| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. бахаараад̣̇асуд̇д̇ам̣
9. Pahārādasuttaṃ
19. згам̣ самаяам̣ бхаг̇аваа взран̃ж̇ааяам̣ ви харад̇и нал̣зрубужиманд̣̇амуулз. ат̇а ко бахаараад̣̇о асуринд̣̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇ам̣ ко бахаараад̣̇ам̣ асуринд̣̇ам̣ бхаг̇аваа зд̇ад̣̇авожа –
19. Ekaṃ samayaṃ bhagavā verañjāyaṃ vi harati naḷerupucimandamūle. Atha kho pahārādo asurindo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhitaṃ kho pahārādaṃ asurindaṃ bhagavā etadavoca –
‘‘аби 1 бана, бахаараад̣̇а , асураа махаасамуд̣̇д̣̇з абхираманд̇ий’’д̇и? ‘‘абхираманд̇и, бханд̇з, асураа махаасамуд̣̇д̣̇з’’д̇и. ‘‘гад̇и бана, бахаараад̣̇а, махаасамуд̣̇д̣̇з ажчарияаа аб̣бхуд̇аа д̇хаммаа 2, яз д̣̇исваа д̣̇исваа асураа махаасамуд̣̇д̣̇з абхираманд̇ий’’д̇и? ‘‘адта, бханд̇з, махаасамуд̣̇д̣̇з ажчарияаа аб̣бхуд̇аа д̇хаммаа, яз д̣̇исваа д̣̇исваа асураа махаасамуд̣̇д̣̇з абхираманд̇и. гад̇амз адта? махаасамуд̣̇д̣̇о, бханд̇з, анубуб̣б̣анинно анубуб̣б̣абон̣о анубуб̣б̣абаб̣бхааро , на ааяад̇агзнзва бабаад̇о. яамби, бханд̇з, махаасамуд̣̇д̣̇о анубуб̣б̣анинно анубуб̣б̣абон̣о анубуб̣б̣абаб̣бхааро, на ааяад̇агзнзва бабаад̇о. аяам̣, бханд̇з, махаасамуд̣̇д̣̇з батамо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.
‘‘Api 3 pana, pahārāda , asurā mahāsamudde abhiramantī’’ti? ‘‘Abhiramanti, bhante, asurā mahāsamudde’’ti. ‘‘Kati pana, pahārāda, mahāsamudde acchariyā abbhutā dhammā 4, ye disvā disvā asurā mahāsamudde abhiramantī’’ti? ‘‘Aṭṭha, bhante, mahāsamudde acchariyā abbhutā dhammā, ye disvā disvā asurā mahāsamudde abhiramanti. Katame aṭṭha? Mahāsamuddo, bhante, anupubbaninno anupubbapoṇo anupubbapabbhāro , na āyatakeneva papāto. Yampi, bhante, mahāsamuddo anupubbaninno anupubbapoṇo anupubbapabbhāro, na āyatakeneva papāto. Ayaṃ, bhante, mahāsamudde paṭhamo acchariyo abbhuto dhammo, yaṃ disvā disvā asurā mahāsamudde abhiramanti.
‘‘буна жабарам̣, бханд̇з, махаасамуд̣̇д̣̇о тид̇ад̇хаммо взлам̣ наад̇ивад̇д̇ад̇и. яамби, бханд̇з, махаасамуд̣̇д̣̇о тид̇ад̇хаммо взлам̣ наад̇ивад̇д̇ад̇и; аяам̣ 5, бханд̇з, махаасамуд̣̇д̣̇з д̣̇уд̇ияо ажчарияо аб̣бхуд̇о д̇хаммо яам̣ д̣̇исваа д̣̇исваа асураа махаасамуд̣̇д̣̇з абхираманд̇и.
‘‘Puna caparaṃ, bhante, mahāsamuddo ṭhitadhammo velaṃ nātivattati. Yampi, bhante, mahāsamuddo ṭhitadhammo velaṃ nātivattati; ayaṃ 6, bhante, mahāsamudde dutiyo acchariyo abbhuto dhammo yaṃ disvā disvā asurā mahāsamudde abhiramanti.
