| Library / Tipiṭaka / තිපිටක • Tipiṭaka / පාචිත්‍යාදියොජනාපාළි • Pācityādiyojanāpāḷi |
4. පහාරසික්‌ඛාපදං
4. Pahārasikkhāpadaṃ
449. චතුත්‌ථෙ කස්‌මා ඡබ්‌බග්‌ගියා සත්‌තරසවග්‌ගියානං පහාරං දෙන්‌ති, නනු අකාරණෙන පහාරං දෙන්‌තීති ආහ ‘‘ආවුසො’’තිආදි. ඉමිනා යථා වදන්‌ති, තථා අකතත්‌තා පහාරං දෙන්‌තීති දස්‌සෙති.
449. Catutthe kasmā chabbaggiyā sattarasavaggiyānaṃ pahāraṃ denti, nanu akāraṇena pahāraṃ dentīti āha ‘‘āvuso’’tiādi. Iminā yathā vadanti, tathā akatattā pahāraṃ dentīti dasseti.
451. සචෙපීති එත්‌ථ පිසද්‌දෙන සචෙ අමරති, කා නාම කථා, පාචිත්‌තියමෙවාති දස්‌සෙති. පහාරෙනාති පහාරහෙතුනා. යථාති යෙනාකාරෙන. අයන්‌ති භික්‌ඛු. න විරොචතීති න සොභති.
451.Sacepīti ettha pisaddena sace amarati, kā nāma kathā, pācittiyamevāti dasseti. Pahārenāti pahārahetunā. Yathāti yenākārena. Ayanti bhikkhu. Na virocatīti na sobhati.
452. ‘‘අනුපසම්‌පන්‌නස්‌සා’’ති එත්‌ථ අකාරස්‌ස අඤ්‌ඤත්‌ථං දස්‌සෙතුං වුත්‌තං ‘‘ගහට්‌ඨස්‌ස වා’’තිආදි. පබ්‌බජිතස්‌ස වාති පරිබ්‌බාජකස්‌ස වා සාමණෙරස්‌ස වා.
452. ‘‘Anupasampannassā’’ti ettha akārassa aññatthaṃ dassetuṃ vuttaṃ ‘‘gahaṭṭhassa vā’’tiādi. Pabbajitassa vāti paribbājakassa vā sāmaṇerassa vā.
453. ‘‘කෙනචී’’ති පදස්‌ස අත්‌ථං දස්‌සෙතුං වුත්‌තං ‘‘මනුස්‌සෙන වා’’තිආදි. තතොති විහෙඨනතො, ඉමිනා මොක්‌ඛස්‌ස අපාදානං දස්‌සෙති, ‘‘අත්‌තනො’’ති ඉමිනා සම්‌බන්‌ධං දස්‌සෙති. ‘‘පත්‌ථයමානො’’ති ඉමිනා ‘‘අධිප්‌පායො’’ති පදස්‌සත්‌ථං දස්‌සෙති. මුග්‌ගරෙන වාති චතුහත්‌ථදණ්‌ඩස්‌ස අද්‌ධෙන දණ්‌ඩෙන වා. සොති චොරාදිකොති. චතුත්‌ථං.
453. ‘‘Kenacī’’ti padassa atthaṃ dassetuṃ vuttaṃ ‘‘manussena vā’’tiādi. Tatoti viheṭhanato, iminā mokkhassa apādānaṃ dasseti, ‘‘attano’’ti iminā sambandhaṃ dasseti. ‘‘Patthayamāno’’ti iminā ‘‘adhippāyo’’ti padassatthaṃ dasseti. Muggarena vāti catuhatthadaṇḍassa addhena daṇḍena vā. Soti corādikoti. Catutthaṃ.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවිභඞ්‌ග • Mahāvibhaṅga / 8. සහධම්‌මිකවග්‌ගො • 8. Sahadhammikavaggo
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවිභඞ්‌ග-අට්‌ඨකථා • Mahāvibhaṅga-aṭṭhakathā / 4. පහාරසික්‌ඛාපදවණ්‌ණනා • 4. Pahārasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā / 4. පහාරසික්‌ඛාපදවණ්‌ණනා • 4. Pahārasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā / 4. පහාරසික්‌ඛාපදවණ්‌ණනා • 4. Pahārasikkhāpadavaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / විමතිවිනොදනී-ටීකා • Vimativinodanī-ṭīkā / 4. පහාරසික්‌ඛාපදවණ්‌ණනා • 4. Pahārasikkhāpadavaṇṇanā
