| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
4. பஹாரஸிக்கா²பத³ங்
4. Pahārasikkhāpadaṃ
449. சதுத்தே² கஸ்மா ச²ப்³ப³க்³கி³யா ஸத்தரஸவக்³கி³யானங் பஹாரங் தெ³ந்தி, நனு அகாரணேன பஹாரங் தெ³ந்தீதி ஆஹ ‘‘ஆவுஸோ’’திஆதி³. இமினா யதா² வத³ந்தி, ததா² அகதத்தா பஹாரங் தெ³ந்தீதி த³ஸ்ஸேதி.
449. Catutthe kasmā chabbaggiyā sattarasavaggiyānaṃ pahāraṃ denti, nanu akāraṇena pahāraṃ dentīti āha ‘‘āvuso’’tiādi. Iminā yathā vadanti, tathā akatattā pahāraṃ dentīti dasseti.
451. ஸசேபீதி எத்த² பிஸத்³தே³ன ஸசே அமரதி, கா நாம கதா², பாசித்தியமேவாதி த³ஸ்ஸேதி. பஹாரேனாதி பஹாரஹேதுனா. யதா²தி யேனாகாரேன. அயந்தி பி⁴க்கு². ந விரோசதீதி ந ஸோப⁴தி.
451.Sacepīti ettha pisaddena sace amarati, kā nāma kathā, pācittiyamevāti dasseti. Pahārenāti pahārahetunā. Yathāti yenākārena. Ayanti bhikkhu. Na virocatīti na sobhati.
452. ‘‘அனுபஸம்பன்னஸ்ஸா’’தி எத்த² அகாரஸ்ஸ அஞ்ஞத்த²ங் த³ஸ்ஸேதுங் வுத்தங் ‘‘க³ஹட்ட²ஸ்ஸ வா’’திஆதி³. பப்³ப³ஜிதஸ்ஸ வாதி பரிப்³பா³ஜகஸ்ஸ வா ஸாமணேரஸ்ஸ வா.
452. ‘‘Anupasampannassā’’ti ettha akārassa aññatthaṃ dassetuṃ vuttaṃ ‘‘gahaṭṭhassa vā’’tiādi. Pabbajitassa vāti paribbājakassa vā sāmaṇerassa vā.
453. ‘‘கேனசீ’’தி பத³ஸ்ஸ அத்த²ங் த³ஸ்ஸேதுங் வுத்தங் ‘‘மனுஸ்ஸேன வா’’திஆதி³. ததோதி விஹேட²னதோ, இமினா மொக்க²ஸ்ஸ அபாதா³னங் த³ஸ்ஸேதி, ‘‘அத்தனோ’’தி இமினா ஸம்ப³ந்த⁴ங் த³ஸ்ஸேதி. ‘‘பத்த²யமானோ’’தி இமினா ‘‘அதி⁴ப்பாயோ’’தி பத³ஸ்ஸத்த²ங் த³ஸ்ஸேதி. முக்³க³ரேன வாதி சதுஹத்த²த³ண்ட³ஸ்ஸ அத்³தே⁴ன த³ண்டே³ன வா. ஸோதி சோராதி³கோதி. சதுத்த²ங்.
453. ‘‘Kenacī’’ti padassa atthaṃ dassetuṃ vuttaṃ ‘‘manussena vā’’tiādi. Tatoti viheṭhanato, iminā mokkhassa apādānaṃ dasseti, ‘‘attano’’ti iminā sambandhaṃ dasseti. ‘‘Patthayamāno’’ti iminā ‘‘adhippāyo’’ti padassatthaṃ dasseti. Muggarena vāti catuhatthadaṇḍassa addhena daṇḍena vā. Soti corādikoti. Catutthaṃ.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவிப⁴ங்க³ • Mahāvibhaṅga / 8. ஸஹத⁴ம்மிகவக்³கோ³ • 8. Sahadhammikavaggo
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவிப⁴ங்க³-அட்ட²கதா² • Mahāvibhaṅga-aṭṭhakathā / 4. பஹாரஸிக்கா²பத³வண்ணனா • 4. Pahārasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / ஸாரத்த²தீ³பனீ-டீகா • Sāratthadīpanī-ṭīkā / 4. பஹாரஸிக்கா²பத³வண்ணனா • 4. Pahārasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / வஜிரபு³த்³தி⁴-டீகா • Vajirabuddhi-ṭīkā / 4. பஹாரஸிக்கா²பத³வண்ணனா • 4. Pahārasikkhāpadavaṇṇanā
டீகா • Tīkā / வினயபிடக (டீகா) • Vinayapiṭaka (ṭīkā) / விமதிவினோத³னீ-டீகா • Vimativinodanī-ṭīkā / 4. பஹாரஸிக்கா²பத³வண்ணனா • 4. Pahārasikkhāpadavaṇṇanā
