| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓๑. ปทุมเกสรวโคฺค
31. Padumakesaravaggo
๑. ปทุมเกสริยเตฺถรอปทานํ
1. Padumakesariyattheraapadānaṃ
๑.
1.
‘‘อิสิสเงฺฆ อหํ ปุเพฺพ, อาสิํ มาตงฺควารโณ;
‘‘Isisaṅghe ahaṃ pubbe, āsiṃ mātaṅgavāraṇo;
มเหสีนํ ปสาเทน, ปทฺมเกสรโมกิริํฯ
Mahesīnaṃ pasādena, padmakesaramokiriṃ.
๒.
2.
‘‘ปเจฺจกชินเสเฎฺฐสุ, ธุตราเคสุ ตาทิสุ;
‘‘Paccekajinaseṭṭhesu, dhutarāgesu tādisu;
เตสุ จิตฺตํ ปสาเทตฺวา, กปฺปํ สคฺคมฺหิ โมทหํฯ
Tesu cittaṃ pasādetvā, kappaṃ saggamhi modahaṃ.
๓.
3.
‘‘เอกนวุติโต กเปฺป, เกสรํ โอกิริํ ตทา;
‘‘Ekanavutito kappe, kesaraṃ okiriṃ tadā;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๔.
4.
‘‘ปฎิสมฺภิทา จตโสฺส, วิโมกฺขาปิ จ อฎฺฐิเม;
‘‘Paṭisambhidā catasso, vimokkhāpi ca aṭṭhime;
ฉฬภิญฺญา สจฺฉิกตา, กตํ พุทฺธสฺส สาสนํ’’ฯ
Chaḷabhiññā sacchikatā, kataṃ buddhassa sāsanaṃ’’.
อิตฺถํ สุทํ อายสฺมา ปทุมเกสริโย เถโร อิมา คาถาโย อภาสิตฺถาติฯ
Itthaṃ sudaṃ āyasmā padumakesariyo thero imā gāthāyo abhāsitthāti.
ปทุมเกสริยเตฺถรสฺสาปทานํ ปฐมํฯ
Padumakesariyattherassāpadānaṃ paṭhamaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๑-๑๐. ปทุมเกสริยเตฺถรอปทานาทิวณฺณนา • 1-10. Padumakesariyattheraapadānādivaṇṇanā
