| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. бад̣̇умабууж̇агад̇т̇зраабад̣̇аанаван̣н̣анаа
10. Padumapūjakattheraapadānavaṇṇanā
химаванд̇ассаавид̣̇уурзд̇иаад̣̇игам̣ ааяасмад̇о бад̣̇умабууж̇агад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о бад̣̇умуд̇д̇арасса бхаг̇авад̇о гаалз б̣раахман̣агулз ниб̣б̣ад̇д̇о вин̃н̃уд̇ам̣ бад̇ваа сагасиббз нибпад̇д̇им̣ бад̇ваа д̇ад̇т̇а саарам̣ абассанд̇о б̣уд̣̇д̇хуббад̇д̇ид̇о бурзд̇арам̣ уббаннад̇д̇аа оваад̣̇аанусаасанам̣ алабхид̇ваа гхарааваасам̣ бахааяа исибаб̣б̣аж̇ж̇ам̣ баб̣б̣аж̇ид̇ваа химаванд̇асса авид̣̇уурз г̇од̇амагам̣ наама баб̣б̣ад̇ам̣ ниссааяа ассамам̣ гаарзд̇ваа бан̃жаабхин̃н̃аа адта самаабад̇д̇ияо ниб̣б̣ад̇д̇зд̇ваа жхаанасукзнзва вихааси. д̇ад̣̇аа бад̣̇умуд̇д̇аро бхаг̇аваа б̣уд̣̇д̇хо худ̇ваа сад̇д̇з сам̣саарад̇о уд̣̇д̇харанд̇о д̇ассаанугамбааяа химаванд̇ам̣ аг̇амааси. д̇аабасо бхаг̇аванд̇ам̣ д̣̇исваа басаннамаанасо сагасиссз самаанзд̇ваа д̇зхи бад̣̇умабубпаани аахараабзд̇ваа бууж̇зси. со д̇зна бун̃н̃зна д̣̇звамануссзсу сам̣саранд̇о убхаяасамбад̇д̇ияо анубхавид̇ваа имасмим̣ б̣уд̣̇д̇хуббаад̣̇з саавад̇т̇ияам̣ гулаг̇зхз ниб̣б̣ад̇д̇о сад̣̇д̇хо басанно баб̣б̣аж̇ид̇ваа нажирассзва арахаа ахоси.
Himavantassāvidūretiādikaṃ āyasmato padumapūjakattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto padumuttarassa bhagavato kāle brāhmaṇakule nibbatto viññutaṃ patvā sakasippe nipphattiṃ patvā tattha sāraṃ apassanto buddhuppattito puretaraṃ uppannattā ovādānusāsanaṃ alabhitvā gharāvāsaṃ pahāya isipabbajjaṃ pabbajitvā himavantassa avidūre gotamakaṃ nāma pabbataṃ nissāya assamaṃ kāretvā pañcābhiññā aṭṭha samāpattiyo nibbattetvā jhānasukheneva vihāsi. Tadā padumuttaro bhagavā buddho hutvā satte saṃsārato uddharanto tassānukampāya himavantaṃ agamāsi. Tāpaso bhagavantaṃ disvā pasannamānaso sakasisse samānetvā tehi padumapupphāni āharāpetvā pūjesi. So tena puññena devamanussesu saṃsaranto ubhayasampattiyo anubhavitvā imasmiṃ buddhuppāde sāvatthiyaṃ kulagehe nibbatto saddho pasanno pabbajitvā nacirasseva arahā ahosi.
97. со ад̇д̇ано бун̃н̃агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о химаванд̇ассаавид̣̇уурзд̇иаад̣̇имааха. г̇од̇амо наама баб̣б̣ад̇од̇и анзгзсам̣ яагкад̣̇звад̇аанам̣ ааваасабхаавзна ад̇хидтаанавасзна г̇од̇амасса бхаванад̇д̇аа г̇од̇амод̇и баагадо ахоси. бавад̇д̇ад̇и д̇идтад̇ийд̇и баб̣б̣ад̇о. нааг̇аругкзхи сан̃чаннод̇и рухад̇и д̇идтад̇ийд̇и ругко. ат̇а ваа бат̇авим̣ кананд̇о уд̣̇д̇хам̣ рухад̇ийд̇и ругко, наанаа анзгаббагаараа жамбагагаббууранааг̇ааг̇аружанд̣̇анаад̣̇аяо ругкаад̇и наанааругкаа, д̇зхи наанааругкзхи сан̃чанно баригин̣н̣о г̇од̇амо баб̣б̣ад̇од̇и самб̣анд̇хо. махаабхууд̇аг̇ан̣аалаяод̇и бхаванд̇и ж̇ааяанд̇и уббаж̇ж̇анд̇и вад̣дханд̇и жаад̇и бхууд̇аа, маханд̇аа жа д̇з бхууд̇аа жаад̇и махаабхууд̇аа, махаабхууд̇аанам̣ г̇ан̣о самууход̇и махаабхууд̇аг̇ан̣о, махаабхууд̇аг̇ан̣асса аалаяо бад̇идтаад̇и махаабхууд̇аг̇ан̣аалаяо.
97. So attano puññakammaṃ saritvā somanassajāto pubbacaritāpadānaṃ pakāsento himavantassāvidūretiādimāha. Gotamo nāma pabbatoti anekesaṃ yakkhadevatānaṃ āvāsabhāvena adhiṭṭhānavasena gotamassa bhavanattā gotamoti pākaṭo ahosi. Pavattati tiṭṭhatīti pabbato. Nāgarukkhehi sañchannoti ruhati tiṭṭhatīti rukkho. Atha vā pathaviṃ khananto uddhaṃ ruhatīti rukkho, nānā anekappakārā campakakappūranāgaagarucandanādayo rukkhāti nānārukkhā, tehi nānārukkhehi sañchanno parikiṇṇo gotamo pabbatoti sambandho. Mahābhūtagaṇālayoti bhavanti jāyanti uppajjanti vaḍḍhanti cāti bhūtā, mahantā ca te bhūtā cāti mahābhūtā, mahābhūtānaṃ gaṇo samūhoti mahābhūtagaṇo, mahābhūtagaṇassa ālayo patiṭṭhāti mahābhūtagaṇālayo.
98. взмаж̇жхамхи жа д̇ассаасийд̇и д̇асса г̇од̇амасса баб̣б̣ад̇асса взмаж̇жхз аб̣бханд̇арз ассамо абхиниммид̇о нибпаад̣̇ид̇о гад̇од̇и ад̇т̇о. сзсам̣ уд̇д̇аанамзваад̇и.
98.Vemajjhamhi ca tassāsīti tassa gotamassa pabbatassa vemajjhe abbhantare assamo abhinimmito nipphādito katoti attho. Sesaṃ uttānamevāti.
бад̣̇умабууж̇агад̇т̇зраабад̣̇аанаван̣н̣анаа самад̇д̇аа.
Padumapūjakattheraapadānavaṇṇanā samattā.
д̇зрасамаваг̇г̇аван̣н̣анаа самад̇д̇аа.
Terasamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. бад̣̇умабууж̇агад̇т̇зраабад̣̇аанам̣ • 10. Padumapūjakattheraapadānaṃ