‘‘буна жабарам̣, бханд̇з, махаасамуд̣̇д̣̇о на мад̇зна гун̣абзна сам̣васад̇и 7. яам̣ ход̇и махаасамуд̣̇д̣̇з мад̇ам̣ гун̣абам̣, д̇ам̣ киббамзва 8 д̇ийрам̣ ваахзд̇и, т̇алам̣ уссаарзд̇и. яамби, бханд̇з, махаасамуд̣̇д̣̇о на мад̇зна гун̣абзна сам̣васад̇и, яам̣ ход̇и махаасамуд̣̇д̣̇з мад̇ам̣ гун̣абам̣, д̇ам̣ киббамзва д̇ийрам̣ ваахзд̇и, т̇алам̣ уссаарзд̇и; аяам̣, бханд̇з, махаасамуд̣̇д̣̇з д̇ад̇ияо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.
‘‘Puna caparaṃ, bhante, mahāsamuddo na matena kuṇapena saṃvasati 9. Yaṃ hoti mahāsamudde mataṃ kuṇapaṃ, taṃ khippameva 10 tīraṃ vāheti, thalaṃ ussāreti. Yampi, bhante, mahāsamuddo na matena kuṇapena saṃvasati, yaṃ hoti mahāsamudde mataṃ kuṇapaṃ, taṃ khippameva tīraṃ vāheti, thalaṃ ussāreti; ayaṃ, bhante, mahāsamudde tatiyo acchariyo abbhuto dhammo, yaṃ disvā disvā asurā mahāsamudde abhiramanti.
‘‘буна жабарам̣, бханд̇з, яаа гаажи махаанад̣̇ияо, сзяяат̇ид̣̇ам̣ – г̇ан̇г̇аа яамунаа ажиравад̇ий сарабхуу махий, д̇аа махаасамуд̣̇д̣̇ам̣ бад̇ваа 11 ж̇аханд̇и буримаани наамаг̇од̇д̇аани, ‘махаасамуд̣̇д̣̇о’ д̇взва сан̇кам̣ г̇ажчанд̇и. яамби, бханд̇з, яаа гаажи махаанад̣̇ияо, сзяяат̇ид̣̇ам̣ – г̇ан̇г̇аа яамунаа ажиравад̇ий сарабхуу махий, д̇аа махаасамуд̣̇д̣̇ам̣ бад̇ваа ж̇аханд̇и буримаани наамаг̇од̇д̇аани, ‘махаасамуд̣̇д̣̇о’ д̇взва сан̇кам̣ г̇ажчанд̇и; аяам̣, бханд̇з, махаасамуд̣̇д̣̇з жад̇уд̇т̇о ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.
‘‘Puna caparaṃ, bhante, yā kāci mahānadiyo, seyyathidaṃ – gaṅgā yamunā aciravatī sarabhū mahī, tā mahāsamuddaṃ patvā 12 jahanti purimāni nāmagottāni, ‘mahāsamuddo’ tveva saṅkhaṃ gacchanti. Yampi, bhante, yā kāci mahānadiyo, seyyathidaṃ – gaṅgā yamunā aciravatī sarabhū mahī, tā mahāsamuddaṃ patvā jahanti purimāni nāmagottāni, ‘mahāsamuddo’ tveva saṅkhaṃ gacchanti; ayaṃ, bhante, mahāsamudde catuttho acchariyo abbhuto dhammo, yaṃ disvā disvā asurā mahāsamudde abhiramanti.
‘‘буна жабарам̣, бханд̇з, яаа жа 13 логз саванд̇ияо махаасамуд̣̇д̣̇ам̣ аббзнд̇и яаа жа анд̇алигкаа д̇хаараа бабад̇анд̇и, на д̇зна махаасамуд̣̇д̣̇асса уунад̇д̇ам̣ ваа буурад̇д̇ам̣ ваа бан̃н̃ааяад̇и. яамби, бханд̇з, яаа жа логз саванд̇ияо махаасамуд̣̇д̣̇ам̣ аббзнд̇и яаа жа анд̇алигкаа д̇хаараа бабад̇анд̇и, на д̇зна махаасамуд̣̇д̣̇асса уунад̇д̇ам̣ ваа буурад̇д̇ам̣ ваа бан̃н̃ааяад̇и; аяам̣, бханд̇з, махаасамуд̣̇д̣̇з бан̃жамо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.
