| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
2. бахаанасуд̇д̇аван̣н̣анаа
2. Pahānasuttavaṇṇanā
24. саб̣б̣ассаад̇и д̣̇ваараарамман̣зхи сад̣̇д̇хим̣ д̣̇ваараббавад̇д̇асса. бахаанааяаад̇и д̇аббадиб̣ад̣̇д̇хачанд̣̇арааг̇абахаанавасзна баж̇аханааяа. жагкусампассанд̇и жагкусанниссид̇апассам̣. муулабажжаяанд̇и муулабхууд̇ам̣ бажжаяам̣ гад̇ваа, сахаж̇аад̇авзд̣̇анааяа жагкусампассабажжаяабхаавз вад̇д̇аб̣б̣амзва над̇т̇и. зсзва наяод̇и абад̣̇зсзна ‘‘сод̇асампассам̣ муулабажжаяам̣ гад̇ваа’’д̇иаад̣̇инаа вад̇д̇аб̣б̣анд̇и д̣̇ассзд̇и. манод̇и бхаван̇г̇ажид̇д̇ам̣ манод̣̇ваарасса ад̇хиббзд̇ад̇д̇аа. аарамман̣анд̇и д̇хаммаарамман̣ам̣. сахааваж̇ж̇анагаж̇авананд̇и сахаманод̣̇ваарааваж̇ж̇анагам̣ ж̇аванам̣. д̇ам̣буб̣б̣агад̇д̇аа мановин̃н̃аан̣апассавзд̣̇анаанам̣ муулабажжаяабхууд̇аа саб̣б̣зсвзва жагкуд̣̇ваараад̣̇ийсу вуд̇д̇ид̇д̇аа д̇ад̣̇ануруубад̇о ‘‘бхаван̇г̇асахаж̇аад̇о сампассо’’д̇и вуд̇д̇ам̣. сахааваж̇ж̇анавзд̣̇анааяа ж̇аванавзд̣̇анаа ‘‘взд̣̇аяид̇а’’нд̇и ад̇хиббзд̇аа, бхаван̇г̇асамбаяуд̇д̇ааяа бана взд̣̇анааяа г̇ахан̣з вад̇д̇аб̣б̣амзва над̇т̇и. бхаван̇г̇ад̇о аможзд̇ваа бхаван̇г̇ажид̇д̇зна сад̣̇д̇хим̣язва ааваж̇ж̇анам̣ г̇ахзд̇ваа манод̣̇ваарааваж̇ж̇анам̣ бхаван̇г̇ам̣ д̣̇адтаб̣б̣ам̣. яаа банзд̇т̇а д̣̇зсанаад̇и яаа зд̇т̇а ‘‘бахаанааяаа’’д̇иаад̣̇инаа бавад̇д̇ад̣̇зсанаа сад̇т̇у анасидти аан̣аа. аяам̣ бан̣н̣ад̇д̇и наама д̇асса д̇асса ад̇т̇асса багаарад̇о н̃аабанад̇о. зд̇т̇а саб̣б̣аг̇г̇ахан̣зна саб̣б̣з сабхаавад̇хаммаа г̇ахид̇аа, бан̃н̃ад̇д̇и бана гад̇амаад̇и вижааран̣ааяа д̇ам̣ д̣̇ассзд̇ум̣ ‘‘яаа банзд̇т̇аа’’д̇иаад̣̇и вуд̇д̇анд̇и д̣̇адтаб̣б̣ам̣.
24.Sabbassāti dvārārammaṇehi saddhiṃ dvārappavattassa. Pahānāyāti tappaṭibaddhachandarāgapahānavasena pajahanāya. Cakkhusamphassanti cakkhusannissitaphassaṃ. Mūlapaccayanti mūlabhūtaṃ paccayaṃ katvā, sahajātavedanāya cakkhusamphassapaccayabhāve vattabbameva natthi. Eseva nayoti apadesena ‘‘sotasamphassaṃ mūlapaccayaṃ katvā’’tiādinā vattabbanti dasseti. Manoti bhavaṅgacittaṃ manodvārassa adhippetattā. Ārammaṇanti dhammārammaṇaṃ. Sahāvajjanakajavananti sahamanodvārāvajjanakaṃ javanaṃ. Taṃpubbakattā manoviññāṇaphassavedanānaṃ mūlapaccayabhūtā sabbesveva cakkhudvārādīsu vuttittā tadanurūpato ‘‘bhavaṅgasahajāto samphasso’’ti vuttaṃ. Sahāvajjanavedanāya javanavedanā ‘‘vedayita’’nti adhippetā, bhavaṅgasampayuttāya pana vedanāya gahaṇe vattabbameva natthi. Bhavaṅgato amocetvā bhavaṅgacittena saddhiṃyeva āvajjanaṃ gahetvā manodvārāvajjanaṃ bhavaṅgaṃ daṭṭhabbaṃ. Yā panettha desanāti yā ettha ‘‘pahānāyā’’tiādinā pavattadesanā satthu anasiṭṭhi āṇā. Ayaṃ paṇṇatti nāma tassa tassa atthassa pakārato ñāpanato. Ettha sabbaggahaṇena sabbe sabhāvadhammā gahitā, paññatti pana katamāti vicāraṇāya taṃ dassetuṃ ‘‘yā panetthā’’tiādi vuttanti daṭṭhabbaṃ.
бахаанасуд̇д̇аван̣н̣анаа нидтид̇аа.
Pahānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 2. бахаанасуд̇д̇ам̣ • 2. Pahānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 2. бахаанасуд̇д̇аван̣н̣анаа • 2. Pahānasuttavaṇṇanā
