| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. бахаанасуд̇д̇аван̣н̣анаа
3. Pahānasuttavaṇṇanā
251. д̇ад̇ияз ажчзжчи д̇ан̣ханд̇и саб̣б̣амби д̇ан̣хам̣ чинд̣̇и самужчинд̣̇и. вивад̇д̇аяи сам̣яож̇ананд̇и д̣̇асавид̇хамби сам̣яож̇анам̣ баривад̇д̇аяи ниммуулагамагааси. саммаад̇и хзд̇унаа гааран̣зна. маанаабхисамаяаад̇и маанасса д̣̇ассанаабхисамаяаа, бахаанаабхисамаяаа жа. арахад̇д̇амаг̇г̇о хи гижжавасзна маанам̣ самбассад̇и, аяамасса д̣̇ассанаабхисамаяо. д̇зна д̣̇идто бана со д̇аавад̣̇зва бахийяад̇и, д̣̇идтависзна д̣̇идтасад̇д̇аанам̣ ж̇ийвид̇ам̣ вияа. аяамасса бахаанаабхисамаяо.
251. Tatiye acchecchi taṇhanti sabbampi taṇhaṃ chindi samucchindi. Vivattayi saṃyojananti dasavidhampi saṃyojanaṃ parivattayi nimmūlakamakāsi. Sammāti hetunā kāraṇena. Mānābhisamayāti mānassa dassanābhisamayā, pahānābhisamayā ca. Arahattamaggo hi kiccavasena mānaṃ sampassati, ayamassa dassanābhisamayo. Tena diṭṭho pana so tāvadeva pahīyati, diṭṭhavisena diṭṭhasattānaṃ jīvitaṃ viya. Ayamassa pahānābhisamayo.
анд̇амагааси д̣̇угкассаад̇и звам̣ арахад̇д̇амаг̇г̇зна маанасса д̣̇идтад̇д̇аа жа бахийнад̇д̇аа жа яз имз ‘‘гааяаб̣анд̇ханасса анд̇о ж̇ийрад̇и (жуул̣ава. 278) харид̇анд̇ам̣ ваа’’д̇и (ма. ни. 1.304) звам̣ вуд̇д̇аанд̇имамарияаад̣̇анд̇о жа, ‘‘анд̇амид̣̇ам̣, бхигкавз, ж̇ийвигаана’’нд̇и (ид̇иву. 91; сам̣. ни. 3.80) звам̣ вуд̇д̇алаамаганд̇о жа, ‘‘саггааяо зго анд̇о’’д̇и (а. ни. 6.61; жуул̣ани. д̇иссамзд̇д̇зяяамаан̣авабужчаанид̣̇д̣̇зса 11) звам̣ вуд̇д̇агодтаасанд̇о жа, ‘‘зсзванд̇о д̣̇угкасса саб̣б̣абажжаяасан̇каяаа’’д̇и (сам̣ ни. 2.51; 2.4.71; уд̣̇аа. 71) звам̣ вуд̇д̇агоданд̇о жаад̇и жад̇д̇ааро анд̇аа, д̇зсу саб̣б̣ассзва ваддад̣̇угкасса ад̣̇ум̣ жад̇уд̇т̇агодисан̇каад̇ам̣ анд̇амагааси, барижчзд̣̇ам̣ баривадумам̣ агааси, анд̇имасамуссаяамад̇д̇аавасзсам̣ д̣̇угкамагаасийд̇и вуд̇д̇ам̣ ход̇и.
Antamakāsi dukkhassāti evaṃ arahattamaggena mānassa diṭṭhattā ca pahīnattā ca ye ime ‘‘kāyabandhanassa anto jīrati (cūḷava. 278) haritantaṃ vā’’ti (ma. ni. 1.304) evaṃ vuttaantimamariyādanto ca, ‘‘antamidaṃ, bhikkhave, jīvikāna’’nti (itivu. 91; saṃ. ni. 3.80) evaṃ vuttalāmakanto ca, ‘‘sakkāyo eko anto’’ti (a. ni. 6.61; cūḷani. tissametteyyamāṇavapucchāniddesa 11) evaṃ vuttakoṭṭhāsanto ca, ‘‘esevanto dukkhassa sabbapaccayasaṅkhayā’’ti (saṃ ni. 2.51; 2.4.71; udā. 71) evaṃ vuttakoṭanto cāti cattāro antā, tesu sabbasseva vaṭṭadukkhassa aduṃ catutthakoṭisaṅkhātaṃ antamakāsi, paricchedaṃ parivaṭumaṃ akāsi, antimasamussayamattāvasesaṃ dukkhamakāsīti vuttaṃ hoti.
самбаж̇ан̃н̃ам̣ на рин̃жад̇ийд̇и самбаж̇ан̃н̃ам̣ на ж̇ахад̇и. сан̇кяам̣ нобзд̇ийд̇и рад̇д̇о д̣̇удто муул̣ход̇и бан̃н̃ад̇д̇им̣ на убзд̇и, д̇ам̣ бан̃н̃ад̇д̇им̣ бахааяа кийн̣аасаво наама ход̇ийд̇и ад̇т̇о. имасмим̣ суд̇д̇з аарамман̣аанусаяо гат̇ид̇о.
Sampajaññaṃ na riñcatīti sampajaññaṃ na jahati. Saṅkhyaṃ nopetīti ratto duṭṭho mūḷhoti paññattiṃ na upeti, taṃ paññattiṃ pahāya khīṇāsavo nāma hotīti attho. Imasmiṃ sutte ārammaṇānusayo kathito.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. бахаанасуд̇д̇ам̣ • 3. Pahānasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. бахаанасуд̇д̇аван̣н̣анаа • 3. Pahānasuttavaṇṇanā
