| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. бахаанасуд̇д̇аван̣н̣анаа
3. Pahānasuttavaṇṇanā
251. саб̣б̣амби адтасад̇абабхзд̣̇ам̣ д̇ан̣хам̣ чинд̣̇и самужчзд̣̇абахаанавасзна баж̇ахи. д̇знааха ‘‘самужчинд̣̇ий’’д̇и. яад̣̇аг̇г̇зна д̇ан̣хаа саб̣б̣асо самужчиннаа, д̇ад̣̇аг̇г̇зна саб̣б̣ааниби сан̃н̃ож̇анаанийд̇и ааха ‘‘д̣̇асавид̇хамбий’’д̇иаад̣̇и. саммаад̇и судту. бахаанан̃жа наама убааязна н̃ааязна бахаананд̇и ааха ‘‘хзд̇унаа гааран̣знаа’’д̇и. д̣̇ассанаабхисамаяаад̇и асаммохабадивзд̇хаа. арахад̇д̇амаг̇г̇о хи уббаж̇ж̇амаанова сабхаавабадижчаад̣̇агам̣ мохам̣ вид̣̇д̇хам̣сзнд̇о зва бавад̇д̇ад̇и, д̇зна маано яаат̇аавад̇о д̣̇идто наама ход̇и, аяамасса д̣̇ассанаабхисамаяо. яат̇аа хи суурияз удтид̇з анд̇хагааро вид̣̇д̇хам̣сияамаано вихад̇о, звам̣ арахад̇д̇амаг̇г̇з уббаж̇ж̇амаанз со саб̣б̣асо бахийно зва ход̇и, на д̇асмим̣ санд̇аанз бад̇идтам̣ лабхад̇и, аяамасса бахаанаабхисамаяо. д̇зна вуд̇д̇ам̣ ‘‘арахад̇д̇амаг̇г̇о хий’’д̇иаад̣̇и. гижжавасзнаад̇и асаммохабадивзд̇хасан̇каад̇асса д̣̇ассанагижжасса анибпаад̣̇анавасзна.
251.Sabbampi aṭṭhasatapabhedaṃ taṇhaṃ chindi samucchedapahānavasena pajahi. Tenāha ‘‘samucchindī’’ti. Yadaggena taṇhā sabbaso samucchinnā, tadaggena sabbānipi saññojanānīti āha ‘‘dasavidhampī’’tiādi. Sammāti suṭṭhu. Pahānañca nāma upāyena ñāyena pahānanti āha ‘‘hetunā kāraṇenā’’ti. Dassanābhisamayāti asammohapaṭivedhā. Arahattamaggo hi uppajjamānova sabhāvapaṭicchādakaṃ mohaṃ viddhaṃsento eva pavattati, tena māno yāthāvato diṭṭho nāma hoti, ayamassa dassanābhisamayo. Yathā hi sūriye uṭṭhite andhakāro viddhaṃsiyamāno vihato, evaṃ arahattamagge uppajjamāne so sabbaso pahīno eva hoti, na tasmiṃ santāne patiṭṭhaṃ labhati, ayamassa pahānābhisamayo. Tena vuttaṃ ‘‘arahattamaggo hī’’tiādi. Kiccavasenāti asammohapaṭivedhasaṅkhātassa dassanakiccassa anipphādanavasena.
яз имз жад̇д̇ааро анд̇аад̇и самб̣анд̇хо. марияаад̣̇анд̇од̇и марияаад̣̇асан̇каад̇о анд̇о. зса наяо сзсад̇д̇аязби. д̇зсууд̇и жад̇уусу анд̇зсу. ад̣̇ум̣ жад̇уд̇т̇агодисан̇каад̇ам̣ саб̣б̣ассзва ваддад̣̇угкасса анд̇ам̣ барижчзд̣̇ам̣ арахад̇д̇амаг̇г̇зна маанасса д̣̇идтад̇д̇аа бахийнад̇д̇аа жа агаасийд̇и яож̇анаа. самуссаяо ад̇д̇абхааво.
