| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
9. бахаараад̣̇асуд̇д̇аван̣н̣анаа
9. Pahārādasuttavaṇṇanā
19. навамз (уд̣̇аа. адта. 45; саарад̇т̇а. дий. жуул̣аваг̇г̇а 3.384) асураад̇и д̣̇зваа вияа на суранд̇и на гийл̣анд̇и на вирожанд̇ийд̇и асураа. сураа наама д̣̇зваа, д̇зсам̣ бадибагкаад̇и ваа асураа, взбажид̇д̇ибахаараад̣̇аад̣̇аяо . д̇зсам̣ бхаванам̣ синзрусса хздтаабхааг̇з. д̇з д̇ад̇т̇а бависанд̇аа нигкаманд̇аа синзрубаад̣̇з ман̣д̣абаад̣̇ийни нимминид̇ваа гийл̣анд̇аа абхираманд̇и. саа д̇ад̇т̇а д̇зсам̣ абхирад̇и. имз г̇ун̣з д̣̇исваад̇и ааха ‘‘яз д̣̇исваа д̣̇исваа асураа махаасамуд̣̇д̣̇з абхираманд̇ий’’д̇и.
19. Navame (udā. aṭṭha. 45; sārattha. ṭī. cūḷavagga 3.384) asurāti devā viya na suranti na kīḷanti na virocantīti asurā. Surā nāma devā, tesaṃ paṭipakkhāti vā asurā, vepacittipahārādādayo . Tesaṃ bhavanaṃ sinerussa heṭṭhābhāge. Te tattha pavisantā nikkhamantā sinerupāde maṇḍapādīni nimminitvā kīḷantā abhiramanti. Sā tattha tesaṃ abhirati. Ime guṇe disvāti āha ‘‘ye disvā disvā asurā mahāsamudde abhiramantī’’ti.
яасмаа логияаа ж̇амб̣уд̣̇ийбо, химаваа д̇ад̇т̇а бад̇идтид̇асамуд̣̇д̣̇ад̣̇ахабаб̣б̣ад̇аа д̇аббабхаваа над̣̇ияод̇и зд̇зсу яам̣ яам̣ на мануссаг̇ожарам̣, д̇ад̇т̇а саяам̣ саммуул̣хаа ан̃н̃зби саммохаяанд̇и, д̇асмаа д̇ад̇т̇а саммохавид̇хаманад̇т̇ам̣ ‘‘аяам̣ д̇аава ж̇амб̣уд̣̇ийбо’’д̇иаад̣̇и аарад̣̇д̇хам̣. д̣̇асасахассаяож̇анабаримаан̣о ааяаамад̇о вид̇т̇аарад̇о жаад̇и ад̇хиббааяо. д̇знааха ‘‘д̇ад̇т̇аа’’д̇иаад̣̇и. уд̣̇агзна аж̇жход̇т̇адо д̇ад̣̇убабхог̇исад̇д̇аанам̣ бун̃н̃агкаязна. сунд̣̇арад̣̇ассанам̣ гууданд̇и суд̣̇ассанагуудам̣, яам̣ логз ‘‘хзмагууда’’нд̇и вужжад̇и. муулаг̇анд̇хо гаалаанусаарияаад̣̇и. саараг̇анд̇хо жанд̣̇анаад̣̇и. пзг̇г̇уг̇анд̇хо салалаад̣̇и. д̇ажаг̇анд̇хо лаван̇г̇аад̣̇и. бабадигааг̇анд̇хо габид̇т̇аад̣̇и. расаг̇анд̇хо саж̇ж̇уласаад̣̇и. бад̇д̇аг̇анд̇хо д̇амаалахиривзраад̣̇и. бубпаг̇анд̇хо нааг̇агусумаад̣̇и. палаг̇анд̇хо ж̇аад̇ипалаад̣̇и. г̇анд̇хаг̇анд̇хо саб̣б̣зсам̣ г̇анд̇хаанам̣ г̇анд̇хо. ‘‘саб̣б̣аани бут̇улад̇о бан̃н̃ааса яож̇анаани, ааяаамад̇о бана уб̣б̣зд̇хад̇о вияа д̣̇вияож̇анасад̇аанзваа’’д̇и вад̣̇анд̇и.
