| Library / Tipiṭaka / д̇ибидага • Tipiṭaka / ид̇ивуд̇д̇ага-адтагат̇аа • Itivuttaka-aṭṭhakathā |
10. бад̣̇удтажид̇д̇асуд̇д̇аван̣н̣анаа
10. Paduṭṭhacittasuttavaṇṇanā
20. д̣̇асамасса гаа уббад̇д̇и? адтуббад̇д̇иязва. згад̣̇ивасам̣ гира бхигкуу д̇хаммасабхааяам̣ саннисиннаа гат̇ам̣ самудтаабзсум̣ – ‘‘аавусо, ид̇хзгажжо б̣ахум̣ бун̃н̃агаммам̣ гарод̇и, згажжо б̣ахум̣ баабагаммам̣, згажжо убхаяавомиссагам̣ гарод̇и. д̇ад̇т̇а вомиссагаарино гийд̣̇исо абхисамбарааяо’’д̇и? ат̇а сад̇т̇аа д̇хаммасабхам̣ убаг̇анваа бан̃н̃ад̇д̇авараб̣уд̣̇д̇хаасанз нисинно д̇ам̣ гат̇ам̣ суд̇ваа ‘‘бхигкавз, маран̣аасаннагаалз сам̣гилидтажид̇д̇асса д̣̇уг̇г̇ад̇и баадиган̇каа’’д̇и д̣̇ассзнд̇о имааяа адтуббад̇д̇ияаа ид̣̇ам̣ суд̇д̇ам̣ д̣̇зсзси.
20. Dasamassa kā uppatti? Aṭṭhuppattiyeva. Ekadivasaṃ kira bhikkhū dhammasabhāyaṃ sannisinnā kathaṃ samuṭṭhāpesuṃ – ‘‘āvuso, idhekacco bahuṃ puññakammaṃ karoti, ekacco bahuṃ pāpakammaṃ, ekacco ubhayavomissakaṃ karoti. Tattha vomissakārino kīdiso abhisamparāyo’’ti? Atha satthā dhammasabhaṃ upaganvā paññattavarabuddhāsane nisinno taṃ kathaṃ sutvā ‘‘bhikkhave, maraṇāsannakāle saṃkiliṭṭhacittassa duggati pāṭikaṅkhā’’ti dassento imāya aṭṭhuppattiyā idaṃ suttaṃ desesi.
д̇ад̇т̇а ид̇хаад̇и д̣̇зсаабад̣̇зсз нибаад̇о. свааяам̣ гад̇т̇ажи бад̣̇зсам̣ убаад̣̇ааяа вужжад̇и ‘‘ид̇хзва д̇идтамаанасса, д̣̇звабхууд̇асса мз сад̇о’’д̇иаад̣̇ийсу (д̣̇ий. ни. 2.369). гад̇т̇ажи саасанам̣ убаад̣̇ааяа ‘‘ид̇хзва, бхигкавз, саман̣о ид̇ха д̣̇уд̇ияо саман̣о’’д̇иаад̣̇ийсу (ма. ни. 1.139; а. ни. 4.241). гад̇т̇ажи бад̣̇абууран̣амад̇д̇з ‘‘ид̇хаахам̣, бхигкавз, бхуд̇д̇аавий ассам̣ баваарид̇о’’д̇иаад̣̇ийсу (ма. ни. 1.30). гад̇т̇ажи логам̣ убаад̣̇ааяа вужжад̇и ‘‘ид̇ха д̇ат̇ааг̇ад̇о логз уббаж̇ж̇ад̇ий’’д̇иаад̣̇ийсу (а. ни. 3.61). ид̇хааби логз зва д̣̇адтаб̣б̣о. згажжанд̇и згам̣, ан̃н̃ад̇аранд̇и ад̇т̇о. буг̇г̇аланд̇и сад̇д̇ам̣. со хи яат̇аабажжаяам̣ гусалаагусалаанам̣ д̇аб̣б̣ибаагаанан̃жа бууран̣ад̇о маран̣авасзна г̇аланад̇о жа буг̇г̇алод̇и