| Library / Tipiṭaka / තිපිටක • Tipiṭaka / අපදානපාළි • Apadānapāḷi |
31. පදුමකෙසරවග්‌ගො
31. Padumakesaravaggo
1. පදුමකෙසරියත්‌ථෙරඅපදානං
1. Padumakesariyattheraapadānaṃ
1.
1.
‘‘ඉසිසඞ්‌ඝෙ අහං පුබ්‌බෙ, ආසිං මාතඞ්‌ගවාරණො;
‘‘Isisaṅghe ahaṃ pubbe, āsiṃ mātaṅgavāraṇo;
මහෙසීනං පසාදෙන, පද්‌මකෙසරමොකිරිං.
Mahesīnaṃ pasādena, padmakesaramokiriṃ.
2.
2.
‘‘පච්‌චෙකජිනසෙට්‌ඨෙසු, ධුතරාගෙසු තාදිසු;
‘‘Paccekajinaseṭṭhesu, dhutarāgesu tādisu;
තෙසු චිත්‌තං පසාදෙත්‌වා, කප්‌පං සග්‌ගම්‌හි මොදහං.
Tesu cittaṃ pasādetvā, kappaṃ saggamhi modahaṃ.
3.
3.
‘‘එකනවුතිතො කප්‌පෙ, කෙසරං ඔකිරිං තදා;
‘‘Ekanavutito kappe, kesaraṃ okiriṃ tadā;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
4.
4.
‘‘පටිසම්‌භිදා චතස්‌සො, විමොක්‌ඛාපි ච අට්‌ඨිමෙ;
‘‘Paṭisambhidā catasso, vimokkhāpi ca aṭṭhime;
ඡළභිඤ්‌ඤා සච්‌ඡිකතා, කතං බුද්‌ධස්‌ස සාසනං’’.
Chaḷabhiññā sacchikatā, kataṃ buddhassa sāsanaṃ’’.
ඉත්‌ථං සුදං ආයස්‌මා පදුමකෙසරියො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā padumakesariyo thero imā gāthāyo abhāsitthāti.
පදුමකෙසරියත්‌ථෙරස්‌සාපදානං පඨමං.
Padumakesariyattherassāpadānaṃ paṭhamaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / අපදාන-අට්‌ඨකථා • Apadāna-aṭṭhakathā / 1-10. පදුමකෙසරියත්‌ථෙරඅපදානාදිවණ්‌ණනා • 1-10. Padumakesariyattheraapadānādivaṇṇanā
