| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
9. бахаараад̣̇асуд̇д̇аван̣н̣анаа
9. Pahārādasuttavaṇṇanā
19. навамз бахаараад̣̇од̇и звам̣наамаго. асуринд̣̇од̇и асураж̇здтаго. асурзсу хи взбажид̇д̇и рааху бахаараад̣̇од̇и имз д̇аяо ж̇здтагаа. язна бхаг̇аваа д̇знубасан̇гамийд̇и д̣̇асаб̣аласса абхисамб̣уд̣̇д̇хад̣̇ивасад̇о бадтааяа ‘‘аж̇ж̇а г̇амиссаами свз г̇амиссаамий’’д̇и згаад̣̇аса вассаани ад̇иггамид̇ваа д̣̇ваад̣̇асамз вассз сад̇т̇у взран̃ж̇ааяам̣ васанагаалз ‘‘саммаасамб̣уд̣̇д̇хасса санд̇игам̣ г̇амиссаамий’’д̇и жид̇д̇ам̣ уббаад̣̇зд̇ваа ‘‘мама ‘аж̇ж̇а свз’д̇и д̣̇ваад̣̇аса вассаани ж̇аад̇аани, ханд̣̇аахам̣ ид̣̇аанзва г̇ажчаамий’’д̇и д̇ан̇кан̣ам̣язва асураг̇ан̣абаривуд̇о асурабхаванаа нигкамид̇ваа д̣̇иваа д̣̇ивасса язна бхаг̇аваа д̇знубасан̇гами, згаманд̇ам̣ адтаасийд̇и со гира ‘‘д̇ат̇ааг̇ад̇ам̣ бан̃хам̣ бужчид̇ваа зва д̇хаммам̣ сун̣иссаамий’’д̇и ааг̇ад̇о, д̇ат̇ааг̇ад̇асса бана д̣̇идтагаалад̇о бадтааяа б̣уд̣̇д̇хаг̇ааравзна бужчид̇ум̣ асаггонд̇о аби сад̇т̇аарам̣ ванд̣̇ид̇ваа згаманд̇ам̣ адтааси. д̇ад̇о сад̇т̇аа жинд̇зси – ‘‘аяам̣ бахаараад̣̇о маяи агат̇знд̇з батамад̇арам̣ гат̇зд̇ум̣ на сагкиссад̇и, жин̣н̣авасидтаанзязва нам̣ гат̇аасамудтаабанад̇т̇ам̣ згам̣ бан̃хам̣ бужчиссаамий’’д̇и .
19. Navame pahārādoti evaṃnāmako. Asurindoti asurajeṭṭhako. Asuresu hi vepacitti rāhu pahārādoti ime tayo jeṭṭhakā. Yena bhagavā tenupasaṅkamīti dasabalassa abhisambuddhadivasato paṭṭhāya ‘‘ajja gamissāmi sve gamissāmī’’ti ekādasa vassāni atikkamitvā dvādasame vasse satthu verañjāyaṃ vasanakāle ‘‘sammāsambuddhassa santikaṃ gamissāmī’’ti cittaṃ uppādetvā ‘‘mama ‘ajja sve’ti dvādasa vassāni jātāni, handāhaṃ idāneva gacchāmī’’ti taṅkhaṇaṃyeva asuragaṇaparivuto asurabhavanā nikkhamitvā divā divassa yena bhagavā tenupasaṅkami, ekamantaṃ aṭṭhāsīti so kira ‘‘tathāgataṃ pañhaṃ pucchitvā eva dhammaṃ suṇissāmī’’ti āgato, tathāgatassa pana diṭṭhakālato paṭṭhāya buddhagāravena pucchituṃ asakkonto api satthāraṃ vanditvā ekamantaṃ aṭṭhāsi. Tato satthā cintesi – ‘‘ayaṃ pahārādo mayi akathente paṭhamataraṃ kathetuṃ na sakkhissati, ciṇṇavasiṭṭhāneyeva naṃ kathāsamuṭṭhāpanatthaṃ ekaṃ pañhaṃ pucchissāmī’’ti .