вужжад̇и. бад̣̇удтажид̇д̇анд̇и бад̣̇осзна аагхаад̇зна д̣̇удтажид̇д̇ам̣. ат̇а ваа бад̣̇удтажид̇д̇анд̇и д̣̇осзна рааг̇аад̣̇инаа бад̣̇уусид̇ажид̇д̇ам̣. зд̇т̇а жа згажжанд̇и ид̣̇ам̣ бад̣̇удтажид̇д̇асса буг̇г̇аласса висзсанам̣. яасса хи бадисанд̇хид̣̇ааяагагаммам̣ огаасамагааси, со д̇ат̇аа вуд̇д̇о. яасса жа агусалаббавад̇д̇ид̇о жид̇д̇ам̣ нивад̇д̇зд̇ваа гусалавасзна од̇аарзд̇ум̣ на саггаа, звам̣ аасаннамаран̣о. званд̇и ид̣̇аани вад̇д̇аб̣б̣аагаарам̣ д̣̇ассзд̇и. жзд̇асаад̇и ад̇д̇ано жид̇д̇зна жзд̇обарияан̃аан̣зна. жзд̇од̇и д̇асса буг̇г̇аласса жид̇д̇ам̣. барижжаад̇и барижчинд̣̇ид̇ваа баж̇аанаами . нану жа яат̇аагаммубаг̇ан̃аан̣ассааяам̣ висаяод̇и? сажжамзд̇ам̣, д̇ад̣̇аа бавад̇д̇амаанаагусалажид̇д̇авасзна банзд̇ам̣ вуд̇д̇ам̣.
Tattha idhāti desāpadese nipāto. Svāyaṃ katthaci padesaṃ upādāya vuccati ‘‘idheva tiṭṭhamānassa, devabhūtassa me sato’’tiādīsu (dī. ni. 2.369). Katthaci sāsanaṃ upādāya ‘‘idheva, bhikkhave, samaṇo idha dutiyo samaṇo’’tiādīsu (ma. ni. 1.139; a. ni. 4.241). Katthaci padapūraṇamatte ‘‘idhāhaṃ, bhikkhave, bhuttāvī assaṃ pavārito’’tiādīsu (ma. ni. 1.30). Katthaci lokaṃ upādāya vuccati ‘‘idha tathāgato loke uppajjatī’’tiādīsu (a. ni. 3.61). Idhāpi loke eva daṭṭhabbo. Ekaccanti ekaṃ, aññataranti attho. Puggalanti sattaṃ. So hi yathāpaccayaṃ kusalākusalānaṃ tabbipākānañca pūraṇato maraṇavasena galanato ca puggaloti vuccati. Paduṭṭhacittanti padosena āghātena duṭṭhacittaṃ. Atha vā paduṭṭhacittanti dosena rāgādinā padūsitacittaṃ. Ettha ca ekaccanti idaṃ paduṭṭhacittassa puggalassa visesanaṃ. Yassa hi paṭisandhidāyakakammaṃ okāsamakāsi, so tathā vutto. Yassa ca akusalappavattito cittaṃ nivattetvā kusalavasena otāretuṃ na sakkā, evaṃ āsannamaraṇo. Evanti idāni vattabbākāraṃ dasseti. Cetasāti attano cittena cetopariyañāṇena. Cetoti tassa puggalassa cittaṃ. Pariccāti paricchinditvā pajānāmi. Nanu ca yathākammupagañāṇassāyaṃ visayoti? Saccametaṃ, tadā pavattamānaakusalacittavasena panetaṃ vuttaṃ.
