Library / Tipiṭaka / തിപിടക • Tipiṭaka / അപദാനപാളി • Apadānapāḷi |
൯. പദുമത്ഥേരഅപദാനം
9. Padumattheraapadānaṃ
൬൭.
67.
‘‘ചതുസച്ചം പകാസേന്തോ, വരധമ്മപ്പവത്തകോ;
‘‘Catusaccaṃ pakāsento, varadhammappavattako;
൬൮.
68.
പദുമുത്തരമുനിസ്സ, പഹട്ഠോ ഉക്ഖിപിമമ്ബരേ.
Padumuttaramunissa, pahaṭṭho ukkhipimambare.
൬൯.
69.
‘‘ആഗച്ഛന്തേ ച പദുമേ, അബ്ഭുതോ ആസി താവദേ;
‘‘Āgacchante ca padume, abbhuto āsi tāvade;
മമ സങ്കപ്പമഞ്ഞായ, പഗ്ഗണ്ഹി വദതം വരോ.
Mama saṅkappamaññāya, paggaṇhi vadataṃ varo.
൭൦.
70.
‘‘കരസേട്ഠേന പഗ്ഗയ്ഹ, ജലജം പുപ്ഫമുത്തമം;
‘‘Karaseṭṭhena paggayha, jalajaṃ pupphamuttamaṃ;
ഭിക്ഖുസങ്ഘേ ഠിതോ സത്ഥാ, ഇമാ ഗാഥാ അഭാസഥ.
Bhikkhusaṅghe ṭhito satthā, imā gāthā abhāsatha.
൭൧.
71.
തമഹം കിത്തയിസ്സാമി, സുണാഥ മമ ഭാസതോ.
Tamahaṃ kittayissāmi, suṇātha mama bhāsato.
൭൨.
72.
‘‘‘തിംസകപ്പാനി ദേവിന്ദോ, ദേവരജ്ജം കരിസ്സതി;
‘‘‘Tiṃsakappāni devindo, devarajjaṃ karissati;
പഥബ്യാ രജ്ജം സത്തസതം, വസുധം ആവസിസ്സതി.
Pathabyā rajjaṃ sattasataṃ, vasudhaṃ āvasissati.
൭൩.
73.
‘‘‘തത്ഥ പത്തം ഗണേത്വാന, ചക്കവത്തീ ഭവിസ്സതി;
‘‘‘Tattha pattaṃ gaṇetvāna, cakkavattī bhavissati;
ആകാസതോ പുപ്ഫവുട്ഠി, അഭിവസ്സിസ്സതീ തദാ.
Ākāsato pupphavuṭṭhi, abhivassissatī tadā.
൭൪.
74.
‘‘‘കപ്പസതസഹസ്സമ്ഹി, ഓക്കാകകുലസമ്ഭവോ;
‘‘‘Kappasatasahassamhi, okkākakulasambhavo;
ഗോതമോ നാമ നാമേന, സത്ഥാ ലോകേ ഭവിസ്സതി.
Gotamo nāma nāmena, satthā loke bhavissati.
൭൫.
75.
‘‘‘തസ്സ ധമ്മേസു ദായാദോ, ഓരസോ ധമ്മനിമ്മിതോ;
‘‘‘Tassa dhammesu dāyādo, oraso dhammanimmito;
സബ്ബാസവേ പരിഞ്ഞായ, നിബ്ബായിസ്സതിനാസവോ’.
Sabbāsave pariññāya, nibbāyissatināsavo’.
൭൬.
76.
‘‘നിക്ഖമിത്വാന കുച്ഛിമ്ഹാ, സമ്പജാനോ പതിസ്സതോ;
‘‘Nikkhamitvāna kucchimhā, sampajāno patissato;
ജാതിയാ പഞ്ചവസ്സോഹം, അരഹത്തം അപാപുണിം.
Jātiyā pañcavassohaṃ, arahattaṃ apāpuṇiṃ.
൭൭.
77.
‘‘പടിസമ്ഭിദാ ചതസ്സോ…പേ॰… കതം ബുദ്ധസ്സ സാസനം’’.
‘‘Paṭisambhidā catasso…pe… kataṃ buddhassa sāsanaṃ’’.
ഇത്ഥം സുദം ആയസ്മാ പദുമോ ഥേരോ ഇമാ ഗാഥായോ അഭാസിത്ഥാതി.
Itthaṃ sudaṃ āyasmā padumo thero imā gāthāyo abhāsitthāti.
പദുമത്ഥേരസ്സാപദാനം നവമം.
Padumattherassāpadānaṃ navamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / അപദാന-അട്ഠകഥാ • Apadāna-aṭṭhakathā / ൯. പദുമത്ഥേരഅപദാനവണ്ണനാ • 9. Padumattheraapadānavaṇṇanā