ат̇а нам̣ бужчанд̇о аби бана бахаараад̣̇аад̇иаад̣̇имааха. д̇ад̇т̇а абхираманд̇ийд̇и рад̇им̣ винд̣̇анд̇и, анугган̣тамаанаа васанд̇ийд̇и ад̇т̇о. со ‘‘барижин̣н̣адтаанзязва мам̣ бхаг̇аваа бужчад̇ий’’д̇и ад̇д̇амано худ̇ваа абхираманд̇и, бханд̇зд̇и ааха. анубуб̣б̣аниннод̇иаад̣̇ийни саб̣б̣аани анубадибаадияаа ниннабхаавасса взважанаани. на ааяад̇агзнзва бабаад̇од̇и на чиннад̇адамахаасоб̣бхо вияа аад̣̇ид̇ова бабаад̇о . со хи д̇ийрад̇о бадтааяа зган̇г̇улад̣̇ван̇г̇улавид̣̇ад̇т̇ирад̇анаяадтиусабхаад̣дхаг̇аавуд̇аг̇аавуд̇аад̣дхаяож̇анаад̣̇ивасзна г̇амбхийро худ̇ваа г̇ажчанд̇о синзрубаад̣̇амуулз жад̇ураасийд̇ияож̇анасахассаг̇амбхийро худ̇ваа тид̇од̇и д̣̇ассзд̇и.
Atha naṃ pucchanto api pana pahārādātiādimāha. Tattha abhiramantīti ratiṃ vindanti, anukkaṇṭhamānā vasantīti attho. So ‘‘pariciṇṇaṭṭhāneyeva maṃ bhagavā pucchatī’’ti attamano hutvā abhiramanti, bhanteti āha. Anupubbaninnotiādīni sabbāni anupaṭipāṭiyā ninnabhāvassa vevacanāni. Na āyatakeneva papātoti na chinnataṭamahāsobbho viya āditova papāto . So hi tīrato paṭṭhāya ekaṅguladvaṅgulavidatthiratanayaṭṭhiusabhaaḍḍhagāvutagāvutaaḍḍhayojanādivasena gambhīro hutvā gacchanto sinerupādamūle caturāsītiyojanasahassagambhīro hutvā ṭhitoti dasseti.
тид̇ад̇хаммод̇и тид̇асабхааво. гун̣абзнаад̇и язна гзнажи хад̇т̇иассаад̣̇ийнам̣ гал̣зварзна. т̇алам̣ уссаарзд̇ийд̇и хад̇т̇зна г̇ахзд̇ваа вияа вийжибахаарзнзва т̇алам̣ кибад̇и.
Ṭhitadhammoti ṭhitasabhāvo. Kuṇapenāti yena kenaci hatthiassādīnaṃ kaḷevarena. Thalaṃ ussāretīti hatthena gahetvā viya vīcipahāreneva thalaṃ khipati.
г̇ан̇г̇ааяамунаад̇и ид̇ха тад̇ваа имаасам̣ над̣̇ийнам̣ уббад̇д̇игат̇ам̣ гат̇зд̇ум̣ ваддад̇и. аяам̣ д̇аава ж̇амб̣уд̣̇ийбо д̣̇асасахассаяож̇анабаримаан̣о, д̇ад̇т̇а жад̇усахассаяож̇анабаримаан̣о бад̣̇зсо уд̣̇агзна аж̇жход̇т̇адо махаасамуд̣̇д̣̇од̇и сан̇кам̣ г̇ад̇о, д̇исахассаяож̇анаббамаан̣з мануссаа васанд̇и, д̇исахассаяож̇анаббамаан̣з химаваа бад̇идтид̇о уб̣б̣зд̇хзна бан̃жаяож̇анасад̇иго жад̇ураасийд̇игуудасахассабадиман̣д̣ид̇о саманд̇ад̇о санд̣̇амаанабан̃жасад̇анад̣̇ийвижид̇д̇о, яад̇т̇а ааяаамавид̇т̇аарзна жа г̇амбхийрад̇о жа бан̣н̣аасабан̣н̣аасаяож̇анаа д̣̇ияад̣дхаяож̇анасад̇абариман̣д̣алаа анод̇ад̇д̇ад̣̇ахо ган̣н̣амун̣д̣ад̣̇ахо рат̇агаарад̣̇ахо чад̣̇д̣̇анд̇ад̣̇ахо гун̣аалад̣̇ахо манд̣̇аагинид̣̇ахо сийхаббабаад̇ад̣̇аход̇и сад̇д̇а махаасараа бад̇идтаханд̇и.
