Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya

    ༢. པཧཱནསུཏྟཾ

    2. Pahānasuttaṃ

    ༢༤. ‘‘སབྦཔྤཧཱནཱཡ 1 ཝོ, བྷིཀྑཝེ, དྷམྨཾ དེསེསྶཱམི། ཏཾ སུཎཱཐ། ཀཏམོ ཙ, བྷིཀྑཝེ, སབྦཔྤཧཱནཱཡ དྷམྨོ? ཙཀྑུཾ, བྷིཀྑཝེ, པཧཱཏབྦཾ, རཱུཔཱ པཧཱཏབྦཱ, ཙཀྑུཝིཉྙཱཎཾ པཧཱཏབྦཾ, ཙཀྑུསམྥསྶོ པཧཱཏབྦོ , ཡམྤིདཾ ཙཀྑུསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི པཧཱཏབྦཾ…པེ॰… ཡམྤིདཾ སོཏསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི པཧཱཏབྦཾ… ཡམྤིདཾ གྷཱནསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི པཧཱཏབྦཾ། ཛིཝ྄ཧཱ པཧཱཏབྦཱ, རསཱ པཧཱཏབྦཱ, ཛིཝ྄ཧཱཝིཉྙཱཎཾ པཧཱཏབྦཾ, ཛིཝ྄ཧཱསམྥསྶོ པཧཱཏབྦོ, ཡམྤིདཾ ཛིཝ྄ཧཱསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི པཧཱཏབྦཾ། ཀཱཡོ པཧཱཏབྦོ… མནོ པཧཱཏབྦོ, དྷམྨཱ པཧཱཏབྦཱ, མནོཝིཉྙཱཎཾ པཧཱཏབྦཾ, མནོསམྥསྶོ པཧཱཏབྦོ, ཡམྤིདཾ མནོསམྥསྶཔཙྩཡཱ ཨུཔྤཛྫཏི ཝེདཡིཏཾ སུཁཾ ཝཱ དུཀྑཾ ཝཱ ཨདུཀྑམསུཁཾ ཝཱ ཏམྤི པཧཱཏབྦཾ། ཨཡཾ ཁོ, བྷིཀྑཝེ, སབྦཔྤཧཱནཱཡ དྷམྨོ’’ཏི། དུཏིཡཾ།

    24. ‘‘Sabbappahānāya 2 vo, bhikkhave, dhammaṃ desessāmi. Taṃ suṇātha. Katamo ca, bhikkhave, sabbappahānāya dhammo? Cakkhuṃ, bhikkhave, pahātabbaṃ, rūpā pahātabbā, cakkhuviññāṇaṃ pahātabbaṃ, cakkhusamphasso pahātabbo , yampidaṃ cakkhusamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ…pe… yampidaṃ sotasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ… yampidaṃ ghānasamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Jivhā pahātabbā, rasā pahātabbā, jivhāviññāṇaṃ pahātabbaṃ, jivhāsamphasso pahātabbo, yampidaṃ jivhāsamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Kāyo pahātabbo… mano pahātabbo, dhammā pahātabbā, manoviññāṇaṃ pahātabbaṃ, manosamphasso pahātabbo, yampidaṃ manosamphassapaccayā uppajjati vedayitaṃ sukhaṃ vā dukkhaṃ vā adukkhamasukhaṃ vā tampi pahātabbaṃ. Ayaṃ kho, bhikkhave, sabbappahānāya dhammo’’ti. Dutiyaṃ.




    Next: ༣. ཨབྷིཉྙཱཔརིཉྙཱཔཧཱནསུཏྟཾ • 3. Abhiññāpariññāpahānasuttaṃ




    Footnotes:
    1. སབྦཾ པཧཱནཱཡ (སྱཱ॰ ཀཾ॰ ཀ॰)
    2. sabbaṃ pahānāya (syā. kaṃ. ka.)



    Related texts:



    ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༢. པཧཱནསུཏྟཝཎྞནཱ • 2. Pahānasuttavaṇṇanā

    ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༢. པཧཱནསུཏྟཝཎྞནཱ • 2. Pahānasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact