| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. பஹானஸுத்தங்
2. Pahānasuttaṃ
24. ‘‘ஸப்³ப³ப்பஹானாய 1 வோ, பி⁴க்க²வே, த⁴ம்மங் தே³ஸெஸ்ஸாமி. தங் ஸுணாத². கதமோ ச, பி⁴க்க²வே, ஸப்³ப³ப்பஹானாய த⁴ம்மோ? சக்கு²ங், பி⁴க்க²வே, பஹாதப்³ப³ங், ரூபா பஹாதப்³பா³, சக்கு²விஞ்ஞாணங் பஹாதப்³ப³ங், சக்கு²ஸம்ப²ஸ்ஸோ பஹாதப்³போ³ , யம்பித³ங் சக்கு²ஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி பஹாதப்³ப³ங்…பே॰… யம்பித³ங் ஸோதஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி பஹாதப்³ப³ங்… யம்பித³ங் கா⁴னஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி பஹாதப்³ப³ங். ஜிவ்ஹா பஹாதப்³பா³, ரஸா பஹாதப்³பா³, ஜிவ்ஹாவிஞ்ஞாணங் பஹாதப்³ப³ங், ஜிவ்ஹாஸம்ப²ஸ்ஸோ பஹாதப்³போ³, யம்பித³ங் ஜிவ்ஹாஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி பஹாதப்³ப³ங். காயோ பஹாதப்³போ³… மனோ பஹாதப்³போ³, த⁴ம்மா பஹாதப்³பா³, மனோவிஞ்ஞாணங் பஹாதப்³ப³ங், மனோஸம்ப²ஸ்ஸோ பஹாதப்³போ³, யம்பித³ங் மனோஸம்ப²ஸ்ஸபச்சயா உப்பஜ்ஜதி வேத³யிதங் ஸுக²ங் வா து³க்க²ங் வா அது³க்க²மஸுக²ங் வா தம்பி பஹாதப்³ப³ங். அயங் கோ², பி⁴க்க²வே, ஸப்³ப³ப்பஹானாய த⁴ம்மோ’’தி. து³தியங்.
24. ‘‘Sabbappahānāya 2 vo, bhikkhave, dhammaṃ desessāmi. Taṃ suṇātha. Katamo ca, bhikkhave, sabbappahānāya dhammo? Cakkhuṃ, bhikkhave, pahātabbaṃ, rūpā pahātabbā, cakkhuviññāṇaṃ pahātabbaṃ, cakkhusamphasso pahātabbo , yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ…pe… yampidaṃ sotasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ… yampidaṃ ghānasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Jivhā pahātabbā, rasā pahātabbā, jivhāviññāṇaṃ pahātabbaṃ, jivhāsamphasso pahātabbo, yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Kāyo pahātabbo… mano pahātabbo, dhammā pahātabbā, manoviññāṇaṃ pahātabbaṃ, manosamphasso pahātabbo, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Ayaṃ kho, bhikkhave, sabbappahānāya dhammo’’ti. Dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 2. பஹானஸுத்தவண்ணனா • 2. Pahānasuttavaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பஹானஸுத்தவண்ணனா • 2. Pahānasuttavaṇṇanā