Gaṅgāyamunāti idha ṭhatvā imāsaṃ nadīnaṃ uppattikathaṃ kathetuṃ vaṭṭati. Ayaṃ tāva jambudīpo dasasahassayojanaparimāṇo, tattha catusahassayojanaparimāṇo padeso udakena ajjhotthaṭo mahāsamuddoti saṅkhaṃ gato, tisahassayojanappamāṇe manussā vasanti, tisahassayojanappamāṇe himavā patiṭṭhito ubbedhena pañcayojanasatiko caturāsītikūṭasahassapaṭimaṇḍito samantato sandamānapañcasatanadīvicitto, yattha āyāmavitthārena ca gambhīrato ca paṇṇāsapaṇṇāsayojanā diyaḍḍhayojanasataparimaṇḍalā anotattadaho kaṇṇamuṇḍadaho rathakāradaho chaddantadaho kuṇāladaho mandākinidaho sīhappapātadahoti satta mahāsarā patiṭṭhahanti.
д̇зсу анод̇ад̇д̇о суд̣̇ассанагуудам̣ жид̇д̇агуудам̣ гаал̣агуудам̣ г̇анд̇хамаад̣̇анагуудам̣ гзлаасагууданд̇и имзхи бан̃жахи баб̣б̣ад̇зхи баригкид̇д̇о. д̇ад̇т̇а суд̣̇ассанагуудам̣ сован̣н̣амаяам̣ д̣̇вияож̇анасад̇уб̣б̣зд̇хам̣ анд̇ован̇гам̣ гаагамукасан̣таанам̣ д̇амзва сарам̣ бадижчаад̣̇зд̇ваа д̇идтад̇и, жид̇д̇агуудам̣ саб̣б̣арад̇анамаяам̣, гаал̣агуудам̣ ан̃ж̇анамаяам̣, г̇анд̇хамаад̣̇анагуудам̣ саанумаяам̣ аб̣бханд̇арз муг̇г̇аван̣н̣ам̣, муулаг̇анд̇хо саараг̇анд̇хо пзг̇г̇уг̇анд̇хо д̇ажаг̇анд̇хо бабадигааг̇анд̇хо расаг̇анд̇хо бад̇д̇аг̇анд̇хо бубпаг̇анд̇хо палаг̇анд̇хо г̇анд̇хаг̇анд̇ход̇и имзхи д̣̇асахи г̇анд̇хзхи уссаннам̣, наанаббагаараосад̇хасан̃чаннам̣ гаал̣абагкаубосат̇ад̣̇ивасз аад̣̇ид̇д̇амива ан̇г̇аарам̣ ж̇аланд̇ам̣ д̇идтад̇и, гзлаасагуудам̣ раж̇ад̇амаяам̣. саб̣б̣аани суд̣̇ассанзна самаануб̣б̣зд̇хасан̣таанаани д̇амзва сарам̣ бадижчаад̣̇зд̇ваа тид̇аани. д̇аани саб̣б̣аани д̣̇зваанубхаавзна нааг̇аанубхаавзна жа вассанд̇и, над̣̇ияо жзд̇зсу санд̣̇анд̇и. д̇ам̣ саб̣б̣амби уд̣̇агам̣ анод̇ад̇д̇амзва бависад̇и. жанд̣̇имасуурияаа д̣̇агкин̣зна ваа уд̇д̇арзна ваа г̇ажчанд̇аа баб̣б̣ад̇анд̇арзна д̇ад̇т̇а обхаасам̣ гаронд̇и, уж̇ум̣ г̇ажчанд̇аа на гаронд̇и. д̇знзвасса анод̇ад̇д̇о д̇исан̇каа уд̣̇абаад̣̇и.