Yasmā lokiyā jambudīpo, himavā tattha patiṭṭhitasamuddadahapabbatā tappabhavā nadiyoti etesu yaṃ yaṃ na manussagocaraṃ, tattha sayaṃ sammūḷhā aññepi sammohayanti, tasmā tattha sammohavidhamanatthaṃ ‘‘ayaṃ tāva jambudīpo’’tiādi āraddhaṃ. Dasasahassayojanaparimāṇo āyāmato vitthārato cāti adhippāyo. Tenāha ‘‘tatthā’’tiādi. Udakena ajjhotthaṭo tadupabhogisattānaṃ puññakkhayena. Sundaradassanaṃ kūṭanti sudassanakūṭaṃ, yaṃ loke ‘‘hemakūṭa’’nti vuccati. Mūlagandho kālānusāriyādi. Sāragandho candanādi. Pheggugandho salalādi. Tacagandho lavaṅgādi. Papaṭikāgandho kapitthādi. Rasagandho sajjulasādi. Pattagandho tamālahiriverādi. Pupphagandho nāgakusumādi. Phalagandho jātiphalādi. Gandhagandho sabbesaṃ gandhānaṃ gandho. ‘‘Sabbāni puthulato paññāsa yojanāni, āyāmato pana ubbedhato viya dviyojanasatānevā’’ti vadanti.
манохарасилаад̇алаанийд̇и рад̇анамаяад̇д̇аа манун̃н̃асобаанасилаад̇алаани. субадияад̇д̇аанийд̇и д̇ад̣̇убабхог̇исад̇д̇аанам̣ саад̇хааран̣агаммунаава судту бадияад̇д̇аани сусан̣тид̇аани хонд̇и. мажчагажчабаад̣̇ийни уд̣̇агам̣ малам̣ гаронд̇и, д̇ад̣̇абхаавад̇о палигасад̣̇исаниммалод̣̇агаани. д̇ирияад̇о д̣̇ийгхам̣ уг̇г̇ад̇агууданд̇и ‘‘д̇иражчаанабаб̣б̣ад̇а’’нд̇и ааха. буримаани наамаг̇од̇д̇аанийд̇и зд̇т̇а над̣̇ий ниннаг̇аад̇иаад̣̇игам̣ г̇од̇д̇ам̣, г̇ан̇г̇аа яамунаад̇иаад̣̇игам̣ наамам̣.
Manoharasilātalānīti ratanamayattā manuññasopānasilātalāni. Supaṭiyattānīti tadupabhogisattānaṃ sādhāraṇakammunāva suṭṭhu paṭiyattāni susaṇṭhitāni honti. Macchakacchapādīni udakaṃ malaṃ karonti, tadabhāvato phalikasadisanimmalodakāni. Tiriyato dīghaṃ uggatakūṭanti ‘‘tiracchānapabbata’’nti āha. Purimāni nāmagottānīti ettha nadī ninnagātiādikaṃ gottaṃ, gaṅgā yamunātiādikaṃ nāmaṃ.
савамаанаад̇и санд̣̇амаанаа. буурад̇д̇анд̇и бун̣н̣абхааво. масаараг̇аллам̣ ‘‘жид̇д̇апалига’’нд̇иби вад̣̇анд̇и. махад̇ам̣ бхууд̇аананд̇и маханд̇аанам̣ сад̇д̇аанам̣. д̇имий д̇имин̇г̇алаа д̇имид̇имин̇г̇алаад̇и д̇иссо мажчаж̇аад̇ияо. д̇имим̣ г̇иланасамад̇т̇аа д̇имин̇г̇алаа. д̇имин̃жа д̇имин̇г̇алан̃жа г̇иланасамад̇т̇аа д̇имид̇имин̇г̇алаад̇и вад̣̇анд̇и.
Savamānāti sandamānā. Pūrattanti puṇṇabhāvo. Masāragallaṃ ‘‘cittaphalika’’ntipi vadanti. Mahataṃ bhūtānanti mahantānaṃ sattānaṃ. Timī timiṅgalā timitimiṅgalāti tisso macchajātiyo. Timiṃ gilanasamatthā timiṅgalā. Timiñca timiṅgalañca gilanasamatthā timitimiṅgalāti vadanti.
