| Library / Tipiṭaka / তিপিটক • Tipiṭaka / পাচিত্যাদিযোজনাপাল়ি • Pācityādiyojanāpāḷi |
৪. পহারসিক্খাপদং
4. Pahārasikkhāpadaṃ
৪৪৯. চতুত্থে কস্মা ছব্বগ্গিযা সত্তরসৰগ্গিযানং পহারং দেন্তি, ননু অকারণেন পহারং দেন্তীতি আহ ‘‘আৰুসো’’তিআদি। ইমিনা যথা ৰদন্তি, তথা অকতত্তা পহারং দেন্তীতি দস্সেতি।
449. Catutthe kasmā chabbaggiyā sattarasavaggiyānaṃ pahāraṃ denti, nanu akāraṇena pahāraṃ dentīti āha ‘‘āvuso’’tiādi. Iminā yathā vadanti, tathā akatattā pahāraṃ dentīti dasseti.
৪৫১. সচেপীতি এত্থ পিসদ্দেন সচে অমরতি, কা নাম কথা, পাচিত্তিযমেৰাতি দস্সেতি। পহারেনাতি পহারহেতুনা। যথাতি যেনাকারেন। অযন্তি ভিক্খু। ন ৰিরোচতীতি ন সোভতি।
451.Sacepīti ettha pisaddena sace amarati, kā nāma kathā, pācittiyamevāti dasseti. Pahārenāti pahārahetunā. Yathāti yenākārena. Ayanti bhikkhu. Na virocatīti na sobhati.
৪৫২. ‘‘অনুপসম্পন্নস্সা’’তি এত্থ অকারস্স অঞ্ঞত্থং দস্সেতুং ৰুত্তং ‘‘গহট্ঠস্স ৰা’’তিআদি। পব্বজিতস্স ৰাতি পরিব্বাজকস্স ৰা সামণেরস্স ৰা।
452. ‘‘Anupasampannassā’’ti ettha akārassa aññatthaṃ dassetuṃ vuttaṃ ‘‘gahaṭṭhassa vā’’tiādi. Pabbajitassa vāti paribbājakassa vā sāmaṇerassa vā.
৪৫৩. ‘‘কেনচী’’তি পদস্স অত্থং দস্সেতুং ৰুত্তং ‘‘মনুস্সেন ৰা’’তিআদি। ততোতি ৰিহেঠনতো, ইমিনা মোক্খস্স অপাদানং দস্সেতি, ‘‘অত্তনো’’তি ইমিনা সম্বন্ধং দস্সেতি। ‘‘পত্থযমানো’’তি ইমিনা ‘‘অধিপ্পাযো’’তি পদস্সত্থং দস্সেতি। মুগ্গরেন ৰাতি চতুহত্থদণ্ডস্স অদ্ধেন দণ্ডেন ৰা। সোতি চোরাদিকোতি। চতুত্থং।
453. ‘‘Kenacī’’ti padassa atthaṃ dassetuṃ vuttaṃ ‘‘manussena vā’’tiādi. Tatoti viheṭhanato, iminā mokkhassa apādānaṃ dasseti, ‘‘attano’’ti iminā sambandhaṃ dasseti. ‘‘Patthayamāno’’ti iminā ‘‘adhippāyo’’ti padassatthaṃ dasseti. Muggarena vāti catuhatthadaṇḍassa addhena daṇḍena vā. Soti corādikoti. Catutthaṃ.
Related texts:
তিপিটক (মূল) • Tipiṭaka (Mūla) / ৰিনযপিটক • Vinayapiṭaka / মহাৰিভঙ্গ • Mahāvibhaṅga / ৮. সহধম্মিকৰগ্গো • 8. Sahadhammikavaggo
অট্ঠকথা • Aṭṭhakathā / ৰিনযপিটক (অট্ঠকথা) • Vinayapiṭaka (aṭṭhakathā) / মহাৰিভঙ্গ-অট্ঠকথা • Mahāvibhaṅga-aṭṭhakathā / ৪. পহারসিক্খাপদৰণ্ণনা • 4. Pahārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / সারত্থদীপনী-টীকা • Sāratthadīpanī-ṭīkā / ৪. পহারসিক্খাপদৰণ্ণনা • 4. Pahārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰজিরবুদ্ধি-টীকা • Vajirabuddhi-ṭīkā / ৪. পহারসিক্খাপদৰণ্ণনা • 4. Pahārasikkhāpadavaṇṇanā
টীকা • Tīkā / ৰিনযপিটক (টীকা) • Vinayapiṭaka (ṭīkā) / ৰিমতিৰিনোদনী-টীকা • Vimativinodanī-ṭīkā / ৪. পহারসিক্খাপদৰণ্ণনা • 4. Pahārasikkhāpadavaṇṇanā