Tesu anotatto sudassanakūṭaṃ cittakūṭaṃ kāḷakūṭaṃ gandhamādanakūṭaṃ kelāsakūṭanti imehi pañcahi pabbatehi parikkhitto. Tattha sudassanakūṭaṃ sovaṇṇamayaṃ dviyojanasatubbedhaṃ antovaṅkaṃ kākamukhasaṇṭhānaṃ tameva saraṃ paṭicchādetvā tiṭṭhati, cittakūṭaṃ sabbaratanamayaṃ, kāḷakūṭaṃ añjanamayaṃ, gandhamādanakūṭaṃ sānumayaṃ abbhantare muggavaṇṇaṃ, mūlagandho sāragandho pheggugandho tacagandho papaṭikāgandho rasagandho pattagandho pupphagandho phalagandho gandhagandhoti imehi dasahi gandhehi ussannaṃ, nānappakāraosadhasañchannaṃ kāḷapakkhauposathadivase ādittamiva aṅgāraṃ jalantaṃ tiṭṭhati, kelāsakūṭaṃ rajatamayaṃ. Sabbāni sudassanena samānubbedhasaṇṭhānāni tameva saraṃ paṭicchādetvā ṭhitāni. Tāni sabbāni devānubhāvena nāgānubhāvena ca vassanti, nadiyo cetesu sandanti. Taṃ sabbampi udakaṃ anotattameva pavisati. Candimasūriyā dakkhiṇena vā uttarena vā gacchantā pabbatantarena tattha obhāsaṃ karonti, ujuṃ gacchantā na karonti. Tenevassa anotatto tisaṅkhā udapādi.
д̇ад̇т̇а манохарасилаад̇алаани ниммажчагажчабаани палигасад̣̇исаниммалод̣̇агаани нхаанад̇ид̇т̇аани субадияад̇д̇аани хонд̇и , язсу б̣уд̣̇д̇хаа кийн̣аасаваа жа бажжзгаб̣уд̣̇д̇хаа жа ид̣̇д̇химанд̇аа жа исаяо нхааяанд̇и, д̣̇зваяагкаад̣̇аяо уд̣̇агагийл̣ам̣ гийл̣анд̇и.
Tattha manoharasilātalāni nimmacchakacchapāni phalikasadisanimmalodakāni nhānatitthāni supaṭiyattāni honti , yesu buddhā khīṇāsavā ca paccekabuddhā ca iddhimantā ca isayo nhāyanti, devayakkhādayo udakakīḷaṃ kīḷanti.
д̇асса жад̇уусу бассзсу сийхамукам̣, хад̇т̇имукам̣, ассамукам̣, усабхамуканд̇и жад̇д̇аари мукаани хонд̇и, язхи жад̇ассо над̣̇ияо санд̣̇анд̇и. сийхамукзна нигканд̇анад̣̇ийд̇ийрз сийхаа б̣ахуд̇араа хонд̇и, хад̇т̇имукаад̣̇ийхи хад̇т̇иассаусабхаа. бурад̇т̇имад̣̇исад̇о нигканд̇анад̣̇ий анод̇ад̇д̇ам̣ д̇игкад̇д̇ум̣ бад̣̇агкин̣ам̣ гад̇ваа ид̇араа д̇иссо над̣̇ияо анубаг̇амма баажийнахимаванд̇знзва амануссабат̇ам̣ г̇анд̇ваа махаасамуд̣̇д̣̇ам̣ бависад̇и. бажчимад̣̇исад̇о жа уд̇д̇арад̣̇исад̇о жа нигканд̇анад̣̇ияоби д̇ат̇зва бад̣̇агкин̣ам̣ гад̇ваа бажчимахимаванд̇знзва уд̇д̇арахимаванд̇знзва жа амануссабат̇ам̣ г̇анд̇ваа махаасамуд̣̇д̣̇ам̣ бависанд̇и. д̣̇агкин̣амукад̇о нигканд̇анад̣̇ий бана д̇ам̣ д̇игкад̇д̇ум̣ бад̣̇агкин̣ам̣ гад̇ваа уд̇д̇арзна уж̇угам̣ баасаан̣абидтзнзва садти яож̇анаани г̇анд̇ваа баб̣б̣ад̇ам̣ бахарид̇ваа удтааяа баригкзбзна д̇иг̇аавуд̇аббамаан̣аа уд̣̇агад̇хаараа худ̇ваа аагаасзна садти яож̇анаани г̇анд̇ваа д̇ияаг̇г̇ал̣з наама баасаан̣з бад̇ид̇аа, баасаан̣о уд̣̇агад̇хаараавзг̇зна бхинно. д̇ад̇т̇а бан̃н̃аасаяож̇анаббамаан̣аа д̇ияаг̇г̇ал̣аа наама махаабогкаран̣ий ж̇аад̇аа, богкаран̣ияаа гуулам̣ бхинд̣̇ид̇ваа баасаан̣ам̣ бависид̇ваа садти яож̇анаани г̇ад̇аа. д̇ад̇о