| Library / Tipiṭaka / திபிடக • Tipiṭaka / கங்கா²விதரணீ-அபி⁴னவ-டீகா • Kaṅkhāvitaraṇī-abhinava-ṭīkā |
4. பஹாரஸிக்கா²பத³வண்ணனா
4. Pahārasikkhāpadavaṇṇanā
பஹாரங் த³தெ³ய்யாதி அந்தமஸோ உப்பலபத்தங் உபாதா³ய காயகாயப்படிப³த்³த⁴னிஸ்ஸக்³கி³யானங் அஞ்ஞதரேன பஹாரங் த³தெ³ய்ய. ஏவங் பன பஹாரே தி³ன்னே ஹத்தோ² வா பி⁴ஜ்ஜது, பாதோ³ வா ஸீஸங் வா, மரது வா, பாசித்தியமேவ. தேனாஹ ‘‘பஹரிதுகாமதாயா’’திஆதி³.
Pahāraṃ dadeyyāti antamaso uppalapattaṃ upādāya kāyakāyappaṭibaddhanissaggiyānaṃ aññatarena pahāraṃ dadeyya. Evaṃ pana pahāre dinne hattho vā bhijjatu, pādo vā sīsaṃ vā, maratu vā, pācittiyameva. Tenāha ‘‘paharitukāmatāyā’’tiādi.
அனுபஸம்பன்னேதி க³ஹட்டே² வா பப்³ப³ஜிதே வா இத்தி²யா வா புரிஸே வா அந்தமஸோ திரச்சா²னக³தேபி. ஸசே பன ரத்தசித்தோ இத்தி²ங் பஹரதி, ஸங்கா⁴தி³ஸேஸோ. கேனசி விஹேடி²யமானஸ்ஸாதி மனுஸ்ஸேன வா திரச்சா²னக³தேன வா விஹேடி²யமானஸ்ஸ. மொக்கா²தி⁴ப்பாயஸ்ஸாதி ததோ அத்தனோ மொக்க²ங் பத்த²யமானஸ்ஸ. ஸசேபி அந்தராமக்³கே³ (பாசி॰ அட்ட²॰ 453) சோரங் வா பச்சத்தி²கங் வா விஹேடே²துகாமங் தி³ஸ்வா ‘‘உபாஸக, எத்தே²வ திட்ட², மா ஆக³மித்தா²’’தி வத்வா வசனங் அனாதி³யித்வா ஆக³ச்ச²ந்தங் ‘‘க³ச்ச² ரே’’தி முக்³க³ரேன வா ஸத்த²கேன வா பஹரித்வா யாதி, ஸோ சே தேன பஹாரேன மரதி, அனாபத்தியேவ. வாளமிகே³ஸுபி ஏஸேவ நயோ.
Anupasampanneti gahaṭṭhe vā pabbajite vā itthiyā vā purise vā antamaso tiracchānagatepi. Sace pana rattacitto itthiṃ paharati, saṅghādiseso. Kenaci viheṭhiyamānassāti manussena vā tiracchānagatena vā viheṭhiyamānassa. Mokkhādhippāyassāti tato attano mokkhaṃ patthayamānassa. Sacepi antarāmagge (pāci. aṭṭha. 453) coraṃ vā paccatthikaṃ vā viheṭhetukāmaṃ disvā ‘‘upāsaka, ettheva tiṭṭha, mā āgamitthā’’ti vatvā vacanaṃ anādiyitvā āgacchantaṃ ‘‘gaccha re’’ti muggarena vā satthakena vā paharitvā yāti, so ce tena pahārena marati, anāpattiyeva. Vāḷamigesupi eseva nayo.
பஹாரஸிக்கா²பத³வண்ணனா நிட்டி²தா.
Pahārasikkhāpadavaṇṇanā niṭṭhitā.