‘‘Puna caparaṃ, bhante, yā ca 14 loke savantiyo mahāsamuddaṃ appenti yā ca antalikkhā dhārā papatanti, na tena mahāsamuddassa ūnattaṃ vā pūrattaṃ vā paññāyati. Yampi, bhante, yā ca loke savantiyo mahāsamuddaṃ appenti yā ca antalikkhā dhārā papatanti, na tena mahāsamuddassa ūnattaṃ vā pūrattaṃ vā paññāyati; ayaṃ, bhante, mahāsamudde pañcamo acchariyo abbhuto dhammo, yaṃ disvā disvā asurā mahāsamudde abhiramanti.
‘‘буна жабарам̣, бханд̇з, махаасамуд̣̇д̣̇о згарасо лон̣арасо. яамби, бханд̇з, махаасамуд̣̇д̣̇о згарасо лон̣арасо; аяам̣, бханд̇з, махаасамуд̣̇д̣̇з чадто ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.
‘‘Puna caparaṃ, bhante, mahāsamuddo ekaraso loṇaraso. Yampi, bhante, mahāsamuddo ekaraso loṇaraso; ayaṃ, bhante, mahāsamudde chaṭṭho acchariyo abbhuto dhammo, yaṃ disvā disvā asurā mahāsamudde abhiramanti.
‘‘буна жабарам̣, бханд̇з, махаасамуд̣̇д̣̇о б̣ахурад̇ано 15 анзгарад̇ано. д̇ад̇римаани рад̇анаани, сзяяат̇ид̣̇ам̣ – муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇аго масаараг̇аллам̣. яамби, бханд̇з, махаасамуд̣̇д̣̇о б̣ахурад̇ано анзгарад̇ано; д̇ад̇римаани рад̇анаани, сзяяат̇ид̣̇ам̣ – муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇аго масаараг̇аллам̣. аяам̣, бханд̇з, махаасамуд̣̇д̣̇з сад̇д̇амо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и.
‘‘Puna caparaṃ, bhante, mahāsamuddo bahuratano 16 anekaratano. Tatrimāni ratanāni, seyyathidaṃ – muttā maṇi veḷuriyo saṅkho silā pavāḷaṃ rajataṃ jātarūpaṃ lohitako masāragallaṃ. Yampi, bhante, mahāsamuddo bahuratano anekaratano; tatrimāni ratanāni, seyyathidaṃ – muttā maṇi veḷuriyo saṅkho silā pavāḷaṃ rajataṃ jātarūpaṃ lohitako masāragallaṃ. Ayaṃ, bhante, mahāsamudde sattamo acchariyo abbhuto dhammo, yaṃ disvā disvā asurā mahāsamudde abhiramanti.
‘‘буна жабарам̣, бханд̇з, махаасамуд̣̇д̣̇о махад̇ам̣ бхууд̇аанам̣ ааваасо. д̇ад̇римз бхууд̇аа – д̇ими д̇имин̇г̇ало д̇имирабин̇г̇ало 17 асураа нааг̇аа г̇анд̇хаб̣б̣аа. санд̇и махаасамуд̣̇д̣̇з яож̇анасад̇игааби ад̇д̇абхааваа, д̣̇вияож̇анасад̇игааби ад̇д̇абхааваа, д̇ияож̇анасад̇игааби ад̇д̇абхааваа, жад̇уяож̇анасад̇игааби ад̇д̇абхааваа, бан̃жаяож̇анасад̇игааби ад̇д̇абхааваа. яамби, бханд̇з, махаасамуд̣̇д̣̇о махад̇ам̣ бхууд̇аанам̣ ааваасо; д̇ад̇римз бхууд̇аа – д̇ими д̇имин̇г̇ало д̇имирабин̇г̇ало асураа нааг̇аа г̇анд̇хаб̣б̣аа; санд̇и махаасамуд̣̇д̣̇з яож̇анасад̇игааби ад̇д̇абхааваа…бз… д̣̇вияож̇ана… д̇ияож̇ана… жад̇уяож̇ана… бан̃жаяож̇анасад̇игааби ад̇д̇абхааваа; аяам̣, бханд̇з, махаасамуд̣̇д̣̇з адтамо ажчарияо аб̣бхуд̇о д̇хаммо, яам̣ д̣̇исваа д̣̇исваа асураа махаасамуд̣̇д̣̇з абхираманд̇и. имз ко, бханд̇з , махаасамуд̣̇д̣̇з адта ажчарияаа аб̣бхуд̇аа д̇хаммаа, яз д̣̇исваа д̣̇исваа асураа махаасамуд̣̇д̣̇з абхираманд̇ийд̇и.