гханабат̇авим̣ бхинд̣̇ид̇ваа умман̇г̇зна садти яож̇анаани г̇анд̇ваа г̇ин̃жхам̣ наама д̇иражчаанабаб̣б̣ад̇ам̣ бахарид̇ваа хад̇т̇ад̇алз бан̃жан̇г̇улисад̣̇исаа бан̃жа д̇хаараа худ̇ваа бавад̇д̇ад̇и. саа д̇игкад̇д̇ум̣ анод̇ад̇д̇ам̣ бад̣̇агкин̣ам̣ гад̇ваа г̇ад̇адтаанз аавад̇д̇аг̇ан̇г̇аад̇и вужжад̇и . уж̇угам̣ баасаан̣абидтзна садти яож̇анаани г̇ад̇адтаанз ган̣хаг̇ан̇г̇аа, аагаасзна садти яож̇анаани г̇ад̇адтаанз аагаасаг̇ан̇г̇аа, д̇ияаг̇г̇ал̣абаасаан̣з бан̃н̃аасаяож̇аногаасз тид̇аа д̇ияаг̇г̇ал̣абогкаран̣ий, гуулам̣ бхинд̣̇ид̇ваа баасаан̣ам̣ бависид̇ваа садти яож̇анаани г̇ад̇адтаанз б̣ахалаг̇ан̇г̇аад̇и, уман̇г̇зна садти яож̇анаани г̇ад̇адтаанз уман̇г̇аг̇ан̇г̇аад̇и вужжад̇и. вин̃жхам̣ наама д̇иражчаанабаб̣б̣ад̇ам̣ бахарид̇ваа бан̃жа д̇хаараа худ̇ваа бавад̇д̇анадтаанз бана г̇ан̇г̇аа, яамунаа, ажиравад̇ий, сарабхуу, махийд̇и бан̃жа сан̇кам̣ г̇ад̇аа. звамзд̇аа бан̃жа махаанад̣̇ияо химаванд̇ад̇о бавад̇д̇анд̇ийд̇и взд̣̇ид̇аб̣б̣аа.
Tassa catūsu passesu sīhamukhaṃ, hatthimukhaṃ, assamukhaṃ, usabhamukhanti cattāri mukhāni honti, yehi catasso nadiyo sandanti. Sīhamukhena nikkhantanadītīre sīhā bahutarā honti, hatthimukhādīhi hatthiassausabhā. Puratthimadisato nikkhantanadī anotattaṃ tikkhattuṃ padakkhiṇaṃ katvā itarā tisso nadiyo anupagamma pācīnahimavanteneva amanussapathaṃ gantvā mahāsamuddaṃ pavisati. Pacchimadisato ca uttaradisato ca nikkhantanadiyopi tatheva padakkhiṇaṃ katvā pacchimahimavanteneva uttarahimavanteneva ca amanussapathaṃ gantvā mahāsamuddaṃ pavisanti. Dakkhiṇamukhato nikkhantanadī pana taṃ tikkhattuṃ padakkhiṇaṃ katvā uttarena ujukaṃ pāsāṇapiṭṭheneva saṭṭhi yojanāni gantvā pabbataṃ paharitvā uṭṭhāya parikkhepena tigāvutappamāṇā udakadhārā hutvā ākāsena saṭṭhi yojanāni gantvā tiyaggaḷe nāma pāsāṇe patitā, pāsāṇo udakadhārāvegena bhinno. Tattha paññāsayojanappamāṇā tiyaggaḷā nāma mahāpokkharaṇī jātā, pokkharaṇiyā kūlaṃ bhinditvā pāsāṇaṃ pavisitvā saṭṭhi yojanāni gatā. Tato ghanapathaviṃ bhinditvā ummaṅgena saṭṭhi yojanāni gantvā giñjhaṃ nāma tiracchānapabbataṃ paharitvā hatthatale pañcaṅgulisadisā pañca dhārā hutvā pavattati. Sā tikkhattuṃ anotattaṃ padakkhiṇaṃ katvā gataṭṭhāne āvattagaṅgāti vuccati . Ujukaṃ pāsāṇapiṭṭhena saṭṭhi yojanāni gataṭṭhāne kaṇhagaṅgā, ākāsena saṭṭhi yojanāni gataṭṭhāne ākāsagaṅgā, tiyaggaḷapāsāṇe paññāsayojanokāse ṭhitā tiyaggaḷapokkharaṇī, kūlaṃ bhinditvā pāsāṇaṃ pavisitvā saṭṭhi yojanāni gataṭṭhāne bahalagaṅgāti, umaṅgena saṭṭhi yojanāni gataṭṭhāne umaṅgagaṅgāti vuccati. Viñjhaṃ nāma tiracchānapabbataṃ paharitvā pañca dhārā hutvā pavattanaṭṭhāne pana gaṅgā, yamunā, aciravatī, sarabhū, mahīti pañca saṅkhaṃ gatā. Evametā pañca mahānadiyo himavantato pavattantīti veditabbā.
