| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) |
੨. ਪਹਾਨਸੁਤ੍ਤવਣ੍ਣਨਾ
2. Pahānasuttavaṇṇanā
੨੪. ਸਬ੍ਬਸ੍ਸਾਤਿ ਦ੍વਾਰਾਰਮ੍ਮਣੇਹਿ ਸਦ੍ਧਿਂ ਦ੍વਾਰਪ੍ਪવਤ੍ਤਸ੍ਸ। ਪਹਾਨਾਯਾਤਿ ਤਪ੍ਪਟਿਬਦ੍ਧਛਨ੍ਦਰਾਗਪਹਾਨવਸੇਨ ਪਜਹਨਾਯ। ਚਕ੍ਖੁਸਮ੍ਫਸ੍ਸਨ੍ਤਿ ਚਕ੍ਖੁਸਨ੍ਨਿਸ੍ਸਿਤਫਸ੍ਸਂ। ਮੂਲਪਚ੍ਚਯਨ੍ਤਿ ਮੂਲਭੂਤਂ ਪਚ੍ਚਯਂ ਕਤ੍વਾ, ਸਹਜਾਤવੇਦਨਾਯ ਚਕ੍ਖੁਸਮ੍ਫਸ੍ਸਪਚ੍ਚਯਭਾવੇ વਤ੍ਤਬ੍ਬਮੇવ ਨਤ੍ਥਿ। ਏਸੇવ ਨਯੋਤਿ ਅਪਦੇਸੇਨ ‘‘ਸੋਤਸਮ੍ਫਸ੍ਸਂ ਮੂਲਪਚ੍ਚਯਂ ਕਤ੍વਾ’’ਤਿਆਦਿਨਾ વਤ੍ਤਬ੍ਬਨ੍ਤਿ ਦਸ੍ਸੇਤਿ। ਮਨੋਤਿ ਭવਙ੍ਗਚਿਤ੍ਤਂ ਮਨੋਦ੍વਾਰਸ੍ਸ ਅਧਿਪ੍ਪੇਤਤ੍ਤਾ। ਆਰਮ੍ਮਣਨ੍ਤਿ ਧਮ੍ਮਾਰਮ੍ਮਣਂ। ਸਹਾવਜ੍ਜਨਕਜવਨਨ੍ਤਿ ਸਹਮਨੋਦ੍વਾਰਾવਜ੍ਜਨਕਂ ਜવਨਂ। ਤਂਪੁਬ੍ਬਕਤ੍ਤਾ ਮਨੋવਿਞ੍ਞਾਣਫਸ੍ਸવੇਦਨਾਨਂ ਮੂਲਪਚ੍ਚਯਭੂਤਾ ਸਬ੍ਬੇਸ੍વੇવ ਚਕ੍ਖੁਦ੍વਾਰਾਦੀਸੁ વੁਤ੍ਤਿਤ੍ਤਾ ਤਦਨੁਰੂਪਤੋ ‘‘ਭવਙ੍ਗਸਹਜਾਤੋ ਸਮ੍ਫਸ੍ਸੋ’’ਤਿ વੁਤ੍ਤਂ। ਸਹਾવਜ੍ਜਨવੇਦਨਾਯ ਜવਨવੇਦਨਾ ‘‘વੇਦਯਿਤ’’ਨ੍ਤਿ ਅਧਿਪ੍ਪੇਤਾ, ਭવਙ੍ਗਸਮ੍ਪਯੁਤ੍ਤਾਯ ਪਨ વੇਦਨਾਯ ਗਹਣੇ વਤ੍ਤਬ੍ਬਮੇવ ਨਤ੍ਥਿ। ਭવਙ੍ਗਤੋ ਅਮੋਚੇਤ੍વਾ ਭવਙ੍ਗਚਿਤ੍ਤੇਨ ਸਦ੍ਧਿਂਯੇવ ਆવਜ੍ਜਨਂ ਗਹੇਤ੍વਾ ਮਨੋਦ੍વਾਰਾવਜ੍ਜਨਂ ਭવਙ੍ਗਂ ਦਟ੍ਠਬ੍ਬਂ। ਯਾ ਪਨੇਤ੍ਥ ਦੇਸਨਾਤਿ ਯਾ ਏਤ੍ਥ ‘‘ਪਹਾਨਾਯਾ’’ਤਿਆਦਿਨਾ ਪવਤ੍ਤਦੇਸਨਾ ਸਤ੍ਥੁ ਅਨਸਿਟ੍ਠਿ ਆਣਾ। ਅਯਂ ਪਣ੍ਣਤ੍ਤਿ ਨਾਮ ਤਸ੍ਸ ਤਸ੍ਸ ਅਤ੍ਥਸ੍ਸ ਪਕਾਰਤੋ ਞਾਪਨਤੋ। ਏਤ੍ਥ ਸਬ੍ਬਗ੍ਗਹਣੇਨ ਸਬ੍ਬੇ ਸਭਾવਧਮ੍ਮਾ ਗਹਿਤਾ, ਪਞ੍ਞਤ੍ਤਿ ਪਨ ਕਤਮਾਤਿ વਿਚਾਰਣਾਯ ਤਂ ਦਸ੍ਸੇਤੁਂ ‘‘ਯਾ ਪਨੇਤ੍ਥਾ’’ਤਿਆਦਿ વੁਤ੍ਤਨ੍ਤਿ ਦਟ੍ਠਬ੍ਬਂ।