‘‘Puna caparaṃ, bhante, mahāsamuddo mahataṃ bhūtānaṃ āvāso. Tatrime bhūtā – timi timiṅgalo timirapiṅgalo 18 asurā nāgā gandhabbā. Santi mahāsamudde yojanasatikāpi attabhāvā, dviyojanasatikāpi attabhāvā, tiyojanasatikāpi attabhāvā, catuyojanasatikāpi attabhāvā, pañcayojanasatikāpi attabhāvā. Yampi, bhante, mahāsamuddo mahataṃ bhūtānaṃ āvāso; tatrime bhūtā – timi timiṅgalo timirapiṅgalo asurā nāgā gandhabbā; santi mahāsamudde yojanasatikāpi attabhāvā…pe… dviyojana… tiyojana… catuyojana… pañcayojanasatikāpi attabhāvā; ayaṃ, bhante, mahāsamudde aṭṭhamo acchariyo abbhuto dhammo, yaṃ disvā disvā asurā mahāsamudde abhiramanti. Ime kho, bhante , mahāsamudde aṭṭha acchariyā abbhutā dhammā, ye disvā disvā asurā mahāsamudde abhiramantīti.
‘‘аби бана, бханд̇з, бхигкуу имасмим̣ д̇хаммавинаяз абхираманд̇ий’’д̇и? ‘‘абхираманд̇и, бахаараад̣̇а, бхигкуу имасмим̣ д̇хаммавинаяз’’д̇и. ‘‘гад̇и бана, бханд̇з, имасмим̣ д̇хаммавинаяз ажчарияаа аб̣бхуд̇аа д̇хаммаа, яз д̣̇исваа д̣̇исваа бхигкуу имасмим̣ д̇хаммавинаяз абхираманд̇ий’’д̇и? ‘‘адта, бахаараад̣̇а, имасмим̣ д̇хаммавинаяз ажчарияаа аб̣бхуд̇аа д̇хаммаа, яз д̣̇исваа д̣̇исваа бхигкуу имасмим̣ д̇хаммавинаяз абхираманд̇и. гад̇амз адта? сзяяат̇ааби, бахаараад̣̇а, махаасамуд̣̇д̣̇о анубуб̣б̣анинно анубуб̣б̣абон̣о анубуб̣б̣абаб̣бхааро, на ааяад̇агзнзва бабаад̇о ; звамзвам̣ ко, бахаараад̣̇а, имасмим̣ д̇хаммавинаяз анубуб̣б̣асигкаа анубуб̣б̣агирияаа анубуб̣б̣абадибад̣̇аа, на ааяад̇агзнзва ан̃н̃аабадивзд̇хо. яамби, бахаараад̣̇а, имасмим̣ д̇хаммавинаяз анубуб̣б̣асигкаа анубуб̣б̣агирияаа анубуб̣б̣абадибад̣̇аа, на ааяад̇агзнзва ан̃н̃аабадивзд̇хо. аяам̣, бахаараад̣̇а, имасмим̣ д̇хаммавинаяз батамо ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и.
‘‘Api pana, bhante, bhikkhū imasmiṃ dhammavinaye abhiramantī’’ti? ‘‘Abhiramanti, pahārāda, bhikkhū imasmiṃ dhammavinaye’’ti. ‘‘Kati pana, bhante, imasmiṃ dhammavinaye acchariyā abbhutā dhammā, ye disvā disvā bhikkhū imasmiṃ dhammavinaye abhiramantī’’ti? ‘‘Aṭṭha, pahārāda, imasmiṃ dhammavinaye acchariyā abbhutā dhammā, ye disvā disvā bhikkhū imasmiṃ dhammavinaye abhiramanti. Katame aṭṭha? Seyyathāpi, pahārāda, mahāsamuddo anupubbaninno anupubbapoṇo anupubbapabbhāro, na āyatakeneva papāto ; evamevaṃ kho, pahārāda, imasmiṃ dhammavinaye anupubbasikkhā anupubbakiriyā anupubbapaṭipadā, na āyatakeneva aññāpaṭivedho. Yampi, pahārāda, imasmiṃ dhammavinaye anupubbasikkhā anupubbakiriyā anupubbapaṭipadā, na āyatakeneva aññāpaṭivedho. Ayaṃ, pahārāda, imasmiṃ dhammavinaye paṭhamo acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti.
