| Library / Tipiṭaka / තිපිටක • Tipiṭaka / අපදානපාළි • Apadānapāḷi |
7. පදුමපූජකත්‌ථෙරඅපදානං
7. Padumapūjakattheraapadānaṃ
44.
44.
‘‘හිමවන්‌තස්‌සාවිදූරෙ , රොමසො නාම පබ්‌බතො;
‘‘Himavantassāvidūre , romaso nāma pabbato;
බුද්‌ධොපි සම්‌භවො නාම, අබ්‌භොකාසෙ වසී තදා.
Buddhopi sambhavo nāma, abbhokāse vasī tadā.
45.
45.
‘‘භවනා නික්‌ඛමිත්‌වාන, පදුමං ධාරයිං අහං;
‘‘Bhavanā nikkhamitvāna, padumaṃ dhārayiṃ ahaṃ;
එකාහං ධාරයිත්‌වාන, පුන භවනුපාගමිං.
Ekāhaṃ dhārayitvāna, puna bhavanupāgamiṃ.
46.
46.
‘‘එකනවුතිතො කප්‌පෙ, යං පුප්‌ඵමභිරොපයිං;
‘‘Ekanavutito kappe, yaṃ pupphamabhiropayiṃ;
දුග්‌ගතිං නාභිජානාමි, බුද්‌ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
47.
47.
‘‘පටිසම්‌භිදා චතස්‌සො…පෙ.… කතං බුද්‌ධස්‌ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්‌ථං සුදං ආයස්‌මා පදුමපූජකො ථෙරො ඉමා ගාථායො අභාසිත්‌ථාති.
Itthaṃ sudaṃ āyasmā padumapūjako thero imā gāthāyo abhāsitthāti.
පදුමපූජකත්‌ථෙරස්‌සාපදානං සත්‌තමං.
Padumapūjakattherassāpadānaṃ sattamaṃ.
තෙරසමං භාණවාරං.
Terasamaṃ bhāṇavāraṃ.
