| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਪਹਾਨਸੁਤ੍ਤવਣ੍ਣਨਾ
3. Pahānasuttavaṇṇanā
੨੫੧. ਤਤਿਯੇ ਅਚ੍ਛੇਚ੍ਛਿ ਤਣ੍ਹਨ੍ਤਿ ਸਬ੍ਬਮ੍ਪਿ ਤਣ੍ਹਂ ਛਿਨ੍ਦਿ ਸਮੁਚ੍ਛਿਨ੍ਦਿ। વਿવਤ੍ਤਯਿ ਸਂਯੋਜਨਨ੍ਤਿ ਦਸવਿਧਮ੍ਪਿ ਸਂਯੋਜਨਂ ਪਰਿવਤ੍ਤਯਿ ਨਿਮ੍ਮੂਲਕਮਕਾਸਿ। ਸਮ੍ਮਾਤਿ ਹੇਤੁਨਾ ਕਾਰਣੇਨ। ਮਾਨਾਭਿਸਮਯਾਤਿ ਮਾਨਸ੍ਸ ਦਸ੍ਸਨਾਭਿਸਮਯਾ, ਪਹਾਨਾਭਿਸਮਯਾ ਚ। ਅਰਹਤ੍ਤਮਗ੍ਗੋ ਹਿ ਕਿਚ੍ਚવਸੇਨ ਮਾਨਂ ਸਮ੍ਪਸ੍ਸਤਿ, ਅਯਮਸ੍ਸ ਦਸ੍ਸਨਾਭਿਸਮਯੋ। ਤੇਨ ਦਿਟ੍ਠੋ ਪਨ ਸੋ ਤਾવਦੇવ ਪਹੀਯਤਿ, ਦਿਟ੍ਠવਿਸੇਨ ਦਿਟ੍ਠਸਤ੍ਤਾਨਂ ਜੀવਿਤਂ વਿਯ। ਅਯਮਸ੍ਸ ਪਹਾਨਾਭਿਸਮਯੋ।
251. Tatiye acchecchi taṇhanti sabbampi taṇhaṃ chindi samucchindi. Vivattayi saṃyojananti dasavidhampi saṃyojanaṃ parivattayi nimmūlakamakāsi. Sammāti hetunā kāraṇena. Mānābhisamayāti mānassa dassanābhisamayā, pahānābhisamayā ca. Arahattamaggo hi kiccavasena mānaṃ sampassati, ayamassa dassanābhisamayo. Tena diṭṭho pana so tāvadeva pahīyati, diṭṭhavisena diṭṭhasattānaṃ jīvitaṃ viya. Ayamassa pahānābhisamayo.
ਅਨ੍ਤਮਕਾਸਿ ਦੁਕ੍ਖਸ੍ਸਾਤਿ ਏવਂ ਅਰਹਤ੍ਤਮਗ੍ਗੇਨ ਮਾਨਸ੍ਸ ਦਿਟ੍ਠਤ੍ਤਾ ਚ ਪਹੀਨਤ੍ਤਾ ਚ ਯੇ ਇਮੇ ‘‘ਕਾਯਬਨ੍ਧਨਸ੍ਸ ਅਨ੍ਤੋ ਜੀਰਤਿ (ਚੂਲ਼વ॰ ੨੭੮) ਹਰਿਤਨ੍ਤਂ વਾ’’ਤਿ (ਮ॰ ਨਿ॰ ੧.੩੦੪) ਏવਂ વੁਤ੍ਤਅਨ੍ਤਿਮਮਰਿਯਾਦਨ੍ਤੋ ਚ, ‘‘ਅਨ੍ਤਮਿਦਂ, ਭਿਕ੍ਖવੇ, ਜੀવਿਕਾਨ’’ਨ੍ਤਿ (ਇਤਿવੁ॰ ੯੧; ਸਂ॰ ਨਿ॰ ੩.੮੦) ਏવਂ વੁਤ੍ਤਲਾਮਕਨ੍ਤੋ ਚ, ‘‘ਸਕ੍ਕਾਯੋ ਏਕੋ ਅਨ੍ਤੋ’’ਤਿ (ਅ॰ ਨਿ॰ ੬.੬੧; ਚੂਲ਼ਨਿ॰ ਤਿਸ੍ਸਮੇਤ੍ਤੇਯ੍ਯਮਾਣવਪੁਚ੍ਛਾਨਿਦ੍ਦੇਸ ੧੧) ਏવਂ વੁਤ੍ਤਕੋਟ੍ਠਾਸਨ੍ਤੋ ਚ, ‘‘ਏਸੇવਨ੍ਤੋ ਦੁਕ੍ਖਸ੍ਸ ਸਬ੍ਬਪਚ੍ਚਯਸਙ੍ਖਯਾ’’ਤਿ (ਸਂ ਨਿ॰ ੨.੫੧; ੨.੪.੭੧; ਉਦਾ॰ ੭੧) ਏવਂ વੁਤ੍ਤਕੋਟਨ੍ਤੋ ਚਾਤਿ ਚਤ੍ਤਾਰੋ ਅਨ੍ਤਾ, ਤੇਸੁ ਸਬ੍ਬਸ੍ਸੇવ વਟ੍ਟਦੁਕ੍ਖਸ੍ਸ ਅਦੁਂ ਚਤੁਤ੍ਥਕੋਟਿਸਙ੍ਖਾਤਂ ਅਨ੍ਤਮਕਾਸਿ, ਪਰਿਚ੍ਛੇਦਂ ਪਰਿવਟੁਮਂ ਅਕਾਸਿ, ਅਨ੍ਤਿਮਸਮੁਸ੍ਸਯਮਤ੍ਤਾવਸੇਸਂ ਦੁਕ੍ਖਮਕਾਸੀਤਿ વੁਤ੍ਤਂ ਹੋਤਿ।