‘‘сзяяат̇ааби, бахаараад̣̇а, махаасамуд̣̇д̣̇о тид̇ад̇хаммо взлам̣ наад̇ивад̇д̇ад̇и; звамзвам̣ ко, бахаараад̣̇а, яам̣ маяаа саавагаанам̣ сигкаабад̣̇ам̣ бан̃н̃ад̇д̇ам̣ д̇ам̣ мама саавагаа ж̇ийвид̇ахзд̇уби наад̇иггаманд̇и. яамби, бахаараад̣̇а, маяаа саавагаанам̣ сигкаабад̣̇ам̣ бан̃н̃ад̇д̇ам̣ д̇ам̣ мама саавагаа ж̇ийвид̇ахзд̇уби наад̇иггаманд̇и. аяам̣, бахаараад̣̇а, имасмим̣ д̇хаммавинаяз д̣̇уд̇ияо ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и.
‘‘Seyyathāpi, pahārāda, mahāsamuddo ṭhitadhammo velaṃ nātivattati; evamevaṃ kho, pahārāda, yaṃ mayā sāvakānaṃ sikkhāpadaṃ paññattaṃ taṃ mama sāvakā jīvitahetupi nātikkamanti. Yampi, pahārāda, mayā sāvakānaṃ sikkhāpadaṃ paññattaṃ taṃ mama sāvakā jīvitahetupi nātikkamanti. Ayaṃ, pahārāda, imasmiṃ dhammavinaye dutiyo acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti.
‘‘сзяяат̇ааби, бахаараад̣̇а, махаасамуд̣̇д̣̇о на мад̇зна гун̣абзна сам̣васад̇и. яам̣ ход̇и махаасамуд̣̇д̣̇з мад̇ам̣ гун̣абам̣, д̇ам̣ киббамзва д̇ийрам̣ ваахзд̇и т̇алам̣ уссаарзд̇и; звамзвам̣ ко, бахаараад̣̇а, яо со буг̇г̇ало д̣̇уссийло баабад̇хаммо асужисан̇гассарасамаажааро бадижчаннагамманд̇о ассаман̣о саман̣абадин̃н̃о аб̣рахмажаарий б̣рахмажаарибадин̃н̃о анд̇обууд̇и авассуд̇о гасамб̣уж̇аад̇о, на д̇зна сан̇гхо сам̣васад̇и; киббамзва нам̣ саннибад̇ид̇ваа угкибад̇и.
‘‘Seyyathāpi, pahārāda, mahāsamuddo na matena kuṇapena saṃvasati. Yaṃ hoti mahāsamudde mataṃ kuṇapaṃ, taṃ khippameva tīraṃ vāheti thalaṃ ussāreti; evamevaṃ kho, pahārāda, yo so puggalo dussīlo pāpadhammo asucisaṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto, na tena saṅgho saṃvasati; khippameva naṃ sannipatitvā ukkhipati.
‘‘гин̃жааби со ход̇и маж̇жхз бхигкусан̇гхасса саннисинно, ат̇а ко со аарагаава сан̇гхамхаа сан̇гхо жа д̇зна. яамби, бахаараад̣̇а, яо со буг̇г̇ало д̣̇уссийло баабад̇хаммо асужисан̇гассарасамаажааро бадижчаннагамманд̇о ассаман̣о саман̣абадин̃н̃о аб̣рахмажаарий б̣рахмажаарибадин̃н̃о анд̇обууд̇и авассуд̇о гасамб̣уж̇аад̇о, на д̇зна сан̇гхо сам̣васад̇и; киббамзва нам̣ саннибад̇ид̇ваа угкибад̇и; гин̃жааби со ход̇и маж̇жхз бхигкусан̇гхасса саннисинно, ат̇а ко со аарагаава сан̇гхамхаа сан̇гхо жа д̇зна. аяам̣, бахаараад̣̇а, имасмим̣ д̇хаммавинаяз д̇ад̇ияо ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и.