мама саавагаад̇и сод̇аабаннаад̣̇игз арияабуг̇г̇алз санд̇хааяа вад̣̇ад̇и. на сам̣васад̇ийд̇и убосат̇агаммаад̣̇ивасзна сам̣ваасам̣ на гарод̇и. угкибад̇ийд̇и абанзд̇и. вимуд̇д̇ирасод̇и гилзсзхи вимужжанарасо. саб̣б̣аа хи саасанасамбад̇д̇и яаавад̣̇зва анубаад̣̇ааяа аасавзхи жид̇д̇асса вимуд̇д̇иад̇т̇аа.
Mamasāvakāti sotāpannādike ariyapuggale sandhāya vadati. Na saṃvasatīti uposathakammādivasena saṃvāsaṃ na karoti. Ukkhipatīti apaneti. Vimuttirasoti kilesehi vimuccanaraso. Sabbā hi sāsanasampatti yāvadeva anupādāya āsavehi cittassa vimuttiatthā.
рад̇анаанийд̇и рад̇иж̇ананадтзна рад̇анаани. сад̇ибадтаанаад̣̇аяо хи бхаавияамаанаа буб̣б̣абхааг̇зби анаббагам̣ бийд̇ибаамож̇ж̇ам̣ ниб̣б̣ад̇д̇знд̇и, баг̇зва абарабхааг̇з. вуд̇д̇ан̃хзд̇ам̣ –
Ratanānīti ratijananaṭṭhena ratanāni. Satipaṭṭhānādayo hi bhāviyamānā pubbabhāgepi anappakaṃ pītipāmojjaṃ nibbattenti, pageva aparabhāge. Vuttañhetaṃ –
‘‘яад̇о яад̇о саммасад̇и, канд̇хаанам̣ уд̣̇аяаб̣б̣аяам̣;
‘‘Yato yato sammasati, khandhānaṃ udayabbayaṃ;
лабхад̇ий бийд̇ибаамож̇ж̇ам̣, амад̇ам̣ д̇ам̣ виж̇аанад̇а’’нд̇и. (д̇ха. ба. 374) –
Labhatī pītipāmojjaṃ, amataṃ taṃ vijānata’’nti. (dha. pa. 374) –
логияарад̇ананиб̣б̣ад̇д̇ам̣ бана бийд̇ибаамож̇ж̇ам̣ на д̇асса галабхааг̇амби аг̇гхад̇и. абижа –
Lokiyaratananibbattaṃ pana pītipāmojjaṃ na tassa kalabhāgampi agghati. Apica –
‘‘жид̇д̇ийгад̇ам̣ махаг̇гхан̃жа, ад̇улам̣ д̣̇уллабхад̣̇ассанам̣;
‘‘Cittīkataṃ mahagghañca, atulaṃ dullabhadassanaṃ;
аномасад̇д̇абарибхог̇ам̣, рад̇ананд̇и бавужжад̇и’’. (д̣̇ий. ни. адта. 2.33; сам̣. ни. адта. 3.5.223; ку. баа. адта. 6.3; су. ни. адта. 1.226; махаани. адта. 50);
Anomasattaparibhogaṃ, ratananti pavuccati’’. (dī. ni. aṭṭha. 2.33; saṃ. ni. aṭṭha. 3.5.223; khu. pā. aṭṭha. 6.3; su. ni. aṭṭha. 1.226; mahāni. aṭṭha. 50);
яад̣̇и жа жид̇д̇ийгад̇аад̣̇ибхаавзна рад̇анам̣ наама ход̇и, сад̇ибадтаанаад̣̇ийнам̣язва бхууд̇ад̇о рад̇анабхааво. б̣од̇хибагкияад̇хаммаанан̃хи со аанубхааво, яам̣ саавагаа саавагабаарамин̃аан̣ам̣, бажжзгаб̣уд̣̇д̇хаа бажжзгаб̣од̇хин̃аан̣ам̣, саммаасамб̣уд̣̇д̇хаа саммаасамб̣од̇хим̣ ад̇хиг̇ажчанд̇и аасаннагааран̣ад̇д̇аа. аасаннагааран̣ан̃хи д̣̇аанаад̣̇иубаниссаяод̇и звам̣ рад̇иж̇ананадтзна жид̇д̇ийгад̇аад̣̇иад̇т̇зна жа рад̇анабхааво б̣од̇хибагкияад̇хаммаанам̣ саад̇исаяо. д̇зна вуд̇д̇ам̣ ‘‘д̇ад̇римаани рад̇анаани, сзяяат̇ид̣̇ам̣. жад̇д̇ааро сад̇ибадтаанаа’’д̇иаад̣̇и.
