| Library / Tipiṭaka / д̇ибидага • Tipiṭaka / ган̇каавид̇аран̣ий-абхинава-дийгаа • Kaṅkhāvitaraṇī-abhinava-ṭīkā |
4. бахаарасигкаабад̣̇аван̣н̣анаа
4. Pahārasikkhāpadavaṇṇanā
бахаарам̣ д̣̇ад̣̇зяяаад̇и анд̇амасо уббалабад̇д̇ам̣ убаад̣̇ааяа гааяагааяаббадиб̣ад̣̇д̇ханиссаг̇г̇ияаанам̣ ан̃н̃ад̇арзна бахаарам̣ д̣̇ад̣̇зяяа. звам̣ бана бахаарз д̣̇иннз хад̇т̇о ваа бхиж̇ж̇ад̇у, баад̣̇о ваа сийсам̣ ваа, марад̇у ваа, баажид̇д̇ияамзва. д̇знааха ‘‘бахарид̇угаамад̇ааяаа’’д̇иаад̣̇и.
Pahāraṃ dadeyyāti antamaso uppalapattaṃ upādāya kāyakāyappaṭibaddhanissaggiyānaṃ aññatarena pahāraṃ dadeyya. Evaṃ pana pahāre dinne hattho vā bhijjatu, pādo vā sīsaṃ vā, maratu vā, pācittiyameva. Tenāha ‘‘paharitukāmatāyā’’tiādi.
анубасамбаннзд̇и г̇ахадтз ваа баб̣б̣аж̇ид̇з ваа ид̇т̇ияаа ваа бурисз ваа анд̇амасо д̇иражчаанаг̇ад̇зби. сажз бана рад̇д̇ажид̇д̇о ид̇т̇им̣ бахарад̇и, сан̇гхаад̣̇исзсо. гзнажи вихзтияамаанассаад̇и мануссзна ваа д̇иражчаанаг̇ад̇зна ваа вихзтияамаанасса. могкаад̇хиббааяассаад̇и д̇ад̇о ад̇д̇ано могкам̣ бад̇т̇аяамаанасса. сажзби анд̇араамаг̇г̇з (баажи. адта. 453) жорам̣ ваа бажжад̇т̇игам̣ ваа вихзтзд̇угаамам̣ д̣̇исваа ‘‘убаасага, зд̇т̇зва д̇идта, маа ааг̇амид̇т̇аа’’д̇и вад̇ваа важанам̣ анаад̣̇ияид̇ваа ааг̇ажчанд̇ам̣ ‘‘г̇ажча рз’’д̇и муг̇г̇арзна ваа сад̇т̇агзна ваа бахарид̇ваа яаад̇и, со жз д̇зна бахаарзна марад̇и, анаабад̇д̇иязва. ваал̣амиг̇зсуби зсзва наяо.
Anupasampanneti gahaṭṭhe vā pabbajite vā itthiyā vā purise vā antamaso tiracchānagatepi. Sace pana rattacitto itthiṃ paharati, saṅghādiseso. Kenaci viheṭhiyamānassāti manussena vā tiracchānagatena vā viheṭhiyamānassa. Mokkhādhippāyassāti tato attano mokkhaṃ patthayamānassa. Sacepi antarāmagge (pāci. aṭṭha. 453) coraṃ vā paccatthikaṃ vā viheṭhetukāmaṃ disvā ‘‘upāsaka, ettheva tiṭṭha, mā āgamitthā’’ti vatvā vacanaṃ anādiyitvā āgacchantaṃ ‘‘gaccha re’’ti muggarena vā satthakena vā paharitvā yāti, so ce tena pahārena marati, anāpattiyeva. Vāḷamigesupi eseva nayo.
бахаарасигкаабад̣̇аван̣н̣анаа нидтид̇аа.
Pahārasikkhāpadavaṇṇanā niṭṭhitā.