‘‘Kiñcāpi so hoti majjhe bhikkhusaṅghassa sannisinno, atha kho so ārakāva saṅghamhā saṅgho ca tena. Yampi, pahārāda, yo so puggalo dussīlo pāpadhammo asucisaṅkassarasamācāro paṭicchannakammanto assamaṇo samaṇapaṭiñño abrahmacārī brahmacāripaṭiñño antopūti avassuto kasambujāto, na tena saṅgho saṃvasati; khippameva naṃ sannipatitvā ukkhipati; kiñcāpi so hoti majjhe bhikkhusaṅghassa sannisinno, atha kho so ārakāva saṅghamhā saṅgho ca tena. Ayaṃ, pahārāda, imasmiṃ dhammavinaye tatiyo acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti.
‘‘сзяяат̇ааби, бахаараад̣̇а, яаа гаажи махаанад̣̇ияо, сзяяат̇ид̣̇ам̣ – г̇ан̇г̇аа яамунаа ажиравад̇ий сарабхуу махий, д̇аа махаасамуд̣̇д̣̇ам̣ бад̇ваа ж̇аханд̇и буримаани наамаг̇од̇д̇аани, ‘махаасамуд̣̇д̣̇о’ д̇взва сан̇кам̣ г̇ажчанд̇и; звамзвам̣ ко, бахаараад̣̇а, жад̇д̇ааромз ван̣н̣аа – кад̇д̇ияаа, б̣раахман̣аа, взссаа, суд̣̇д̣̇аа, д̇з д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇ваа ж̇аханд̇и буримаани наамаг̇од̇д̇аани, ‘саман̣аа сагяабуд̇д̇ияаа’ д̇взва 19 сан̇кам̣ г̇ажчанд̇и. яамби, бахаараад̣̇а, жад̇д̇ааромз ван̣н̣аа – кад̇д̇ияаа, б̣раахман̣аа, взссаа, суд̣̇д̣̇аа, д̇з д̇ат̇ааг̇ад̇аббавзд̣̇ид̇з д̇хаммавинаяз аг̇аарасмаа анаг̇аарияам̣ баб̣б̣аж̇ид̇ваа ж̇аханд̇и буримаани наамаг̇од̇д̇аани, ‘саман̣аа сагяабуд̇д̇ияаа’ д̇взва сан̇кам̣ г̇ажчанд̇и. аяам̣, бахаараад̣̇а, имасмим̣ д̇хаммавинаяз жад̇уд̇т̇о ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и.
‘‘Seyyathāpi, pahārāda, yā kāci mahānadiyo, seyyathidaṃ – gaṅgā yamunā aciravatī sarabhū mahī, tā mahāsamuddaṃ patvā jahanti purimāni nāmagottāni, ‘mahāsamuddo’ tveva saṅkhaṃ gacchanti; evamevaṃ kho, pahārāda, cattārome vaṇṇā – khattiyā, brāhmaṇā, vessā, suddā, te tathāgatappavedite dhammavinaye agārasmā anagāriyaṃ pabbajitvā jahanti purimāni nāmagottāni, ‘samaṇā sakyaputtiyā’ tveva 20 saṅkhaṃ gacchanti. Yampi, pahārāda, cattārome vaṇṇā – khattiyā, brāhmaṇā, vessā, suddā, te tathāgatappavedite dhammavinaye agārasmā anagāriyaṃ pabbajitvā jahanti purimāni nāmagottāni, ‘samaṇā sakyaputtiyā’ tveva saṅkhaṃ gacchanti. Ayaṃ, pahārāda, imasmiṃ dhammavinaye catuttho acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti.
‘‘сзяяат̇ааби, бахаараад̣̇а, яаа жа логз саванд̇ияо махаасамуд̣̇д̣̇ам̣ аббзнд̇и яаа жа анд̇алигкаа д̇хаараа бабад̇анд̇и, на д̇зна махаасамуд̣̇д̣̇асса уунад̇д̇ам̣ ваа буурад̇д̇ам̣ ваа бан̃н̃ааяад̇и; звамзвам̣ ко, бахаараад̣̇а, б̣ахуу жзби бхигкуу анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇и, на д̇зна ниб̣б̣аанад̇хаад̇уяаа уунад̇д̇ам̣ ваа буурад̇д̇ам̣ ваа бан̃н̃ааяад̇и. яамби, бахаараад̣̇а, б̣ахуу жзби бхигкуу анубаад̣̇исзсааяа ниб̣б̣аанад̇хаад̇уяаа бариниб̣б̣ааяанд̇и, на д̇зна ниб̣б̣аанад̇хаад̇уяаа уунад̇д̇ам̣ ваа буурад̇д̇ам̣ ваа бан̃н̃ааяад̇и. аяам̣, бахаараад̣̇а, имасмим̣ д̇хаммавинаяз бан̃жамо ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и.