Yadi ca cittīkatādibhāvena ratanaṃ nāma hoti, satipaṭṭhānādīnaṃyeva bhūtato ratanabhāvo. Bodhipakkhiyadhammānañhi so ānubhāvo, yaṃ sāvakā sāvakapāramiñāṇaṃ, paccekabuddhā paccekabodhiñāṇaṃ, sammāsambuddhā sammāsambodhiṃ adhigacchanti āsannakāraṇattā. Āsannakāraṇañhi dānādiupanissayoti evaṃ ratijananaṭṭhena cittīkatādiatthena ca ratanabhāvo bodhipakkhiyadhammānaṃ sātisayo. Tena vuttaṃ ‘‘tatrimāni ratanāni, seyyathidaṃ. Cattāro satipaṭṭhānā’’tiādi.
д̇ад̇т̇а аарамман̣з огганд̇ид̇ваа убадтаанадтзна убадтаанам̣, сад̇иязва убадтаананд̇и сад̇ибадтаанам̣. аарамман̣асса бана гааяаад̣̇ивасзна жад̇уб̣б̣ид̇хад̇д̇аа вуд̇д̇ам̣ ‘‘жад̇д̇ааро сад̇ибадтаанаа’’д̇и. д̇ат̇аа хи гааяавзд̣̇анаажид̇д̇ад̇хаммзсу субхасуканижжаад̇д̇асан̃н̃аанам̣ бахаанад̇о асубхад̣̇угкаанижжаанад̇д̇абхааваг̇г̇ахан̣ад̇о жа нзсам̣ гааяаанубассанаад̣̇ибхааво вибхад̇д̇о.
Tattha ārammaṇe okkantitvā upaṭṭhānaṭṭhena upaṭṭhānaṃ, satiyeva upaṭṭhānanti satipaṭṭhānaṃ. Ārammaṇassa pana kāyādivasena catubbidhattā vuttaṃ ‘‘cattāro satipaṭṭhānā’’ti. Tathā hi kāyavedanācittadhammesu subhasukhaniccaattasaññānaṃ pahānato asubhadukkhāniccānattabhāvaggahaṇato ca nesaṃ kāyānupassanādibhāvo vibhatto.
саммаа бад̣̇аханд̇и зд̇зна, саяам̣ ваа саммаа бад̣̇ахад̇и, басад̇т̇ам̣ сунд̣̇арам̣ ваа бад̣̇аханд̇ийд̇и саммаббад̇хаанам̣, буг̇г̇аласса ваа саммад̣̇зва бад̇хаанабхаавагаран̣ад̇о саммаббад̇хаанам̣ вийрияассзд̇ам̣ ад̇хиважанам̣. д̇амби ануббаннуббаннаанам̣ агусалаанам̣ ануббаад̣̇анаббахаанавасзна ануббаннуббаннаанам̣ гусалаанам̣ д̇хаммаанам̣ уббаад̣̇анадтаабанавасзна жа жад̇угижжасаад̇хагад̇д̇аа вуд̇д̇ам̣ ‘‘жад̇д̇ааро саммаббад̇хаанаа’’д̇и.
Sammā padahanti etena, sayaṃ vā sammā padahati, pasatthaṃ sundaraṃ vā padahantīti sammappadhānaṃ, puggalassa vā sammadeva padhānabhāvakaraṇato sammappadhānaṃ vīriyassetaṃ adhivacanaṃ. Tampi anuppannuppannānaṃ akusalānaṃ anuppādanappahānavasena anuppannuppannānaṃ kusalānaṃ dhammānaṃ uppādanaṭṭhāpanavasena ca catukiccasādhakattā vuttaṃ ‘‘cattāro sammappadhānā’’ti.