саванд̇ияод̇и яаа гаажи савамаанаа г̇ажчанд̇ий махаанад̣̇ияо ваа гуннад̣̇ияо ваа. аббзнд̇ийд̇и аллийяанд̇и осаранд̇и. д̇хаараад̇и вудтид̇хаараа. буурад̇д̇анд̇и бун̣н̣абхааво. махаасамуд̣̇д̣̇асса хи аяам̣ д̇хаммад̇аа – ‘‘имасмим̣ гаалз д̣̇зво манд̣̇о ж̇аад̇о, ж̇аалагкибаад̣̇ийни аад̣̇ааяа мажчагажчабз г̇ан̣хиссаамаа’’д̇и ваа ‘‘имасмим̣ гаалз маханд̇аа вудти, лабхиссаама ну ко бидтибасааран̣адтаана’’нд̇и ваа вад̇д̇ум̣ на саггаа. батамагаббигагаалад̇о бадтааяа хи яам̣ синзрумзкалам̣ аахажжа уд̣̇агам̣ тид̇ам̣, д̇ад̇о зган̇г̇уламад̇д̇амби уд̣̇агам̣ нзва хздтаа осийд̣̇ад̇и, на уд̣̇д̇хам̣ уд̇д̇арад̇и. згарасод̇и асамбхиннарасо.
Savantiyoti yā kāci savamānā gacchantī mahānadiyo vā kunnadiyo vā. Appentīti allīyanti osaranti. Dhārāti vuṭṭhidhārā. Pūrattanti puṇṇabhāvo. Mahāsamuddassa hi ayaṃ dhammatā – ‘‘imasmiṃ kāle devo mando jāto, jālakkhipādīni ādāya macchakacchape gaṇhissāmā’’ti vā ‘‘imasmiṃ kāle mahantā vuṭṭhi, labhissāma nu kho piṭṭhipasāraṇaṭṭhāna’’nti vā vattuṃ na sakkā. Paṭhamakappikakālato paṭṭhāya hi yaṃ sinerumekhalaṃ āhacca udakaṃ ṭhitaṃ, tato ekaṅgulamattampi udakaṃ neva heṭṭhā osīdati, na uddhaṃ uttarati. Ekarasoti asambhinnaraso.
муд̇д̇аад̇и куд̣̇д̣̇агамаханд̇аваддад̣̇ийгхаад̣̇ибхзд̣̇аа анзгавид̇хаа . ман̣ийд̇и рад̇д̇анийлаад̣̇ибхзд̣̇о анзгавид̇хо. взл̣урияод̇и вам̣саван̣н̣асирийсабубпаван̣н̣аад̣̇ибхзд̣̇о анзгавид̇хо. сан̇код̇и д̣̇агкин̣ааваддад̇амб̣агужчигад̇хаманасан̇каад̣̇ибхзд̣̇о анзгавид̇хо. силаад̇и сзд̇агаал̣амуг̇г̇аван̣н̣аад̣̇ибхзд̣̇о анзгавид̇хаа. баваал̣анд̇и куд̣̇д̣̇агамаханд̇арад̇д̇агханарад̇д̇аад̣̇ибхзд̣̇ам̣ анзгавид̇хам̣. масаараг̇алланд̇и габ̣араман̣и. нааг̇аад̇и уумибидтаваасиноби вимаанадтагаа нааг̇ааби.
Muttāti khuddakamahantavaṭṭadīghādibhedā anekavidhā . Maṇīti rattanīlādibhedo anekavidho. Veḷuriyoti vaṃsavaṇṇasirīsapupphavaṇṇādibhedo anekavidho. Saṅkhoti dakkhiṇāvaṭṭatambakucchikadhamanasaṅkhādibhedo anekavidho. Silāti setakāḷamuggavaṇṇādibhedo anekavidhā. Pavāḷanti khuddakamahantarattaghanarattādibhedaṃ anekavidhaṃ. Masāragallanti kabaramaṇi. Nāgāti ūmipiṭṭhavāsinopi vimānaṭṭhakā nāgāpi.