‘‘Seyyathāpi, pahārāda, yā ca loke savantiyo mahāsamuddaṃ appenti yā ca antalikkhā dhārā papatanti, na tena mahāsamuddassa ūnattaṃ vā pūrattaṃ vā paññāyati; evamevaṃ kho, pahārāda, bahū cepi bhikkhū anupādisesāya nibbānadhātuyā parinibbāyanti, na tena nibbānadhātuyā ūnattaṃ vā pūrattaṃ vā paññāyati. Yampi, pahārāda, bahū cepi bhikkhū anupādisesāya nibbānadhātuyā parinibbāyanti, na tena nibbānadhātuyā ūnattaṃ vā pūrattaṃ vā paññāyati. Ayaṃ, pahārāda, imasmiṃ dhammavinaye pañcamo acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti.
‘‘сзяяат̇ааби , бахаараад̣̇а, махаасамуд̣̇д̣̇о згарасо лон̣арасо; звамзвам̣ ко, бахаараад̣̇а, аяам̣ д̇хаммавинаяо згарасо, вимуд̇д̇ирасо. яамби бахаараад̣̇а , аяам̣ д̇хаммавинаяо згарасо, вимуд̇д̇ирасо ; аяам̣, бахаараад̣̇а, имасмим̣ д̇хаммавинаяз чадто ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и.
‘‘Seyyathāpi , pahārāda, mahāsamuddo ekaraso loṇaraso; evamevaṃ kho, pahārāda, ayaṃ dhammavinayo ekaraso, vimuttiraso. Yampi pahārāda , ayaṃ dhammavinayo ekaraso, vimuttiraso ; ayaṃ, pahārāda, imasmiṃ dhammavinaye chaṭṭho acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti.
‘‘сзяяат̇ааби, бахаараад̣̇а, махаасамуд̣̇д̣̇о б̣ахурад̇ано анзгарад̇ано; д̇ад̇римаани рад̇анаани, сзяяат̇ид̣̇ам̣ – муд̇д̇аа ман̣и взл̣урияо сан̇ко силаа баваал̣ам̣ раж̇ад̇ам̣ ж̇аад̇аруубам̣ лохид̇аго масаараг̇аллам̣; звамзвам̣ ко, бахаараад̣̇а, аяам̣ д̇хаммавинаяо б̣ахурад̇ано анзгарад̇ано. д̇ад̇римаани рад̇анаани, сзяяат̇ид̣̇ам̣ – жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа, арияо адтан̇г̇иго маг̇г̇о. яамби, бахаараад̣̇а, аяам̣ д̇хаммавинаяо б̣ахурад̇ано анзгарад̇ано; д̇ад̇римаани рад̇анаани, сзяяат̇ид̣̇ам̣ – жад̇д̇ааро сад̇ибадтаанаа, жад̇д̇ааро саммаббад̇хаанаа, жад̇д̇ааро ид̣̇д̇хибаад̣̇аа, бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇аа, арияо адтан̇г̇иго маг̇г̇о; аяам̣, бахаараад̣̇а, имасмим̣ д̇хаммавинаяз сад̇д̇амо ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и.
‘‘Seyyathāpi, pahārāda, mahāsamuddo bahuratano anekaratano; tatrimāni ratanāni, seyyathidaṃ – muttā maṇi veḷuriyo saṅkho silā pavāḷaṃ rajataṃ jātarūpaṃ lohitako masāragallaṃ; evamevaṃ kho, pahārāda, ayaṃ dhammavinayo bahuratano anekaratano. Tatrimāni ratanāni, seyyathidaṃ – cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo. Yampi, pahārāda, ayaṃ dhammavinayo bahuratano anekaratano; tatrimāni ratanāni, seyyathidaṃ – cattāro satipaṭṭhānā, cattāro sammappadhānā, cattāro iddhipādā, pañcindriyāni, pañca balāni, satta bojjhaṅgā, ariyo aṭṭhaṅgiko maggo; ayaṃ, pahārāda, imasmiṃ dhammavinaye sattamo acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti.