имамхи жааяам̣ самаязд̇и имасмим̣ гаалз, имааяам̣ ваа бажжаяасаамаг̇г̇ияам̣, аяам̣ буг̇г̇ало ж̇аванавийт̇ияаа абарабхааг̇з гаалам̣ гарзяяа жзд̇и ад̇т̇о. на хи ж̇аванагкан̣з гаалам̣гирияаа ад̇т̇и. яат̇аабхад̇ам̣ нигкид̇д̇о звам̣ нираязд̇и яат̇аа аабхад̇ам̣ гин̃жи аахарид̇ваа табид̇ам̣, звам̣ ад̇д̇ано гаммунаа нигкид̇д̇о нираяз табид̇о зваад̇и ад̇т̇о. гааяасса бхзд̣̇аад̇и убаад̣̇иннагканд̇хабарижжааг̇аа. барам̣ маран̣аад̇и д̇ад̣̇ананд̇арам̣ абхиниб̣б̣ад̇д̇агканд̇хаг̇г̇ахан̣з. ат̇а ваа гааяасса бхзд̣̇аад̇и ж̇ийвид̇инд̣̇рияасса убажчзд̣̇аа. барам̣ маран̣аад̇и жуд̇ид̇о уд̣̇д̇хам̣.
Imamhicāyaṃ samayeti imasmiṃ kāle, imāyaṃ vā paccayasāmaggiyaṃ, ayaṃ puggalo javanavīthiyā aparabhāge kālaṃ kareyya ceti attho. Na hi javanakkhaṇe kālaṃkiriyā atthi. Yathābhataṃ nikkhitto evaṃ nirayeti yathā ābhataṃ kiñci āharitvā ṭhapitaṃ, evaṃ attano kammunā nikkhitto niraye ṭhapito evāti attho. Kāyassa bhedāti upādinnakkhandhapariccāgā. Paraṃ maraṇāti tadanantaraṃ abhinibbattakkhandhaggahaṇe. Atha vā kāyassa bhedāti jīvitindriyassa upacchedā. Paraṃ maraṇāti cutito uddhaṃ.
абааяанд̇иаад̣̇и саб̣б̣ам̣ нираяассзва взважанам̣. нираяо хи аяасан̇каад̇аа сукаа абзд̇од̇и абааяо; саг̇г̇амогкахзд̇убхууд̇аа ваа бун̃н̃асаммад̇аа аяаа абзд̇од̇иби абааяо. д̣̇угкасса г̇ад̇и бадисаран̣анд̇и д̣̇уг̇г̇ад̇и; д̣̇осаб̣ахулад̇д̇аа ваа д̣̇удтзна гаммунаа ниб̣б̣ад̇д̇аа г̇ад̇ийд̇иби д̣̇уг̇г̇ад̇и. вивасаа нибад̇анд̇и зд̇т̇а д̣̇уггадагаммагаарино, винассанд̇аа ваа зд̇т̇а нибад̇анд̇и самбхиж̇ж̇амаанан̇г̇абажжан̇г̇аад̇и винибаад̇о. над̇т̇и зд̇т̇а ассаад̣̇асан̃н̃ид̇о аяод̇и нирассаад̣̇адтзна нираяо. ат̇а ваа абааяаг̇г̇ахан̣зна д̇иражчаанаяони вужжад̇и. д̇иражчаанаяони хи абааяо суг̇ад̇ид̇о абзд̇ад̇д̇аа, на д̣̇уг̇г̇ад̇и махзсагкаанам̣ нааг̇арааж̇аад̣̇ийнам̣ самбхавад̇о. д̣̇уг̇г̇ад̇иг̇г̇ахан̣зна бзд̇д̇ивисаяо. со хи абааяо жзва д̣̇уг̇г̇ад̇и жа суг̇ад̇ид̇о абзд̇ад̇д̇аа д̣̇угкасса жа г̇ад̇ибхууд̇ад̇д̇аа, на винибаад̇о асурасад̣̇исам̣ авинибаад̇ад̇д̇аа. винибаад̇аг̇г̇ахан̣зна асурагааяо. со хи яат̇аавуд̇д̇зна ад̇т̇зна абааяо жзва д̣̇уг̇г̇ад̇и жа, саб̣б̣асамбад̇д̇исамуссаязхи винибад̇ид̇ад̇д̇аа винибаад̇од̇и жа вужжад̇и. нираяаг̇г̇ахан̣зна авийжиаад̣̇ианзгаббагааро нираяова вужжад̇и. ид̇ха бана саб̣б̣абад̣̇зхиби нираяова вуд̇д̇о. убабаж̇ж̇анд̇ийд̇и бадисанд̇хим̣ г̇ан̣ханд̇и.