24.Sabbassāti dvārārammaṇehi saddhiṃ dvārappavattassa. Pahānāyāti tappaṭibaddhachandarāgapahānavasena pajahanāya. Cakkhusamphassanti cakkhusannissitaphassaṃ. Mūlapaccayanti mūlabhūtaṃ paccayaṃ katvā, sahajātavedanāya cakkhusamphassapaccayabhāve vattabbameva natthi. Eseva nayoti apadesena ‘‘sotasamphassaṃ mūlapaccayaṃ katvā’’tiādinā vattabbanti dasseti. Manoti bhavaṅgacittaṃ manodvārassa adhippetattā. Ārammaṇanti dhammārammaṇaṃ. Sahāvajjanakajavananti sahamanodvārāvajjanakaṃ javanaṃ. Taṃpubbakattā manoviññāṇaphassavedanānaṃ mūlapaccayabhūtā sabbesveva cakkhudvārādīsu vuttittā tadanurūpato ‘‘bhavaṅgasahajāto samphasso’’ti vuttaṃ. Sahāvajjanavedanāya javanavedanā ‘‘vedayita’’nti adhippetā, bhavaṅgasampayuttāya pana vedanāya gahaṇe vattabbameva natthi. Bhavaṅgato amocetvā bhavaṅgacittena saddhiṃyeva āvajjanaṃ gahetvā manodvārāvajjanaṃ bhavaṅgaṃ daṭṭhabbaṃ. Yā panettha desanāti yā ettha ‘‘pahānāyā’’tiādinā pavattadesanā satthu anasiṭṭhi āṇā. Ayaṃ paṇṇatti nāma tassa tassa atthassa pakārato ñāpanato. Ettha sabbaggahaṇena sabbe sabhāvadhammā gahitā, paññatti pana katamāti vicāraṇāya taṃ dassetuṃ ‘‘yā panetthā’’tiādi vuttanti daṭṭhabbaṃ.
ਪਹਾਨਸੁਤ੍ਤવਣ੍ਣਨਾ ਨਿਟ੍ਠਿਤਾ।
Pahānasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੨. ਪਹਾਨਸੁਤ੍ਤਂ • 2. Pahānasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੨. ਪਹਾਨਸੁਤ੍ਤવਣ੍ਣਨਾ • 2. Pahānasuttavaṇṇanā
