| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੧੬. ਸੋਲ਼ਸਮવਗ੍ਗੋ
16. Soḷasamavaggo
(੧੫੭) ੨. ਪਗ੍ਗਹਕਥਾ
(157) 2. Paggahakathā
੭੪੫. ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਚਿਤ੍ਤਂ ‘‘ਮਾ ਰਜ੍ਜਿ,’’‘‘ਮਾ ਦੁਸ੍ਸਿ,’’‘‘ਮਾ ਮੁਯ੍ਹਿ,’’‘‘ਮਾ ਕਿਲਿਸ੍ਸੀ’’ਤਿ ਪਗ੍ਗਣ੍ਹਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਲੋਭਂ ਕੁਸਲਮੂਲਂ ਜਨੇਤਿ… ਅਦੋਸਂ ਕੁਸਲਮੂਲਂ ਜਨੇਤਿ… ਅਮੋਹਂ ਕੁਸਲਮੂਲਂ ਜਨੇਤਿ… ਸਦ੍ਧਂ ਜਨੇਤਿ… વੀਰਿਯਂ ਜਨੇਤਿ… ਸਤਿਂ ਜਨੇਤਿ… ਸਮਾਧਿਂ ਜਨੇਤਿ… ਪਞ੍ਞਂ ਜਨੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਉਪ੍ਪਨ੍ਨੋ ਫਸ੍ਸੋ ‘‘ਮਾ ਨਿਰੁਜ੍ਝੀ’’ਤਿ ਪਗ੍ਗਣ੍ਹਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰… ਪਰੋ ਪਰਸ੍ਸ ਉਪ੍ਪਨ੍ਨਾ વੇਦਨਾ…ਪੇ॰… ਉਪ੍ਪਨ੍ਨਾ ਪਞ੍ਞਾ ‘‘ਮਾ ਨਿਰੁਜ੍ਝੀ’’ਤਿ ਪਗ੍ਗਣ੍ਹਾਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
745. Paro parassa cittaṃ paggaṇhātīti? Āmantā. Paro parassa cittaṃ ‘‘mā rajji,’’‘‘mā dussi,’’‘‘mā muyhi,’’‘‘mā kilissī’’ti paggaṇhātīti? Na hevaṃ vattabbe…pe… paro parassa cittaṃ paggaṇhātīti? Āmantā. Paro parassa alobhaṃ kusalamūlaṃ janeti… adosaṃ kusalamūlaṃ janeti… amohaṃ kusalamūlaṃ janeti… saddhaṃ janeti… vīriyaṃ janeti… satiṃ janeti… samādhiṃ janeti… paññaṃ janetīti? Na hevaṃ vattabbe…pe… paro parassa cittaṃ paggaṇhātīti? Āmantā. Paro parassa uppanno phasso ‘‘mā nirujjhī’’ti paggaṇhātīti? Na hevaṃ vattabbe…pe… paro parassa uppannā vedanā…pe… uppannā paññā ‘‘mā nirujjhī’’ti paggaṇhātīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਤ੍ਥਾਯ ਰਾਗਂ ਪਜਹਤਿ… ਦੋਸਂ ਪਜਹਤਿ… ਮੋਹਂ ਪਜਹਤਿ…ਪੇ॰… ਅਨੋਤ੍ਤਪ੍ਪਂ ਪਜਹਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ paggaṇhātīti? Āmantā. Paro parassa atthāya rāgaṃ pajahati… dosaṃ pajahati… mohaṃ pajahati…pe… anottappaṃ pajahatīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਤ੍ਥਾਯ ਮਗ੍ਗਂ ਭਾવੇਤਿ… ਸਤਿਪਟ੍ਠਾਨਂ ਭਾવੇਤਿ…ਪੇ॰… ਬੋਜ੍ਝਙ੍ਗਂ ਭਾવੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ paggaṇhātīti? Āmantā. Paro parassa atthāya maggaṃ bhāveti… satipaṭṭhānaṃ bhāveti…pe… bojjhaṅgaṃ bhāvetīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਪਰੋ ਪਰਸ੍ਸ ਅਤ੍ਥਾਯ ਦੁਕ੍ਖਂ ਪਰਿਜਾਨਾਤਿ…ਪੇ॰… ਮਗ੍ਗਂ ਭਾવੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ paggaṇhātīti? Āmantā. Paro parassa atthāya dukkhaṃ parijānāti…pe… maggaṃ bhāvetīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਅਞ੍ਞੋ ਅਞ੍ਞਸ੍ਸ ਕਾਰਕੋ, ਪਰਙ੍ਕਤਂ ਸੁਖਂ ਦੁਕ੍ਖਂ ਅਞ੍ਞੋ ਕਰੋਤਿ ਅਞ੍ਞੋ ਪਟਿਸਂવੇਦੇਤੀਤਿ? ਨ ਹੇવਂ વਤ੍ਤਬ੍ਬੇ…ਪੇ॰…।
Paro parassa cittaṃ paggaṇhātīti? Āmantā. Añño aññassa kārako, paraṅkataṃ sukhaṃ dukkhaṃ añño karoti añño paṭisaṃvedetīti? Na hevaṃ vattabbe…pe….
ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਅਤ੍ਤਨਾવ ਕਤਂ ਪਾਪਂ…ਪੇ॰… ਨਾਞ੍ਞੋ ਅਞ੍ਞਂ વਿਸੋਧਯੇ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀ’’ਤਿ।
Paro parassa cittaṃ paggaṇhātīti? Āmantā. Nanu vuttaṃ bhagavatā – ‘‘attanāva kataṃ pāpaṃ…pe… nāñño aññaṃ visodhaye’’ti. Attheva suttantoti? Āmantā. Tena hi na vattabbaṃ – ‘‘paro parassa cittaṃ paggaṇhātī’’ti.
੭੪੬. ਨ વਤ੍ਤਬ੍ਬਂ – ‘‘ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀ’’ਤਿ? ਆਮਨ੍ਤਾ। ਨਨੁ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ વਸੀਭੂਤਾਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਬਲਪ੍ਪਤ੍ਤਾ, ਅਤ੍ਥਿ વਸੀਭੂਤਾ, ਤੇਨ વਤ ਰੇ વਤ੍ਤਬ੍ਬੇ – ‘‘ਪਰੋ ਪਰਸ੍ਸ ਚਿਤ੍ਤਂ ਪਗ੍ਗਣ੍ਹਾਤੀ’’ਤਿ।
746. Na vattabbaṃ – ‘‘paro parassa cittaṃ paggaṇhātī’’ti? Āmantā. Nanu atthi balappattā, atthi vasībhūtāti? Āmantā. Hañci atthi balappattā, atthi vasībhūtā, tena vata re vattabbe – ‘‘paro parassa cittaṃ paggaṇhātī’’ti.
ਪਗ੍ਗਹਕਥਾ ਨਿਟ੍ਠਿਤਾ।
Paggahakathā niṭṭhitā.