Ye ime cattāro antāti sambandho. Mariyādantoti mariyādasaṅkhāto anto. Esa nayo sesattayepi. Tesūti catūsu antesu. Aduṃ catutthakoṭisaṅkhātaṃ sabbasseva vaṭṭadukkhassa antaṃ paricchedaṃ arahattamaggena mānassa diṭṭhattā pahīnattā ca akāsīti yojanā. Samussayo attabhāvo.
на рин̃жад̇ийд̇и на вивзжзд̇и на виссаж̇ж̇зд̇и. д̇знааха ‘‘самбаж̇ан̃н̃ам̣ на ж̇ахад̇ий’’д̇и, самбаж̇ан̃н̃ам̣ на барижжаж̇ад̇ийд̇и ад̇т̇о. сан̇кяам̣ нобзд̇ийд̇и имасса ‘‘д̣̇идтад̇хаммз анаасаво’’д̇и имасса васзна ад̇т̇ам̣ вад̣̇анд̇о ‘‘рад̇д̇о д̣̇удто’’д̇и авожа саубаад̣̇исзсаниб̣б̣аанавасзна. сан̇кяам̣ нобзд̇ийд̇и ваа д̣̇идтз-д̇хаммз анаасаво д̇хаммадто взд̣̇аг̇уу гааяасса бхзд̣̇аа мануссо д̣̇звод̇и ваа бан̃н̃ад̇д̇им̣ на убзд̇ийд̇и анубаад̣̇исзсаниб̣б̣аанавасзнаби ад̇т̇о вад̇д̇аб̣б̣о. зд̇т̇а жа сукаад̣̇ийсу взд̣̇анаасу яат̇ааггамам̣ рааг̇аанусаяаад̣̇аяо гат̇ид̇аад̇и ааха – ‘‘имасмим̣ суд̇д̇з аарамман̣аанусаяо гат̇ид̇о’’д̇и. яо хи рааг̇аад̣̇и бажжаяасамавааяз ад̇иидтаад̣̇ийсу уббаж̇ж̇анаарахо маг̇г̇зна аббахийно, со ‘‘рааг̇аанусаяо’’д̇иаад̣̇инаа вуд̇д̇о, аббахийнад̇т̇о со маг̇г̇зна бахаад̇аб̣б̣о, на барияудтаанаабхибхавад̇т̇од̇и.
Na riñcatīti na viveceti na vissajjeti. Tenāha ‘‘sampajaññaṃ na jahatī’’ti, sampajaññaṃ na pariccajatīti attho. Saṅkhyaṃ nopetīti imassa ‘‘diṭṭhadhamme anāsavo’’ti imassa vasena atthaṃ vadanto ‘‘ratto duṭṭho’’ti avoca saupādisesanibbānavasena. Saṅkhyaṃ nopetīti vā diṭṭhe-dhamme anāsavo dhammaṭṭho vedagū kāyassa bhedā manusso devoti vā paññattiṃ na upetīti anupādisesanibbānavasenapi attho vattabbo. Ettha ca sukhādīsu vedanāsu yathākkamaṃ rāgānusayādayo kathitāti āha – ‘‘imasmiṃ sutte ārammaṇānusayo kathito’’ti. Yo hi rāgādi paccayasamavāye atiiṭṭhādīsu uppajjanāraho maggena appahīno, so ‘‘rāgānusayo’’tiādinā vutto, appahīnattho so maggena pahātabbo, na pariyuṭṭhānābhibhavatthoti.
бахаанасуд̇д̇аван̣н̣анаа нидтид̇аа.
Pahānasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. бахаанасуд̇д̇ам̣ • 3. Pahānasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. бахаанасуд̇д̇аван̣н̣анаа • 3. Pahānasuttavaṇṇanā