иж̇жхад̇ийд̇и ид̣̇д̇хи, самиж̇жхад̇и нибпаж̇ж̇ад̇ийд̇и ад̇т̇о. иж̇жханд̇и ваа д̇ааяа сад̇д̇аа ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и ид̣̇д̇хи. ид̇и батамзна ад̇т̇зна ид̣̇д̇хи зва баад̣̇од̇и ид̣̇д̇хибаад̣̇о, ид̣̇д̇хигодтаасод̇и ад̇т̇о. д̣̇уд̇иязна ад̇т̇зна ид̣̇д̇хияаа баад̣̇о бад̇идтаа ад̇хиг̇амубааяод̇и ид̣̇д̇хибаад̣̇о. д̇зна хи убаруубаривисзсасан̇каад̇ам̣ ид̣̇д̇хим̣ баж̇ж̇анд̇и баабун̣анд̇и. свааяам̣ ид̣̇д̇хибаад̣̇о яасмаа чанд̣̇аад̣̇игз жад̇д̇ааро ад̇хибад̇ид̇хаммз д̇хурз ж̇здтагз гад̇ваа ниб̣б̣ад̇д̇ийяад̇и, д̇асмаа вуд̇д̇ам̣ ‘‘жад̇д̇ааро ид̣̇д̇хибаад̣̇аа’’д̇и.
Ijjhatīti iddhi, samijjhati nipphajjatīti attho. Ijjhanti vā tāya sattā iddhā vuddhā ukkaṃsagatā hontīti iddhi. Iti paṭhamena atthena iddhi eva pādoti iddhipādo, iddhikoṭṭhāsoti attho. Dutiyena atthena iddhiyā pādo patiṭṭhā adhigamupāyoti iddhipādo. Tena hi uparūparivisesasaṅkhātaṃ iddhiṃ pajjanti pāpuṇanti. Svāyaṃ iddhipādo yasmā chandādike cattāro adhipatidhamme dhure jeṭṭhake katvā nibbattīyati, tasmā vuttaṃ ‘‘cattāro iddhipādā’’ti.
бан̃жинд̣̇рияаанийд̇и сад̣̇д̇хаад̣̇ийни бан̃жа инд̣̇рияаани. д̇ад̇т̇а ассад̣̇д̇хияам̣ абхибхавид̇ваа ад̇химогкалагкан̣з инд̣̇адтам̣ гаарзд̇ийд̇и сад̣̇д̇хинд̣̇рияам̣. госаж̇ж̇ам̣ абхибхавид̇ваа баг̇г̇ахалагкан̣з, бамаад̣̇ам̣ абхибхавид̇ваа убадтааналагкан̣з, вигкзбам̣ абхибхавид̇ваа авигкзбалагкан̣з, ан̃н̃аан̣ам̣ абхибхавид̇ваа д̣̇ассаналагкан̣з инд̣̇адтам̣ гаарзд̇ийд̇и бан̃н̃инд̣̇рияам̣.
Pañcindriyānīti saddhādīni pañca indriyāni. Tattha assaddhiyaṃ abhibhavitvā adhimokkhalakkhaṇe indaṭṭhaṃ kāretīti saddhindriyaṃ. Kosajjaṃ abhibhavitvā paggahalakkhaṇe, pamādaṃ abhibhavitvā upaṭṭhānalakkhaṇe, vikkhepaṃ abhibhavitvā avikkhepalakkhaṇe, aññāṇaṃ abhibhavitvā dassanalakkhaṇe indaṭṭhaṃ kāretīti paññindriyaṃ.
д̇ааниязва ассад̣̇д̇хияаад̣̇ийхи анабхибхаванийяад̇о агамбияадтзна самбаяуд̇д̇ад̇хаммзсу т̇ирабхаавзна жа б̣алаани взд̣̇ид̇аб̣б̣аани.
Tāniyeva assaddhiyādīhi anabhibhavanīyato akampiyaṭṭhena sampayuttadhammesu thirabhāvena ca balāni veditabbāni.