‘‘сзяяат̇ааби, бахаараад̣̇а, махаасамуд̣̇д̣̇о махад̇ам̣ бхууд̇аанам̣ ааваасо; д̇ад̇римз бхууд̇аа – д̇ими д̇имин̇г̇ало д̇имирабин̇г̇ало асураа нааг̇аа г̇анд̇хаб̣б̣аа; санд̇и махаасамуд̣̇д̣̇з яож̇анасад̇игааби ад̇д̇абхааваа, д̣̇вияож̇анасад̇игааби ад̇д̇абхааваа, д̇ияож̇анасад̇игааби ад̇д̇абхааваа, жад̇уяож̇анасад̇игааби ад̇д̇абхааваа, бан̃жаяож̇анасад̇игааби ад̇д̇абхааваа; звамзвам̣ ко, бахаараад̣̇а, аяам̣ д̇хаммавинаяо махад̇ам̣ бхууд̇аанам̣ ааваасо; д̇ад̇римз бхууд̇аа – сод̇аабанно сод̇аабад̇д̇ипаласажчигирияааяа бадибанно, сагад̣̇ааг̇аамий сагад̣̇ааг̇аамипаласажчигирияааяа бадибанно, анааг̇аамий анааг̇аамипаласажчигирияааяа бадибанно, арахаа арахад̇д̇ааяа бадибанно. яамби, бахаараад̣̇а, аяам̣ д̇хаммавинаяо махад̇ам̣ бхууд̇аанам̣ ааваасо; д̇ад̇римз бхууд̇аа – сод̇аабанно сод̇аабад̇д̇ипаласажчигирияааяа бадибанно, сагад̣̇ааг̇аамий сагад̣̇ааг̇аамипаласажчигирияааяа бадибанно, анааг̇аамий анааг̇аамипаласажчигирияааяа бадибанно, арахаа арахад̇д̇ааяа бадибанно; аяам̣, бахаараад̣̇а, имасмим̣ д̇хаммавинаяз адтамо ажчарияо аб̣бхуд̇о д̇хаммо, яам̣ д̣̇исваа д̣̇исваа бхигкуу имасмим̣ д̇хаммавинаяз абхираманд̇и. имз ко, бахаараад̣̇а, имасмим̣ д̇хаммавинаяз адта ажчарияаа аб̣бхуд̇аа д̇хаммаа, яз д̣̇исваа д̣̇исваа бхигкуу имасмим̣ д̇хаммавинаяз абхираманд̇ий’’д̇и. навамам̣.
‘‘Seyyathāpi, pahārāda, mahāsamuddo mahataṃ bhūtānaṃ āvāso; tatrime bhūtā – timi timiṅgalo timirapiṅgalo asurā nāgā gandhabbā; santi mahāsamudde yojanasatikāpi attabhāvā, dviyojanasatikāpi attabhāvā, tiyojanasatikāpi attabhāvā, catuyojanasatikāpi attabhāvā, pañcayojanasatikāpi attabhāvā; evamevaṃ kho, pahārāda, ayaṃ dhammavinayo mahataṃ bhūtānaṃ āvāso; tatrime bhūtā – sotāpanno sotāpattiphalasacchikiriyāya paṭipanno, sakadāgāmī sakadāgāmiphalasacchikiriyāya paṭipanno, anāgāmī anāgāmiphalasacchikiriyāya paṭipanno, arahā arahattāya paṭipanno. Yampi, pahārāda, ayaṃ dhammavinayo mahataṃ bhūtānaṃ āvāso; tatrime bhūtā – sotāpanno sotāpattiphalasacchikiriyāya paṭipanno, sakadāgāmī sakadāgāmiphalasacchikiriyāya paṭipanno, anāgāmī anāgāmiphalasacchikiriyāya paṭipanno, arahā arahattāya paṭipanno; ayaṃ, pahārāda, imasmiṃ dhammavinaye aṭṭhamo acchariyo abbhuto dhammo, yaṃ disvā disvā bhikkhū imasmiṃ dhammavinaye abhiramanti. Ime kho, pahārāda, imasmiṃ dhammavinaye aṭṭha acchariyā abbhutā dhammā, ye disvā disvā bhikkhū imasmiṃ dhammavinaye abhiramantī’’ti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. бахаараад̣̇асуд̇д̇аван̣н̣анаа • 9. Pahārādasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. бахаараад̣̇асуд̇д̇аван̣н̣анаа • 9. Pahārādasuttavaṇṇanā
