| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
9. бад̣̇умад̇т̇зраабад̣̇аанаван̣н̣анаа
9. Padumattheraapadānavaṇṇanā
жад̇усажжам̣ багаасзнд̇од̇иаад̣̇игам̣ ааяасмад̇о бад̣̇умад̇т̇зрасса абад̣̇аанам̣. аяамби буримаб̣уд̣̇д̇хзсу гад̇агусаласамбхааро бад̣̇умуд̇д̇арамунинаа д̇хаммабаж̇ж̇од̇з ж̇од̇амаанз згасмим̣ гулаг̇зхз ниб̣б̣ад̇д̇о гхарааваасам̣ сан̣табзд̇ваа бхог̇асамбаннод̇и баагадо. со сад̇т̇ари басийд̣̇ид̇ваа махааж̇анзна сад̣̇д̇хим̣ д̇хаммам̣ сун̣анд̇о д̇хаж̇зна саха бад̣̇умагалаабам̣ г̇ахзд̇ваа адтааси, сад̇хаж̇ам̣ д̇ам̣ бад̣̇умагалаабам̣ аагаасамугкибим̣, д̇ам̣ ажчарияам̣ д̣̇исваа ад̇ивияа соманассаж̇аад̇о ахоси. со яааваж̇ийвам̣ гусалам̣ гад̇ваа ж̇ийвид̇абарияосаанз саг̇г̇з ниб̣б̣ад̇д̇о д̇хаж̇амива чагаамааважарз баагадо бууж̇ид̇о жа д̣̇иб̣б̣асамбад̇д̇иманубхавид̇ваа мануссзсу жа жаггавад̇д̇исамбад̇д̇иманубхавид̇ваа имасмим̣ б̣уд̣̇д̇хуббаад̣̇з вибхавасамбаннз сад̣̇д̇хаасамбаннз згасмим̣ гулаг̇зхз ниб̣б̣ад̇д̇о вуд̣̇д̇химанвааяа сад̣̇д̇хааж̇аад̇о бан̃жавассигова баб̣б̣аж̇ид̇ваа нажирассзва арахаа худ̇ваа гад̇абун̃н̃анаамзна бад̣̇умад̇т̇зрод̇и баагадо.
Catusaccaṃ pakāsentotiādikaṃ āyasmato padumattherassa apadānaṃ. Ayampi purimabuddhesu katakusalasambhāro padumuttaramuninā dhammapajjote jotamāne ekasmiṃ kulagehe nibbatto gharāvāsaṃ saṇṭhapetvā bhogasampannoti pākaṭo. So satthari pasīditvā mahājanena saddhiṃ dhammaṃ suṇanto dhajena saha padumakalāpaṃ gahetvā aṭṭhāsi, sadhajaṃ taṃ padumakalāpaṃ ākāsamukkhipiṃ, taṃ acchariyaṃ disvā ativiya somanassajāto ahosi. So yāvajīvaṃ kusalaṃ katvā jīvitapariyosāne sagge nibbatto dhajamiva chakāmāvacare pākaṭo pūjito ca dibbasampattimanubhavitvā manussesu ca cakkavattisampattimanubhavitvā imasmiṃ buddhuppāde vibhavasampanne saddhāsampanne ekasmiṃ kulagehe nibbatto vuddhimanvāya saddhājāto pañcavassikova pabbajitvā nacirasseva arahā hutvā katapuññanāmena padumattheroti pākaṭo.
67. ад̇д̇ано буб̣б̣агаммам̣ сарид̇ваа соманассаж̇аад̇о буб̣б̣ажарид̇аабад̣̇аанам̣ багаасзнд̇о жад̇усажжам̣ багаасзнд̇од̇иаад̣̇имааха. д̇ад̇т̇а сажжанд̇и д̇ат̇ам̣ авид̇ат̇ам̣ авибарийд̇ам̣ сажжам̣, д̣̇угкасамуд̣̇аяанирод̇хамаг̇г̇авасзна жад̇д̇аари сажжаани самаахадаанийд̇и жад̇усажжам̣, д̇ам̣ жад̇усажжам̣ багаасзнд̇о логз баагадам̣ гаронд̇од̇и ад̇т̇о. варад̇хаммаббавад̇д̇агод̇и уд̇д̇амад̇хаммаббавад̇д̇аго багаасагод̇и ад̇т̇о. амад̇ам̣ вудтинд̇и амад̇амахааниб̣б̣аанавудтид̇хаарам̣ бавассанд̇о баг̇гхаранд̇о сад̣̇звагам̣ логам̣ д̇змзнд̇о саб̣б̣агилзсабарил̣аахам̣ ниб̣б̣аабзнд̇о д̇хаммавассам̣ вассад̇ийд̇и ад̇т̇о.
67. Attano pubbakammaṃ saritvā somanassajāto pubbacaritāpadānaṃ pakāsento catusaccaṃ pakāsentotiādimāha. Tattha saccanti tathaṃ avitathaṃ aviparītaṃ saccaṃ, dukkhasamudayanirodhamaggavasena cattāri saccāni samāhaṭānīti catusaccaṃ, taṃ catusaccaṃ pakāsento loke pākaṭaṃ karontoti attho. Varadhammappavattakoti uttamadhammappavattako pakāsakoti attho. Amataṃ vuṭṭhinti amatamahānibbānavuṭṭhidhāraṃ pavassanto paggharanto sadevakaṃ lokaṃ temento sabbakilesapariḷāhaṃ nibbāpento dhammavassaṃ vassatīti attho.
68. сад̇хаж̇ам̣ бад̣̇умам̣ г̇аяхаад̇и д̇хаж̇зна саха згад̇о гад̇ваа бад̣̇умам̣ бад̣̇умагалаабам̣ г̇ахзд̇ваад̇и ад̇т̇о. ад̣дхагосз тид̇о аханд̇и убхо угкибид̇ваа тид̇о аханд̇и ад̇т̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
68.Sadhajaṃ padumaṃ gayhāti dhajena saha ekato katvā padumaṃ padumakalāpaṃ gahetvāti attho. Aḍḍhakose ṭhito ahanti ubho ukkhipitvā ṭhito ahanti attho. Sesaṃ sabbattha uttānatthamevāti.
бад̣̇умад̇т̇зраабад̣̇аанаван̣н̣анаа самад̇д̇аа.
Padumattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 9. бад̣̇умад̇т̇зраабад̣̇аанам̣ • 9. Padumattheraapadānaṃ
