| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
бад̣̇умуд̇д̇аро б̣уд̣̇д̇хо
Padumuttaro buddho
наарад̣̇аб̣уд̣̇д̇хасса бана абарабхааг̇з ид̇о сад̇асахассагаббамад̇т̇агз згасмим̣ габбз згова бад̣̇умуд̇д̇аро наама б̣уд̣̇д̇хо уд̣̇абаад̣̇и. д̇ассааби д̇аяо саавагасаннибаад̇аа. батамз саннибаад̇з годисад̇асахассам̣ бхигкуу ахзсум̣, д̣̇уд̇ияз взбхаарабаб̣б̣ад̇з навуд̇игодисахассаани, д̇ад̇ияз асийд̇игодисахассаани. д̇ад̣̇аа б̣од̇хисад̇д̇о ж̇адило наама махаарадтияо худ̇ваа б̣уд̣̇д̇хаббамукасса бхигкусан̇гхаса сажийварам̣ д̣̇аанам̣ ад̣̇ааси. соби нам̣ сад̇т̇аа ‘‘анааг̇ад̇з б̣уд̣̇д̇хо бхависсад̇ий’’д̇и б̣яаагааси. бад̣̇умуд̇д̇арасса бана бхаг̇авад̇о гаалз д̇ид̇т̇ияаа наама наахзсум̣. саб̣б̣ад̣̇звамануссаа б̣уд̣̇д̇хамзва саран̣ам̣ аг̇амам̣су. д̇асса наг̇арам̣ хам̣савад̇ий наама ахоси, бид̇аа аананд̣̇о наама кад̇д̇ияо, маад̇аа суж̇аад̇аа наама д̣̇звий, д̣̇звало жа суж̇аад̇о жа д̣̇вз аг̇г̇асаавагаа, сумано наамубадтааго, амид̇аа жа асамаа жа д̣̇вз аг̇г̇асаавигаа, сааларугко б̣од̇хи, сарийрам̣ адтабан̣н̣аасахад̇т̇уб̣б̣зд̇хам̣ ахоси, сарийраббабхаа саманд̇ад̇о д̣̇ваад̣̇асаяож̇анаани г̇ан̣хи, вассасад̇асахассам̣ ааяууд̇и.
Nāradabuddhassa pana aparabhāge ito satasahassakappamatthake ekasmiṃ kappe ekova padumuttaro nāma buddho udapādi. Tassāpi tayo sāvakasannipātā. Paṭhame sannipāte koṭisatasahassaṃ bhikkhū ahesuṃ, dutiye vebhārapabbate navutikoṭisahassāni, tatiye asītikoṭisahassāni. Tadā bodhisatto jaṭilo nāma mahāraṭṭhiyo hutvā buddhappamukhassa bhikkhusaṅghasa sacīvaraṃ dānaṃ adāsi. Sopi naṃ satthā ‘‘anāgate buddho bhavissatī’’ti byākāsi. Padumuttarassa pana bhagavato kāle titthiyā nāma nāhesuṃ. Sabbadevamanussā buddhameva saraṇaṃ agamaṃsu. Tassa nagaraṃ haṃsavatī nāma ahosi, pitā ānando nāma khattiyo, mātā sujātā nāma devī, devalo ca sujāto ca dve aggasāvakā, sumano nāmupaṭṭhāko, amitā ca asamā ca dve aggasāvikā, sālarukkho bodhi, sarīraṃ aṭṭhapaṇṇāsahatthubbedhaṃ ahosi, sarīrappabhā samantato dvādasayojanāni gaṇhi, vassasatasahassaṃ āyūti.
‘‘наарад̣̇асса абарзна, самб̣уд̣̇д̇хо д̣̇вибад̣̇уд̇д̇амо;
‘‘Nāradassa aparena, sambuddho dvipaduttamo;
бад̣̇умуд̇д̇аро наама ж̇ино, агкобхо сааг̇аруубамо’’д̇и. (б̣у. вам̣. 12.1);
Padumuttaro nāma jino, akkhobho sāgarūpamo’’ti. (bu. vaṃ. 12.1);
