhimudīrayanti mudusiliṭṭhamadhurauttamaghosaṃ udīrayaṃ kathayanto nicchārento catusaccaṃ pakāsesi, desesīti attho. Saṃkhittenaca desentoti veneyyapuggalajjhāsayānurūpena desento saṃkhittena ca vitthārena ca desayīti attho. Vivaṭṭacchadoti rāgo chadanaṃ, doso chadanaṃ, moho chadanaṃ, sabbakilesā chadanā’’ti evaṃ vuttā chadanā vivaṭā ugghāṭitā viddhaṃsitā anenāti vivaṭṭacchado, sambuddho. Taṃ mahājanaṃ desanāvasena nibbāpesi pariḷāhaṃ vūpasamesīti attho. Tassāhaṃ dhammaṃ sutvānāti tassa bhagavato desentassa dhammaṃ sutvā.
20. бан̃жамаабад̣̇аанз палахад̇т̇о абзгкаваад̇и вибассим̣ бхаг̇аванд̇ам̣ д̣̇исваа мад̇хураани палаани г̇ахзд̇ваа абзгкаваа ад̇урид̇о сан̣игам̣ ассамам̣ г̇ан̃чинд̇и ад̇т̇о.
20. Pañcamāpadāne phalahattho apekkhavāti vipassiṃ bhagavantaṃ disvā madhurāni phalāni gahetvā apekkhavā aturito saṇikaṃ assamaṃ gañchinti attho.
чадтасад̇д̇амаабад̣̇аанаани уд̇д̇аанаанзва.
Chaṭṭhasattamāpadānāni uttānāneva.
40. адтамаабад̣̇аанз нидтид̇з навагаммз жаад̇и сиймааяа навагаммз нидтам̣ г̇ад̇з сад̇и. анулзбамад̣̇аасаханд̇и анубажчаа суд̇хаалзбам̣ ад̣̇аасим̣, суд̇хааяа лзбаабзсинд̇и ад̇т̇о.
40. Aṭṭhamāpadāne niṭṭhite navakamme cāti sīmāya navakamme niṭṭhaṃ gate sati. Anulepamadāsahanti anupacchā sudhālepaṃ adāsiṃ, sudhāya lepāpesinti attho.
навамад̣̇асамаабад̣̇аанаани уд̇д̇аанааниязваад̇и.
Navamadasamāpadānāni uttānāniyevāti.
згад̇им̣самаваг̇г̇аван̣н̣анаа самад̇д̇аа.
Ekatiṃsamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi
1. бад̣̇умагзсарияад̇т̇зраабад̣̇аанам̣ • 1. Padumakesariyattheraapadānaṃ
4. д̇хаммасан̃н̃агад̇т̇зраабад̣̇аанам̣ • 4. Dhammasaññakattheraapadānaṃ
5. палад̣̇ааяагад̇т̇зраабад̣̇аанам̣ • 5. Phaladāyakattheraapadānaṃ
8. анулзбад̣̇ааяагад̇т̇зраабад̣̇аанам̣ • 8. Anulepadāyakattheraapadānaṃ