сад̇д̇а б̣ож̇жхан̇г̇аад̇и б̣од̇хияаа, б̣од̇хисса ваа ан̇г̇аад̇и б̣ож̇жхан̇г̇аа. яаа хи зсаа д̇хаммасаамаг̇г̇ий яааяа логуд̇д̇арамаг̇г̇агкан̣з уббаж̇ж̇амаанааяа лийнуд̣̇д̇хажжабад̇идтаанааяууханагаамасукад̇д̇агиламат̇аануяог̇аужчзд̣̇асассад̇аабхинивзсаад̣̇ийнам̣ анзгзсам̣ убад̣̇д̣̇аваанам̣ бадибагкабхууд̇ааяа сад̇ид̇хаммавижаяавийрияабийд̇ибассад̣̇д̇хисамаад̇хиубзгкаасан̇каад̇ааяа д̇хаммасаамаг̇г̇ияаа арияасааваго б̣уж̇жхад̇и, гилзсанид̣̇д̣̇ааяа вудтахад̇и, жад̇д̇аари арияасажжаани бадивиж̇жхад̇и, ниб̣б̣аанамзва ваа сажчигарод̇ийд̇и ‘‘б̣од̇хий’’д̇и вужжад̇и. д̇ассаа д̇хаммасаамаг̇г̇исан̇каад̇ааяа б̣од̇хияаа ан̇г̇аад̇иби б̣ож̇жхан̇г̇аа жхаанан̇г̇амаг̇г̇ан̇г̇аад̣̇аяо вияа. яобзса вуд̇д̇аббагаарааяа д̇хаммасаамаг̇г̇ияаа б̣уж̇жхад̇ийд̇и гад̇ваа арияасааваго ‘‘б̣од̇хий’’д̇и вужжад̇и. д̇асса б̣од̇хисса ан̇г̇аад̇иби б̣ож̇жхан̇г̇аа сзнан̇г̇арат̇ан̇г̇аад̣̇аяо вияа. д̇знааху бораан̣аа ‘‘б̣уж̇жханагасса буг̇г̇аласса ан̇г̇аад̇и б̣ож̇жхан̇г̇аа’’д̇и (вибха. адта. 466; сам̣. ни. адта. 3.5.182; бади. ма. адта. 2.2.17). ‘‘б̣од̇хааяа сам̣вад̇д̇анд̇ийд̇и б̣ож̇жхан̇г̇аа’’д̇иаад̣̇инаа (бади. ма. 2.17) наязнаби б̣ож̇жхан̇г̇ад̇т̇о взд̣̇ид̇аб̣б̣о.
Satta bojjhaṅgāti bodhiyā, bodhissa vā aṅgāti bojjhaṅgā. Yā hi esā dhammasāmaggī yāya lokuttaramaggakkhaṇe uppajjamānāya līnuddhaccapatiṭṭhānāyūhanakāmasukhattakilamathānuyogaucchedasassatābhinivesādīnaṃ anekesaṃ upaddavānaṃ paṭipakkhabhūtāya satidhammavicayavīriyapītipassaddhisamādhiupekkhāsaṅkhātāya dhammasāmaggiyā ariyasāvako bujjhati, kilesaniddāya vuṭṭhahati, cattāri ariyasaccāni paṭivijjhati, nibbānameva vā sacchikarotīti ‘‘bodhī’’ti vuccati. Tassā dhammasāmaggisaṅkhātāya bodhiyā aṅgātipi bojjhaṅgā jhānaṅgamaggaṅgādayo viya. Yopesa vuttappakārāya dhammasāmaggiyā bujjhatīti katvā ariyasāvako ‘‘bodhī’’ti vuccati. Tassa bodhissa aṅgātipi bojjhaṅgā senaṅgarathaṅgādayo viya. Tenāhu porāṇā ‘‘bujjhanakassa puggalassa aṅgāti bojjhaṅgā’’ti (vibha. aṭṭha. 466; saṃ. ni. aṭṭha. 3.5.182; paṭi. ma. aṭṭha. 2.2.17). ‘‘Bodhāya saṃvattantīti bojjhaṅgā’’tiādinā (paṭi. ma. 2.17) nayenapi bojjhaṅgattho veditabbo.
