| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੧੦. ਪਦੁਮਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ
10. Padumapupphiyattheraapadānavaṇṇanā
ਪੋਕ੍ਖਰવਨਂ ਪવਿਟ੍ਠੋਤਿਆਦਿਕਂ ਆਯਸ੍ਮਤੋ ਪਦੁਮਪੁਪ੍ਫਿਯਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਾਧਿਕਾਰੋ ਤਤ੍ਥ ਤਤ੍ਥ ਭવੇ વਿવਟ੍ਟੂਪਨਿਸ੍ਸਯਾਨਿ ਪੁਞ੍ਞਾਨਿ ਉਪਚਿਨਨ੍ਤੋ ਫੁਸ੍ਸਸ੍ਸ ਭਗવਤੋ ਕਾਲੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਪਦੁਮਸਮ੍ਪਨ੍ਨਂ ਏਕਂ ਪੋਕ੍ਖਰਣਿਂ ਪવਿਸਿਤ੍વਾ ਭਿਸਮੁਲ਼ਾਲੇ ਖਾਦਨ੍ਤੋ ਪੋਕ੍ਖਰਣਿਯਾ ਅવਿਦੂਰੇ ਗਚ੍ਛਮਾਨਂ ਫੁਸ੍ਸਂ ਭਗવਨ੍ਤਂ ਦਿਸ੍વਾ ਪਸਨ੍ਨਮਾਨਸੋ ਤਤੋ ਪਦੁਮਾਨਿ ਓਚਿਨਿਤ੍વਾ ਆਕਾਸੇ ਉਕ੍ਖਿਪਿਤ੍વਾ ਭਗવਨ੍ਤਂ ਪੂਜੇਸਿ, ਤਾਨਿ ਪੁਪ੍ਫਾਨਿ ਆਕਾਸੇ વਿਤਾਨਂ ਹੁਤ੍વਾ ਅਟ੍ਠਂਸੁ। ਸੋ ਭਿਯ੍ਯੋਸੋਮਤ੍ਤਾਯ ਪਸਨ੍ਨਮਾਨਸੋ ਪਬ੍ਬਜਿਤ੍વਾ વਤ੍ਤਪਟਿਪਤ੍ਤਿਸਾਰੋ ਸਮਣਧਮ੍ਮਂ ਪੂਰੇਤ੍વਾ ਤਤੋ ਚੁਤੋ ਤੁਸਿਤਭવਨਮਲਂ ਕੁਰੁਮਾਨੋ વਿਯ ਤਤ੍ਥ ਉਪ੍ਪਜ੍ਜਿਤ੍વਾ ਕਮੇਨ ਛ ਕਾਮਾવਚਰਸਮ੍ਪਤ੍ਤਿਯੋ ਚ ਮਨੁਸ੍ਸਸਮ੍ਪਤ੍ਤਿਯੋ ਚ ਅਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਪ੍ਪਤ੍ਤੋ ਸਦ੍ਧਾਜਾਤੋ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਅਹੋਸਿ।
Pokkharavanaṃpaviṭṭhotiādikaṃ āyasmato padumapupphiyattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayāni puññāni upacinanto phussassa bhagavato kāle ekasmiṃ kulagehe nibbatto vuddhimanvāya padumasampannaṃ ekaṃ pokkharaṇiṃ pavisitvā bhisamuḷāle khādanto pokkharaṇiyā avidūre gacchamānaṃ phussaṃ bhagavantaṃ disvā pasannamānaso tato padumāni ocinitvā ākāse ukkhipitvā bhagavantaṃ pūjesi, tāni pupphāni ākāse vitānaṃ hutvā aṭṭhaṃsu. So bhiyyosomattāya pasannamānaso pabbajitvā vattapaṭipattisāro samaṇadhammaṃ pūretvā tato cuto tusitabhavanamalaṃ kurumāno viya tattha uppajjitvā kamena cha kāmāvacarasampattiyo ca manussasampattiyo ca anubhavitvā imasmiṃ buddhuppāde kulagehe nibbatto vuddhippatto saddhājāto pabbajitvā nacirasseva arahā ahosi.
੫੧. ਸੋ ਅਪਰਭਾਗੇ ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਪੋਕ੍ਖਰવਨਂ ਪવਿਟ੍ਠੋਤਿਆਦਿਮਾਹ। ਤਤ੍ਥ ਪਕਾਰੇਨ ਨਲ਼ਦਣ੍ਡਪਤ੍ਤਾਦੀਹਿ ਖਰਨ੍ਤੀਤਿ ਪੋਕ੍ਖਰਾ, ਪੋਕ੍ਖਰਾਨਂ ਸਮੁਟ੍ਠਿਤਟ੍ਠੇਨ ਸਮੂਹਨ੍ਤਿ ਪੋਕ੍ਖਰવਨਂ, ਪਦੁਮਗਚ੍ਛਸਣ੍ਡੇਹਿ ਮਣ੍ਡਿਤਂ ਮਜ੍ਝਂ ਪવਿਟ੍ਠੋ ਅਹਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
51. So aparabhāge attano pubbakammaṃ saritvā somanassajāto pubbacaritāpadānaṃ pakāsento pokkharavanaṃ paviṭṭhotiādimāha. Tattha pakārena naḷadaṇḍapattādīhi kharantīti pokkharā, pokkharānaṃ samuṭṭhitaṭṭhena samūhanti pokkharavanaṃ, padumagacchasaṇḍehi maṇḍitaṃ majjhaṃ paviṭṭho ahanti attho. Sesaṃ sabbattha uttānamevāti.
ਪਦੁਮਪੁਪ੍ਫਿਯਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Padumapupphiyattheraapadānavaṇṇanā samattā.
ਨવਮવਗ੍ਗવਣ੍ਣਨਾ ਸਮਤ੍ਤਾ।
Navamavaggavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੧੦. ਪਦੁਮਪੁਪ੍ਫਿਯਤ੍ਥੇਰਅਪਦਾਨਂ • 10. Padumapupphiyattheraapadānaṃ
