| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. бахаанасуд̇д̇ам̣
3. Pahānasuttaṃ
251. ‘‘д̇иссо имаа, бхигкавз, взд̣̇анаа. гад̇амаа д̇иссо? сукаа взд̣̇анаа, д̣̇угкаа взд̣̇анаа, ад̣̇угкамасукаа взд̣̇анаа. сукааяа, бхигкавз, взд̣̇анааяа рааг̇аанусаяо бахаад̇аб̣б̣о, д̣̇угкааяа взд̣̇анааяа бадигхаанусаяо бахаад̇аб̣б̣о, ад̣̇угкамасукааяа взд̣̇анааяа авиж̇ж̇аанусаяо бахаад̇аб̣б̣о. яад̇о ко, бхигкавз, бхигкуно сукааяа взд̣̇анааяа рааг̇аанусаяо бахийно ход̇и, д̣̇угкааяа взд̣̇анааяа бадигхаанусаяо бахийно ход̇и, ад̣̇угкамасукааяа взд̣̇анааяа авиж̇ж̇аанусаяо бахийно ход̇и, аяам̣ вужжад̇и, бхигкавз, ‘бхигку ниранусаяо саммад̣̇д̣̇асо ажчзжчи 1 д̇ан̣хам̣, вивад̇д̇аяи 2 сам̣яож̇анам̣, саммаа маанаабхисамаяаа анд̇амагааси д̣̇угкассаа’’’д̇и.
251. ‘‘Tisso imā, bhikkhave, vedanā. Katamā tisso? Sukhā vedanā, dukkhā vedanā, adukkhamasukhā vedanā. Sukhāya, bhikkhave, vedanāya rāgānusayo pahātabbo, dukkhāya vedanāya paṭighānusayo pahātabbo, adukkhamasukhāya vedanāya avijjānusayo pahātabbo. Yato kho, bhikkhave, bhikkhuno sukhāya vedanāya rāgānusayo pahīno hoti, dukkhāya vedanāya paṭighānusayo pahīno hoti, adukkhamasukhāya vedanāya avijjānusayo pahīno hoti, ayaṃ vuccati, bhikkhave, ‘bhikkhu niranusayo sammaddaso acchecchi 3 taṇhaṃ, vivattayi 4 saṃyojanaṃ, sammā mānābhisamayā antamakāsi dukkhassā’’’ti.
‘‘сукам̣ взд̣̇аяамаанасса 5, взд̣̇анам̣ аббаж̇аанад̇о;
‘‘Sukhaṃ vedayamānassa 6, vedanaṃ appajānato;
со рааг̇аанусаяо ход̇и, аниссаран̣ад̣̇ассино.
So rāgānusayo hoti, anissaraṇadassino.
‘‘д̣̇угкам̣ взд̣̇аяамаанасса, взд̣̇анам̣ аббаж̇аанад̇о;
‘‘Dukkhaṃ vedayamānassa, vedanaṃ appajānato;
бадигхаанусаяо ход̇и, аниссаран̣ад̣̇ассино.
Paṭighānusayo hoti, anissaraṇadassino.
‘‘ад̣̇угкамасукам̣ санд̇ам̣, бхуурибан̃н̃зна д̣̇зсид̇ам̣;
‘‘Adukkhamasukhaṃ santaṃ, bhūripaññena desitaṃ;
д̇ан̃жааби абхинанд̣̇ад̇и, нзва д̣̇угкаа бамужжад̇и.
Tañcāpi abhinandati, neva dukkhā pamuccati.
‘‘яад̇о жа бхигку аад̇аабий, самбаж̇ан̃н̃ам̣ на рин̃жад̇и;
‘‘Yato ca bhikkhu ātāpī, sampajaññaṃ na riñcati;
д̇ад̇о со взд̣̇анаа саб̣б̣аа, бариж̇аанаад̇и бан̣д̣ид̇о.
Tato so vedanā sabbā, parijānāti paṇḍito.
‘‘со взд̣̇анаа барин̃н̃ааяа, д̣̇идтз д̇хаммз анаасаво;
‘‘So vedanā pariññāya, diṭṭhe dhamme anāsavo;
гааяасса бхзд̣̇аа д̇хаммадто, сан̇кяам̣ нобзд̇и взд̣̇аг̇уу’’д̇и. д̇ад̇ияам̣;
Kāyassa bhedā dhammaṭṭho, saṅkhyaṃ nopeti vedagū’’ti. tatiyaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. бахаанасуд̇д̇аван̣н̣анаа • 3. Pahānasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. бахаанасуд̇д̇аван̣н̣анаа • 3. Pahānasuttavaṇṇanā