арияо адтан̇г̇иго маг̇г̇од̇и д̇ам̣д̇ам̣маг̇г̇аваж̇жхзхи гилзсзхи аарагад̇д̇аа, арияабхаавагарад̇д̇аа, арияапалаббадилаабхагарад̇д̇аа жа арияо. саммаад̣̇идтиаад̣̇ийни адтан̇г̇аани асса ад̇т̇и, адта ан̇г̇ааниязва ваа адтан̇г̇иго. маарзнд̇о гилзсз г̇ажчад̇и ниб̣б̣аанад̇т̇игзхи ваа маг̇г̇ийяад̇и, саяам̣ ваа ниб̣б̣аанам̣ маг̇г̇ад̇ийд̇и маг̇г̇од̇и звамзд̇зсам̣ сад̇ибадтаанаад̣̇ийнам̣ ад̇т̇авибхааг̇о взд̣̇ид̇аб̣б̣о.
Ariyoaṭṭhaṅgiko maggoti taṃtaṃmaggavajjhehi kilesehi ārakattā, ariyabhāvakarattā, ariyaphalappaṭilābhakarattā ca ariyo. Sammādiṭṭhiādīni aṭṭhaṅgāni assa atthi, aṭṭha aṅgāniyeva vā aṭṭhaṅgiko. Mārento kilese gacchati nibbānatthikehi vā maggīyati, sayaṃ vā nibbānaṃ maggatīti maggoti evametesaṃ satipaṭṭhānādīnaṃ atthavibhāgo veditabbo.
сод̇аабаннод̇и маг̇г̇асан̇каад̇ам̣ сод̇ам̣ аабаж̇ж̇ид̇ваа баабун̣ид̇ваа тид̇о, сод̇аабад̇д̇ипаладтод̇и ад̇т̇о. сод̇аабад̇д̇ипаласажчигирияааяа бадибаннод̇и сод̇аабад̇д̇ипаласса ад̇д̇абажжагкагаран̣ааяа бадибаж̇ж̇амаано батамамаг̇г̇адто, яо адтамагод̇иби вужжад̇и. сагад̣̇ааг̇аамийд̇и сагид̣̇зва имам̣ логам̣ бадисанд̇хиг̇г̇ахан̣авасзна ааг̇аманасийло д̣̇уд̇ияапаладто. анааг̇аамийд̇и бадисанд̇хиг̇г̇ахан̣авасзна гаамалогам̣ анааг̇аманасийло д̇ад̇ияапаладто. яо бана сад̣̇д̇хаанусаарий д̇хаммаанусаарий згаб̣ийж̇ийд̇извамаад̣̇иго арияабуг̇г̇алавибхааг̇о, со зд̇зсам̣язва бабхзд̣̇од̇и. сзсам̣ вуд̇д̇анаяасад̣̇исамзва.
Sotāpannoti maggasaṅkhātaṃ sotaṃ āpajjitvā pāpuṇitvā ṭhito, sotāpattiphalaṭṭhoti attho. Sotāpattiphalasacchikiriyāya paṭipannoti sotāpattiphalassa attapaccakkhakaraṇāya paṭipajjamāno paṭhamamaggaṭṭho, yo aṭṭhamakotipi vuccati. Sakadāgāmīti sakideva imaṃ lokaṃ paṭisandhiggahaṇavasena āgamanasīlo dutiyaphalaṭṭho. Anāgāmīti paṭisandhiggahaṇavasena kāmalokaṃ anāgamanasīlo tatiyaphalaṭṭho. Yo pana saddhānusārī dhammānusārī ekabījītievamādiko ariyapuggalavibhāgo, so etesaṃyeva pabhedoti. Sesaṃ vuttanayasadisameva.
бахаараад̣̇асуд̇д̇аван̣н̣анаа нидтид̇аа.
Pahārādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 9. бахаараад̣̇асуд̇д̇ам̣ • 9. Pahārādasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. бахаараад̣̇асуд̇д̇аван̣н̣анаа • 9. Pahārādasuttavaṇṇanā
