| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
2. பஹானஸுத்தவண்ணனா
2. Pahānasuttavaṇṇanā
24. து³தியே ஸப்³ப³ப்பஹானாயாதி ஸப்³ப³ஸ்ஸ பஹானாய. சக்கு²ஸம்ப²ஸ்ஸபச்சயா உப்பஜ்ஜதி வேத³யிதந்தி சக்கு²ஸம்ப²ஸ்ஸங் மூலபச்சயங் கத்வா உப்பன்னா ஸம்படிச்ச²னஸந்தீரணவொட்ட²ப்³ப³னஜவனவேத³னா. சக்கு²விஞ்ஞாணஸம்பயுத்தாய பன வத்தப்³ப³மேவ நத்தி². ஸோதத்³வாராதி³வேத³னாபச்சயாதீ³ஸுபி ஏஸேவ நயோ. எத்த² பன மனோதி ப⁴வங்க³சித்தங். த⁴ம்மாதி ஆரம்மணங். மனோவிஞ்ஞாணந்தி ஸஹாவஜ்ஜனகஜவனங். மனோஸம்ப²ஸ்ஸோதி ப⁴வங்க³ஸஹஜாதோ ஸம்ப²ஸ்ஸோ. வேத³யிதந்தி ஸஹாவஜ்ஜனவேத³னாய ஜவனவேத³னா. ப⁴வங்க³ஸம்பயுத்தாய பன வத்தப்³ப³மேவ நத்தி². ஆவஜ்ஜனங் ப⁴வங்க³தோ அமோசெத்வா மனோதி ஸஹாவஜ்ஜனேன ப⁴வங்க³ங் த³ட்ட²ப்³ப³ங். த⁴ம்மாதி ஆரம்மணங். மனோவிஞ்ஞாணந்தி ஜவனவிஞ்ஞாணங். மனோஸம்ப²ஸ்ஸோதி ப⁴வங்க³ஸஹஜாதோ ஸம்ப²ஸ்ஸோ. வேத³யிதந்தி ஜவனஸஹஜாதா வேத³னா. ஸஹாவஜ்ஜனேன ப⁴வங்க³ஸஹஜாதாபி வட்டதியேவ. யா பனெத்த² தே³ஸனா அனுஸிட்டி²ஆணா, அயங் பண்ணத்தி நாமாதி.
24. Dutiye sabbappahānāyāti sabbassa pahānāya. Cakkhusamphassapaccayā uppajjati vedayitanti cakkhusamphassaṃ mūlapaccayaṃ katvā uppannā sampaṭicchanasantīraṇavoṭṭhabbanajavanavedanā. Cakkhuviññāṇasampayuttāya pana vattabbameva natthi. Sotadvārādivedanāpaccayādīsupi eseva nayo. Ettha pana manoti bhavaṅgacittaṃ. Dhammāti ārammaṇaṃ. Manoviññāṇanti sahāvajjanakajavanaṃ. Manosamphassoti bhavaṅgasahajāto samphasso. Vedayitanti sahāvajjanavedanāya javanavedanā. Bhavaṅgasampayuttāya pana vattabbameva natthi. Āvajjanaṃ bhavaṅgato amocetvā manoti sahāvajjanena bhavaṅgaṃ daṭṭhabbaṃ. Dhammāti ārammaṇaṃ. Manoviññāṇanti javanaviññāṇaṃ. Manosamphassoti bhavaṅgasahajāto samphasso. Vedayitanti javanasahajātā vedanā. Sahāvajjanena bhavaṅgasahajātāpi vaṭṭatiyeva. Yā panettha desanā anusiṭṭhiāṇā, ayaṃ paṇṇatti nāmāti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 2. பஹானஸுத்தங் • 2. Pahānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 2. பஹானஸுத்தவண்ணனா • 2. Pahānasuttavaṇṇanā
