| Library / Tipiṭaka / ਤਿਪਿਟਕ • Tipiṭaka / ਅਪਦਾਨ-ਅਟ੍ਠਕਥਾ • Apadāna-aṭṭhakathā |
੯. ਪਦੁਮਤ੍ਥੇਰਅਪਦਾਨવਣ੍ਣਨਾ
9. Padumattheraapadānavaṇṇanā
ਚਤੁਸਚ੍ਚਂ ਪਕਾਸੇਨ੍ਤੋਤਿਆਦਿਕਂ ਆਯਸ੍ਮਤੋ ਪਦੁਮਤ੍ਥੇਰਸ੍ਸ ਅਪਦਾਨਂ। ਅਯਮ੍ਪਿ ਪੁਰਿਮਬੁਦ੍ਧੇਸੁ ਕਤਕੁਸਲਸਮ੍ਭਾਰੋ ਪਦੁਮੁਤ੍ਤਰਮੁਨਿਨਾ ਧਮ੍ਮਪਜ੍ਜੋਤੇ ਜੋਤਮਾਨੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ ਘਰਾવਾਸਂ ਸਣ੍ਠਪੇਤ੍વਾ ਭੋਗਸਮ੍ਪਨ੍ਨੋਤਿ ਪਾਕਟੋ। ਸੋ ਸਤ੍ਥਰਿ ਪਸੀਦਿਤ੍વਾ ਮਹਾਜਨੇਨ ਸਦ੍ਧਿਂ ਧਮ੍ਮਂ ਸੁਣਨ੍ਤੋ ਧਜੇਨ ਸਹ ਪਦੁਮਕਲਾਪਂ ਗਹੇਤ੍વਾ ਅਟ੍ਠਾਸਿ, ਸਧਜਂ ਤਂ ਪਦੁਮਕਲਾਪਂ ਆਕਾਸਮੁਕ੍ਖਿਪਿਂ, ਤਂ ਅਚ੍ਛਰਿਯਂ ਦਿਸ੍વਾ ਅਤਿવਿਯ ਸੋਮਨਸ੍ਸਜਾਤੋ ਅਹੋਸਿ। ਸੋ ਯਾવਜੀવਂ ਕੁਸਲਂ ਕਤ੍વਾ ਜੀવਿਤਪਰਿਯੋਸਾਨੇ ਸਗ੍ਗੇ ਨਿਬ੍ਬਤ੍ਤੋ ਧਜਮਿવ ਛਕਾਮਾવਚਰੇ ਪਾਕਟੋ ਪੂਜਿਤੋ ਚ ਦਿਬ੍ਬਸਮ੍ਪਤ੍ਤਿਮਨੁਭવਿਤ੍વਾ ਮਨੁਸ੍ਸੇਸੁ ਚ ਚਕ੍ਕવਤ੍ਤਿਸਮ੍ਪਤ੍ਤਿਮਨੁਭવਿਤ੍વਾ ਇਮਸ੍ਮਿਂ ਬੁਦ੍ਧੁਪ੍ਪਾਦੇ વਿਭવਸਮ੍ਪਨ੍ਨੇ ਸਦ੍ਧਾਸਮ੍ਪਨ੍ਨੇ ਏਕਸ੍ਮਿਂ ਕੁਲਗੇਹੇ ਨਿਬ੍ਬਤ੍ਤੋ વੁਦ੍ਧਿਮਨ੍વਾਯ ਸਦ੍ਧਾਜਾਤੋ ਪਞ੍ਚવਸ੍ਸਿਕੋવ ਪਬ੍ਬਜਿਤ੍વਾ ਨਚਿਰਸ੍ਸੇવ ਅਰਹਾ ਹੁਤ੍વਾ ਕਤਪੁਞ੍ਞਨਾਮੇਨ ਪਦੁਮਤ੍ਥੇਰੋਤਿ ਪਾਕਟੋ।
Catusaccaṃ pakāsentotiādikaṃ āyasmato padumattherassa apadānaṃ. Ayampi purimabuddhesu katakusalasambhāro padumuttaramuninā dhammapajjote jotamāne ekasmiṃ kulagehe nibbatto gharāvāsaṃ saṇṭhapetvā bhogasampannoti pākaṭo. So satthari pasīditvā mahājanena saddhiṃ dhammaṃ suṇanto dhajena saha padumakalāpaṃ gahetvā aṭṭhāsi, sadhajaṃ taṃ padumakalāpaṃ ākāsamukkhipiṃ, taṃ acchariyaṃ disvā ativiya somanassajāto ahosi. So yāvajīvaṃ kusalaṃ katvā jīvitapariyosāne sagge nibbatto dhajamiva chakāmāvacare pākaṭo pūjito ca dibbasampattimanubhavitvā manussesu ca cakkavattisampattimanubhavitvā imasmiṃ buddhuppāde vibhavasampanne saddhāsampanne ekasmiṃ kulagehe nibbatto vuddhimanvāya saddhājāto pañcavassikova pabbajitvā nacirasseva arahā hutvā katapuññanāmena padumattheroti pākaṭo.
੬੭. ਅਤ੍ਤਨੋ ਪੁਬ੍ਬਕਮ੍ਮਂ ਸਰਿਤ੍વਾ ਸੋਮਨਸ੍ਸਜਾਤੋ ਪੁਬ੍ਬਚਰਿਤਾਪਦਾਨਂ ਪਕਾਸੇਨ੍ਤੋ ਚਤੁਸਚ੍ਚਂ ਪਕਾਸੇਨ੍ਤੋਤਿਆਦਿਮਾਹ। ਤਤ੍ਥ ਸਚ੍ਚਨ੍ਤਿ ਤਥਂ ਅવਿਤਥਂ ਅવਿਪਰੀਤਂ ਸਚ੍ਚਂ, ਦੁਕ੍ਖਸਮੁਦਯਨਿਰੋਧਮਗ੍ਗવਸੇਨ ਚਤ੍ਤਾਰਿ ਸਚ੍ਚਾਨਿ ਸਮਾਹਟਾਨੀਤਿ ਚਤੁਸਚ੍ਚਂ, ਤਂ ਚਤੁਸਚ੍ਚਂ ਪਕਾਸੇਨ੍ਤੋ ਲੋਕੇ ਪਾਕਟਂ ਕਰੋਨ੍ਤੋਤਿ ਅਤ੍ਥੋ। વਰਧਮ੍ਮਪ੍ਪવਤ੍ਤਕੋਤਿ ਉਤ੍ਤਮਧਮ੍ਮਪ੍ਪવਤ੍ਤਕੋ ਪਕਾਸਕੋਤਿ ਅਤ੍ਥੋ। ਅਮਤਂ વੁਟ੍ਠਿਨ੍ਤਿ ਅਮਤਮਹਾਨਿਬ੍ਬਾਨવੁਟ੍ਠਿਧਾਰਂ ਪવਸ੍ਸਨ੍ਤੋ ਪਗ੍ਘਰਨ੍ਤੋ ਸਦੇવਕਂ ਲੋਕਂ ਤੇਮੇਨ੍ਤੋ ਸਬ੍ਬਕਿਲੇਸਪਰਿਲ਼ਾਹਂ ਨਿਬ੍ਬਾਪੇਨ੍ਤੋ ਧਮ੍ਮવਸ੍ਸਂ વਸ੍ਸਤੀਤਿ ਅਤ੍ਥੋ।
67. Attano pubbakammaṃ saritvā somanassajāto pubbacaritāpadānaṃ pakāsento catusaccaṃ pakāsentotiādimāha. Tattha saccanti tathaṃ avitathaṃ aviparītaṃ saccaṃ, dukkhasamudayanirodhamaggavasena cattāri saccāni samāhaṭānīti catusaccaṃ, taṃ catusaccaṃ pakāsento loke pākaṭaṃ karontoti attho. Varadhammappavattakoti uttamadhammappavattako pakāsakoti attho. Amataṃ vuṭṭhinti amatamahānibbānavuṭṭhidhāraṃ pavassanto paggharanto sadevakaṃ lokaṃ temento sabbakilesapariḷāhaṃ nibbāpento dhammavassaṃ vassatīti attho.
੬੮. ਸਧਜਂ ਪਦੁਮਂ ਗਯ੍ਹਾਤਿ ਧਜੇਨ ਸਹ ਏਕਤੋ ਕਤ੍વਾ ਪਦੁਮਂ ਪਦੁਮਕਲਾਪਂ ਗਹੇਤ੍વਾਤਿ ਅਤ੍ਥੋ। ਅਡ੍ਢਕੋਸੇ ਠਿਤੋ ਅਹਨ੍ਤਿ ਉਭੋ ਉਕ੍ਖਿਪਿਤ੍વਾ ਠਿਤੋ ਅਹਨ੍ਤਿ ਅਤ੍ਥੋ। ਸੇਸਂ ਸਬ੍ਬਤ੍ਥ ਉਤ੍ਤਾਨਤ੍ਥਮੇવਾਤਿ।
68.Sadhajaṃ padumaṃ gayhāti dhajena saha ekato katvā padumaṃ padumakalāpaṃ gahetvāti attho. Aḍḍhakose ṭhito ahanti ubho ukkhipitvā ṭhito ahanti attho. Sesaṃ sabbattha uttānatthamevāti.
ਪਦੁਮਤ੍ਥੇਰਅਪਦਾਨવਣ੍ਣਨਾ ਸਮਤ੍ਤਾ।
Padumattheraapadānavaṇṇanā samattā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਅਪਦਾਨਪਾਲ਼ਿ • Apadānapāḷi / ੯. ਪਦੁਮਤ੍ਥੇਰਅਪਦਾਨਂ • 9. Padumattheraapadānaṃ
