| Library / Tipiṭaka / तिपिटक • Tipiṭaka / पाचित्यादियोजनापाळि • Pācityādiyojanāpāḷi |
४. पहारसिक्खापदं
4. Pahārasikkhāpadaṃ
४४९. चतुत्थे कस्मा छब्बग्गिया सत्तरसवग्गियानं पहारं देन्ति, ननु अकारणेन पहारं देन्तीति आह ‘‘आवुसो’’तिआदि। इमिना यथा वदन्ति, तथा अकतत्ता पहारं देन्तीति दस्सेति।
449. Catutthe kasmā chabbaggiyā sattarasavaggiyānaṃ pahāraṃ denti, nanu akāraṇena pahāraṃ dentīti āha ‘‘āvuso’’tiādi. Iminā yathā vadanti, tathā akatattā pahāraṃ dentīti dasseti.
४५१. सचेपीति एत्थ पिसद्देन सचे अमरति, का नाम कथा, पाचित्तियमेवाति दस्सेति। पहारेनाति पहारहेतुना। यथाति येनाकारेन। अयन्ति भिक्खु। न विरोचतीति न सोभति।
451.Sacepīti ettha pisaddena sace amarati, kā nāma kathā, pācittiyamevāti dasseti. Pahārenāti pahārahetunā. Yathāti yenākārena. Ayanti bhikkhu. Na virocatīti na sobhati.
४५२. ‘‘अनुपसम्पन्नस्सा’’ति एत्थ अकारस्स अञ्ञत्थं दस्सेतुं वुत्तं ‘‘गहट्ठस्स वा’’तिआदि। पब्बजितस्स वाति परिब्बाजकस्स वा सामणेरस्स वा।
452. ‘‘Anupasampannassā’’ti ettha akārassa aññatthaṃ dassetuṃ vuttaṃ ‘‘gahaṭṭhassa vā’’tiādi. Pabbajitassa vāti paribbājakassa vā sāmaṇerassa vā.
४५३. ‘‘केनची’’ति पदस्स अत्थं दस्सेतुं वुत्तं ‘‘मनुस्सेन वा’’तिआदि। ततोति विहेठनतो, इमिना मोक्खस्स अपादानं दस्सेति, ‘‘अत्तनो’’ति इमिना सम्बन्धं दस्सेति। ‘‘पत्थयमानो’’ति इमिना ‘‘अधिप्पायो’’ति पदस्सत्थं दस्सेति। मुग्गरेन वाति चतुहत्थदण्डस्स अद्धेन दण्डेन वा। सोति चोरादिकोति। चतुत्थं।
453. ‘‘Kenacī’’ti padassa atthaṃ dassetuṃ vuttaṃ ‘‘manussena vā’’tiādi. Tatoti viheṭhanato, iminā mokkhassa apādānaṃ dasseti, ‘‘attano’’ti iminā sambandhaṃ dasseti. ‘‘Patthayamāno’’ti iminā ‘‘adhippāyo’’ti padassatthaṃ dasseti. Muggarena vāti catuhatthadaṇḍassa addhena daṇḍena vā. Soti corādikoti. Catutthaṃ.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महाविभङ्ग • Mahāvibhaṅga / ८. सहधम्मिकवग्गो • 8. Sahadhammikavaggo
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महाविभङ्ग-अट्ठकथा • Mahāvibhaṅga-aṭṭhakathā / ४. पहारसिक्खापदवण्णना • 4. Pahārasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā / ४. पहारसिक्खापदवण्णना • 4. Pahārasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā / ४. पहारसिक्खापदवण्णना • 4. Pahārasikkhāpadavaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / विमतिविनोदनी-टीका • Vimativinodanī-ṭīkā / ४. पहारसिक्खापदवण्णना • 4. Pahārasikkhāpadavaṇṇanā