Apāyantiādi sabbaṃ nirayasseva vevacanaṃ. Nirayo hi ayasaṅkhātā sukhā apetoti apāyo; saggamokkhahetubhūtā vā puññasammatā ayā apetotipi apāyo. Dukkhassa gati paṭisaraṇanti duggati; dosabahulattā vā duṭṭhena kammunā nibbattā gatītipi duggati. Vivasā nipatanti ettha dukkaṭakammakārino, vinassantā vā ettha nipatanti sambhijjamānaṅgapaccaṅgāti vinipāto. Natthi ettha assādasaññito ayoti nirassādaṭṭhena nirayo. Atha vā apāyaggahaṇena tiracchānayoni vuccati. Tiracchānayoni hi apāyo sugatito apetattā, na duggati mahesakkhānaṃ nāgarājādīnaṃ sambhavato. Duggatiggahaṇena pettivisayo. So hi apāyo ceva duggati ca sugatito apetattā dukkhassa ca gatibhūtattā, na vinipāto asurasadisaṃ avinipātattā. Vinipātaggahaṇena asurakāyo. So hi yathāvuttena atthena apāyo ceva duggati ca, sabbasampattisamussayehi vinipatitattā vinipātoti ca vuccati. Nirayaggahaṇena avīciādianekappakāro nirayova vuccati. Idha pana sabbapadehipi nirayova vutto. Upapajjantīti paṭisandhiṃ gaṇhanti.
г̇аат̇аасу батамаг̇аат̇аа сан̇г̇ийд̇игаалз д̇хаммасан̇г̇аахагад̇т̇зрзхи табид̇аа. н̃ад̇ваанаад̇и буб̣б̣агаалагирияаа. н̃аан̣абуб̣б̣аган̃хи б̣яаагаран̣ам̣. хзд̇уад̇т̇о ваа д̇ваа-сад̣̇д̣̇о яат̇аа ‘‘сийхам̣ д̣̇исваа бхаяам̣ ход̇ий’’д̇и, ж̇аананахзд̇ууд̇и ад̇т̇о . б̣уд̣̇д̇хо, бхигкуунам̣ санд̇игзд̇и б̣уд̣̇д̇хо бхаг̇аваа ад̇д̇ано санд̇игз бхигкуунам̣ зд̇ам̣ барад̇о д̣̇вийхи г̇аат̇аахи вужжамаанам̣ ад̇т̇ам̣ б̣яаагааси. сзсам̣ вуд̇д̇анаяамзва.
Gāthāsu paṭhamagāthā saṅgītikāle dhammasaṅgāhakattherehi ṭhapitā. Ñatvānāti pubbakālakiriyā. Ñāṇapubbakañhi byākaraṇaṃ. Hetuattho vā tvā-saddo yathā ‘‘sīhaṃ disvā bhayaṃ hotī’’ti, jānanahetūti attho . Buddho, bhikkhūnaṃ santiketi buddho bhagavā attano santike bhikkhūnaṃ etaṃ parato dvīhi gāthāhi vuccamānaṃ atthaṃ byākāsi. Sesaṃ vuttanayameva.
д̣̇асамасуд̇д̇аван̣н̣анаа нидтид̇аа.
Dasamasuttavaṇṇanā niṭṭhitā.
д̣̇уд̇ияаваг̇г̇аван̣н̣анаа нидтид̇аа.
Dutiyavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ид̇ивуд̇д̇агабаал̣и • Itivuttakapāḷi / 10. бад̣̇удтажид̇д̇асуд̇д̇ам̣ • 10. Paduṭṭhacittasuttaṃ
