| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
10. бад̣̇умабубпияад̇т̇зраабад̣̇аанаван̣н̣анаа
10. Padumapupphiyattheraapadānavaṇṇanā
богкараванам̣ бавидтод̇иаад̣̇игам̣ ааяасмад̇о бад̣̇умабубпияад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани убажинанд̇о пуссасса бхаг̇авад̇о гаалз згасмим̣ гулаг̇зхз ниб̣б̣ад̇д̇о вуд̣̇д̇химанвааяа бад̣̇умасамбаннам̣ згам̣ богкаран̣им̣ бависид̇ваа бхисамул̣аалз каад̣̇анд̇о богкаран̣ияаа авид̣̇уурз г̇ажчамаанам̣ пуссам̣ бхаг̇аванд̇ам̣ д̣̇исваа басаннамаанасо д̇ад̇о бад̣̇умаани ожинид̇ваа аагаасз угкибид̇ваа бхаг̇аванд̇ам̣ бууж̇зси, д̇аани бубпаани аагаасз вид̇аанам̣ худ̇ваа адтам̣су. со бхияяосомад̇д̇ааяа басаннамаанасо баб̣б̣аж̇ид̇ваа вад̇д̇абадибад̇д̇исааро саман̣ад̇хаммам̣ буурзд̇ваа д̇ад̇о жуд̇о д̇усид̇абхаванамалам̣ гурумаано вияа д̇ад̇т̇а уббаж̇ж̇ид̇ваа гамзна ча гаамааважарасамбад̇д̇ияо жа мануссасамбад̇д̇ияо жа анубхавид̇ваа имасмим̣ б̣уд̣̇д̇хуббаад̣̇з гулаг̇зхз ниб̣б̣ад̇д̇о вуд̣̇д̇хиббад̇д̇о сад̣̇д̇хааж̇аад̇о баб̣б̣аж̇ид̇ваа нажирассзва арахаа ахоси.
Pokkharavanaṃpaviṭṭhotiādikaṃ āyasmato padumapupphiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto vuddhimanvāya padumasampannaṃ ekaṃ pokkharaṇiṃ pavisitvā bhisamuḷāle khādanto pokkharaṇiyā avidūre gacchamānaṃ phussaṃ bhagavantaṃ disvā pasannamānaso tato padumāni ocinitvā ākāse ukkhipitvā bhagavantaṃ pūjesi, tāni pupphāni ākāse vitānaṃ hutvā aṭṭhaṃsu. So bhiyyosomattāya pasannamānaso pabbajitvā vattapaṭipattisāro samaṇadhammaṃ pūretvā tato cuto tusitabhavanamalaṃ kurumāno viya tattha uppajjitvā kamena cha kāmāvacarasampattiyo ca manussasampattiyo ca anubhavitvā imasmiṃ buddhuppāde kulagehe nibbatto vuddhippatto saddhājāto pabbajitvā nacirasseva arahā ahosi.
51. со абарабхааг̇з ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о богкараванам̣ бавидтод̇иаад̣̇имааха. д̇ад̇т̇а багаарзна нал̣ад̣̇ан̣д̣абад̇д̇аад̣̇ийхи каранд̇ийд̇и богкараа, богкараанам̣ самудтид̇адтзна самууханд̇и богкараванам̣, бад̣̇умаг̇ажчасан̣д̣зхи ман̣д̣ид̇ам̣ маж̇жхам̣ бавидто аханд̇и ад̇т̇о. сзсам̣ саб̣б̣ад̇т̇а уд̇д̇аанамзваад̇и.
51. So aparabhāge attano pubbakammaṃ saritvā somanassajāto pubbacaritāpadānaṃ pakāsento pokkharavanaṃ paviṭṭhotiādimāha. Tattha pakārena naḷadaṇḍapattādīhi kharantīti pokkharā, pokkharānaṃ samuṭṭhitaṭṭhena samūhanti pokkharavanaṃ, padumagacchasaṇḍehi maṇḍitaṃ majjhaṃ paviṭṭho ahanti attho. Sesaṃ sabbattha uttānamevāti.
бад̣̇умабубпияад̇т̇зраабад̣̇аанаван̣н̣анаа самад̇д̇аа.
Padumapupphiyattheraapadānavaṇṇanā samattā.
навамаваг̇г̇аван̣н̣анаа самад̇д̇аа.
Navamavaggavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 10. бад̣̇умабубпияад̇т̇зраабад̣̇аанам̣ • 10. Padumapupphiyattheraapadānaṃ
