| Library / Tipiṭaka / ཏིཔིཊཀ • Tipiṭaka / ཀཐཱཝཏྠུཔཱལི༹ • Kathāvatthupāḷi |
༡༦. སོལ༹སམཝགྒོ
16. Soḷasamavaggo
(༡༥༧) ༢. པགྒཧཀཐཱ
(157) 2. Paggahakathā
༧༤༥. པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། པརོ པརསྶ ཙིཏྟཾ ‘‘མཱ རཛྫི,’’‘‘མཱ དུསྶི,’’‘‘མཱ མུཡ྄ཧི,’’‘‘མཱ ཀིལིསྶཱི’’ཏི པགྒཎྷཱཏཱིཏི? ན ཧེཝཾ ཝཏྟབྦེ…པེ॰… པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། པརོ པརསྶ ཨལོབྷཾ ཀུསལམཱུལཾ ཛནེཏི… ཨདོསཾ ཀུསལམཱུལཾ ཛནེཏི… ཨམོཧཾ ཀུསལམཱུལཾ ཛནེཏི… སདྡྷཾ ཛནེཏི… ཝཱིརིཡཾ ཛནེཏི… སཏིཾ ཛནེཏི… སམཱདྷིཾ ཛནེཏི… པཉྙཾ ཛནེཏཱིཏི? ན ཧེཝཾ ཝཏྟབྦེ…པེ॰… པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། པརོ པརསྶ ཨུཔྤནྣོ ཕསྶོ ‘‘མཱ ནིརུཛ྄ཛྷཱི’’ཏི པགྒཎྷཱཏཱིཏི? ན ཧེཝཾ ཝཏྟབྦེ…པེ॰… པརོ པརསྶ ཨུཔྤནྣཱ ཝེདནཱ…པེ॰… ཨུཔྤནྣཱ པཉྙཱ ‘‘མཱ ནིརུཛ྄ཛྷཱི’’ཏི པགྒཎྷཱཏཱིཏི? ན ཧེཝཾ ཝཏྟབྦེ…པེ॰…།
745. Paro parassa cittaṃ paggaṇhātīti? Āmantā. Paro parassa cittaṃ ‘‘mā rajji,’’‘‘mā dussi,’’‘‘mā muyhi,’’‘‘mā kilissī’’ti paggaṇhātīti? Na hevaṃ vattabbe…pe… paro parassa cittaṃ paggaṇhātīti? Āmantā. Paro parassa alobhaṃ kusalamūlaṃ janeti… adosaṃ kusalamūlaṃ janeti… amohaṃ kusalamūlaṃ janeti… saddhaṃ janeti… vīriyaṃ janeti… satiṃ janeti… samādhiṃ janeti… paññaṃ janetīti? Na hevaṃ vattabbe…pe… paro parassa cittaṃ paggaṇhātīti? Āmantā. Paro parassa uppanno phasso ‘‘mā nirujjhī’’ti paggaṇhātīti? Na hevaṃ vattabbe…pe… paro parassa uppannā vedanā…pe… uppannā paññā ‘‘mā nirujjhī’’ti paggaṇhātīti? Na hevaṃ vattabbe…pe….
པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། པརོ པརསྶ ཨཏྠཱཡ རཱགཾ པཛཧཏི… དོསཾ པཛཧཏི… མོཧཾ པཛཧཏི…པེ॰… ཨནོཏྟཔྤཾ པཛཧཏཱིཏི? ན ཧེཝཾ ཝཏྟབྦེ…པེ॰…།
Paro parassa cittaṃ paggaṇhātīti? Āmantā. Paro parassa atthāya rāgaṃ pajahati… dosaṃ pajahati… mohaṃ pajahati…pe… anottappaṃ pajahatīti? Na hevaṃ vattabbe…pe….
པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། པརོ པརསྶ ཨཏྠཱཡ མགྒཾ བྷཱཝེཏི… སཏིཔཊྛཱནཾ བྷཱཝེཏི…པེ॰… བོཛ྄ཛྷངྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
Paro parassa cittaṃ paggaṇhātīti? Āmantā. Paro parassa atthāya maggaṃ bhāveti… satipaṭṭhānaṃ bhāveti…pe… bojjhaṅgaṃ bhāvetīti? Na hevaṃ vattabbe…pe….
པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། པརོ པརསྶ ཨཏྠཱཡ དུཀྑཾ པརིཛཱནཱཏི…པེ॰… མགྒཾ བྷཱཝེཏཱིཏི? ན ཧེཝཾ ཝཏྟབྦེ…པེ॰…།
Paro parassa cittaṃ paggaṇhātīti? Āmantā. Paro parassa atthāya dukkhaṃ parijānāti…pe… maggaṃ bhāvetīti? Na hevaṃ vattabbe…pe….
པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། ཨཉྙོ ཨཉྙསྶ ཀཱརཀོ, པརངྐཏཾ སུཁཾ དུཀྑཾ ཨཉྙོ ཀརོཏི ཨཉྙོ པཊིསཾཝེདེཏཱིཏི? ན ཧེཝཾ ཝཏྟབྦེ…པེ॰…།
Paro parassa cittaṃ paggaṇhātīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
པརོ པརསྶ ཙིཏྟཾ པགྒཎྷཱཏཱིཏི? ཨཱམནྟཱ། ནནུ ཝུཏྟཾ བྷགཝཏཱ – ‘‘ཨཏྟནཱཝ ཀཏཾ པཱཔཾ…པེ॰… ནཱཉྙོ ཨཉྙཾ ཝིསོདྷཡེ’’ཏི། ཨཏྠེཝ སུཏྟནྟོཏི? ཨཱམནྟཱ། ཏེན ཧི ན ཝཏྟབྦཾ – ‘‘པརོ པརསྶ ཙིཏྟཾ པགྒཎྷཱཏཱི’’ཏི།
Paro parassa cittaṃ paggaṇhātīti? Āmantā. Nanu vuttaṃ bhagavatā – ‘‘attanāva kataṃ pāpaṃ…pe… nāñño aññaṃ visodhaye’’ti. Attheva suttantoti? Āmantā. Tena hi na vattabbaṃ – ‘‘paro parassa cittaṃ paggaṇhātī’’ti.
༧༤༦. ན ཝཏྟབྦཾ – ‘‘པརོ པརསྶ ཙིཏྟཾ པགྒཎྷཱཏཱི’’ཏི? ཨཱམནྟཱ། ནནུ ཨཏྠི བལཔྤཏྟཱ, ཨཏྠི ཝསཱིབྷཱུཏཱཏི? ཨཱམནྟཱ། ཧཉྩི ཨཏྠི བལཔྤཏྟཱ, ཨཏྠི ཝསཱིབྷཱུཏཱ, ཏེན ཝཏ རེ ཝཏྟབྦེ – ‘‘པརོ པརསྶ ཙིཏྟཾ པགྒཎྷཱཏཱི’’ཏི།
746. Na vattabbaṃ – ‘‘paro parassa cittaṃ paggaṇhātī’’ti? Āmantā. Nanu atthi balappattā, atthi vasībhūtāti? Āmantā. Hañci atthi balappattā, atthi vasībhūtā, tena vata re vattabbe – ‘‘paro parassa cittaṃ paggaṇhātī’’ti.
པགྒཧཀཐཱ ནིཊྛིཏཱ།
Paggahakathā niṭṭhitā.