адта бахаараад̣̇аад̇и сад̇т̇аа адтаби д̇хаммз вад̇д̇ум̣ саггод̇и, сол̣асаби б̣аад̇д̇им̣саби жад̇усадтиби сахассамби, бахаараад̣̇зна бана адта гат̇ид̇аа, ахамби д̇зхзва саригкагз гад̇ваа гат̇зссаамийд̇и жинд̇зд̇ваа звамааха. анубуб̣б̣асигкаад̇иаад̣̇ийсу анубуб̣б̣асигкааяа д̇иссо сигкаа г̇ахид̇аа, анубуб̣б̣агирияааяа д̇зраса д̇худ̇ан̇г̇аани, анубуб̣б̣абадибад̣̇ааяа сад̇д̇а анубассанаа адтаараса махаавибассанаа адтад̇им̣са аарамман̣авибхад̇д̇ияо сад̇д̇ад̇им̣са б̣од̇хабагкияад̇хаммаа . на ааяад̇агзнзва ан̃н̃аабадивзд̇ход̇и ман̣д̣уугасса уббад̇ид̇ваа г̇аманам̣ вияа аад̣̇ид̇ова сийлабууран̣аад̣̇им̣ агад̇ваа арахад̇д̇аббадивзд̇хо наама над̇т̇и, бадибаадияаа бана сийласамаад̇хибан̃н̃ааяо буурзд̇ваава саггаа арахад̇д̇ам̣ бад̇д̇унд̇и ад̇т̇о.
Aṭṭha pahārādāti satthā aṭṭhapi dhamme vattuṃ sakkoti, soḷasapi bāttiṃsapi catusaṭṭhipi sahassampi, pahārādena pana aṭṭha kathitā, ahampi teheva sarikkhake katvā kathessāmīti cintetvā evamāha. Anupubbasikkhātiādīsu anupubbasikkhāya tisso sikkhā gahitā, anupubbakiriyāya terasa dhutaṅgāni, anupubbapaṭipadāya satta anupassanā aṭṭhārasa mahāvipassanā aṭṭhatiṃsa ārammaṇavibhattiyo sattatiṃsa bodhapakkhiyadhammā . Na āyatakeneva aññāpaṭivedhoti maṇḍūkassa uppatitvā gamanaṃ viya āditova sīlapūraṇādiṃ akatvā arahattappaṭivedho nāma natthi, paṭipāṭiyā pana sīlasamādhipaññāyo pūretvāva sakkā arahattaṃ pattunti attho.
аарагааваад̇и д̣̇уурзязва. на д̇зна ниб̣б̣аанад̇хаад̇уяаа уунад̇д̇ам̣ ваа буурад̇д̇ам̣ ваад̇и асан̇кязяязби габбз б̣уд̣̇д̇хзсу ануббаннзсу згасад̇д̇оби бариниб̣б̣аад̇ум̣ на саггод̇и, д̇ад̣̇ааби ‘‘д̇ужчаа ниб̣б̣аанад̇хаад̇уу’’д̇и на саггаа вад̇д̇ум̣. б̣уд̣̇д̇хагаалз жа бана згзгасмим̣ самааг̇амз асан̇кязяяааби сад̇д̇аа амад̇ам̣ аараад̇хзнд̇и, д̇ад̣̇ааби на саггаа вад̇д̇ум̣ – ‘‘буураа ниб̣б̣аанад̇хаад̇уу’’д̇и.
Ārakāvāti dūreyeva. Na tena nibbānadhātuyā ūnattaṃ vā pūrattaṃ vāti asaṅkhyeyyepi kappe buddhesu anuppannesu ekasattopi parinibbātuṃ na sakkoti, tadāpi ‘‘tucchā nibbānadhātū’’ti na sakkā vattuṃ. Buddhakāle ca pana ekekasmiṃ samāgame asaṅkhyeyyāpi sattā amataṃ ārādhenti, tadāpi na sakkā vattuṃ – ‘‘pūrā nibbānadhātū’’ti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. бахаараад̣̇асуд̇д̇ам̣ • 9. Pahārādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. бахаараад̣̇асуд̇д̇аван̣н̣анаа • 9. Pahārādasuttavaṇṇanā