Antamakāsi dukkhassāti evaṃ arahattamaggena mānassa diṭṭhattā ca pahīnattā ca ye ime ‘‘kāyabandhanassa anto jīrati (cūḷava. 278) haritantaṃ vā’’ti (ma. ni. 1.304) evaṃ vuttaantimamariyādanto ca, ‘‘antamidaṃ, bhikkhave, jīvikāna’’nti (itivu. 91; saṃ. ni. 3.80) evaṃ vuttalāmakanto ca, ‘‘sakkāyo eko anto’’ti (a. ni. 6.61; cūḷani. tissametteyyamāṇavapucchāniddesa 11) evaṃ vuttakoṭṭhāsanto ca, ‘‘esevanto dukkhassa sabbapaccayasaṅkhayā’’ti (saṃ ni. 2.51; 2.4.71; udā. 71) evaṃ vuttakoṭanto cāti cattāro antā, tesu sabbasseva vaṭṭadukkhassa aduṃ catutthakoṭisaṅkhātaṃ antamakāsi, paricchedaṃ parivaṭumaṃ akāsi, antimasamussayamattāvasesaṃ dukkhamakāsīti vuttaṃ hoti.
ਸਮ੍ਪਜਞ੍ਞਂ ਨ ਰਿਞ੍ਚਤੀਤਿ ਸਮ੍ਪਜਞ੍ਞਂ ਨ ਜਹਤਿ। ਸਙ੍ਖ੍ਯਂ ਨੋਪੇਤੀਤਿ ਰਤ੍ਤੋ ਦੁਟ੍ਠੋ ਮੂਲ਼੍ਹੋਤਿ ਪਞ੍ਞਤ੍ਤਿਂ ਨ ਉਪੇਤਿ, ਤਂ ਪਞ੍ਞਤ੍ਤਿਂ ਪਹਾਯ ਖੀਣਾਸવੋ ਨਾਮ ਹੋਤੀਤਿ ਅਤ੍ਥੋ। ਇਮਸ੍ਮਿਂ ਸੁਤ੍ਤੇ ਆਰਮ੍ਮਣਾਨੁਸਯੋ ਕਥਿਤੋ।
Sampajaññaṃ na riñcatīti sampajaññaṃ na jahati. Saṅkhyaṃ nopetīti ratto duṭṭho mūḷhoti paññattiṃ na upeti, taṃ paññattiṃ pahāya khīṇāsavo nāma hotīti attho. Imasmiṃ sutte ārammaṇānusayo kathito.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੩. ਪਹਾਨਸੁਤ੍ਤਂ • 3. Pahānasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੩. ਪਹਾਨਸੁਤ੍ਤવਣ੍ਣਨਾ • 3. Pahānasuttavaṇṇanā
