| Library / Tipiṭaka / ਤਿਪਿਟਕ • Tipiṭaka / ਮਹਾવਿਭਙ੍ਗ-ਅਟ੍ਠਕਥਾ • Mahāvibhaṅga-aṭṭhakathā |
੪. ਪਹਾਰਸਿਕ੍ਖਾਪਦવਣ੍ਣਨਾ
4. Pahārasikkhāpadavaṇṇanā
੪੪੯. ਚਤੁਤ੍ਥੇ – ਪਹਾਰਂ ਦੇਨ੍ਤੀਤਿ ‘‘ਆવੁਸੋ ਪੀਠਕਂ ਪਞ੍ਞਪੇਥ, ਪਾਦਧੋવਨਂ ਆਹਰਥਾ’’ਤਿਆਦੀਨਿ વਤ੍વਾ ਤਥਾ ਅਕਰੋਨ੍ਤਾਨਂ ਪਹਾਰਂ ਦੇਨ੍ਤਿ।
449. Catutthe – pahāraṃ dentīti ‘‘āvuso pīṭhakaṃ paññapetha, pādadhovanaṃ āharathā’’tiādīni vatvā tathā akarontānaṃ pahāraṃ denti.
੪੫੧. ਪਹਾਰਂ ਦੇਤਿ ਆਪਤ੍ਤਿ ਪਾਚਿਤ੍ਤਿਯਸ੍ਸਾਤਿ ਏਤ੍ਥ ਪਹਰਿਤੁਕਾਮਤਾਯ ਪਹਾਰੇ ਦਿਨ੍ਨੇ ਸਚੇਪਿ ਮਰਤਿ ਪਾਚਿਤ੍ਤਿਯਮੇવ। ਪਹਾਰੇਨ ਹਤ੍ਥੋ વਾ ਪਾਦੋ વਾ ਭਿਜ੍ਜਤਿ, ਸੀਸਂ વਾ ਭਿਨ੍ਨਂ ਹੋਤਿ, ਪਾਚਿਤ੍ਤਿਯਮੇવ। ‘‘ਯਥਾਯਂ ਸਙ੍ਘਮਜ੍ਝੇ ਨ વਿਰੋਚਤਿ, ਤਥਾ ਨਂ ਕਰੋਮੀ’’ਤਿ ਏવਂ વਿਰੂਪਕਰਣਾਧਿਪ੍ਪਾਯੇਨ ਕਣ੍ਣਂ વਾ ਨਾਸਂ વਾ ਛਿਨ੍ਦਤਿ, ਦੁਕ੍ਕਟਂ।
451.Pahāraṃ deti āpatti pācittiyassāti ettha paharitukāmatāya pahāre dinne sacepi marati pācittiyameva. Pahārena hattho vā pādo vā bhijjati, sīsaṃ vā bhinnaṃ hoti, pācittiyameva. ‘‘Yathāyaṃ saṅghamajjhe na virocati, tathā naṃ karomī’’ti evaṃ virūpakaraṇādhippāyena kaṇṇaṃ vā nāsaṃ vā chindati, dukkaṭaṃ.
੪੫੨. ਅਨੁਪਸਮ੍ਪਨ੍ਨਸ੍ਸਾਤਿ ਗਹਟ੍ਠਸ੍ਸ વਾ ਪਬ੍ਬਜਿਤਸ੍ਸ વਾ ਇਤ੍ਥਿਯਾ વਾ ਪੁਰਿਸਸ੍ਸ વਾ ਅਨ੍ਤਮਸੋ ਤਿਰਚ੍ਛਾਨਗਤਸ੍ਸਾਪਿ ਪਹਾਰਂ ਦੇਤਿ, ਦੁਕ੍ਕਟਂ। ਸਚੇ ਪਨ ਰਤ੍ਤਚਿਤ੍ਤੋ ਇਤ੍ਥਿਂ ਪਹਰਤਿ, ਸਙ੍ਘਾਦਿਸੇਸੋ।
452.Anupasampannassāti gahaṭṭhassa vā pabbajitassa vā itthiyā vā purisassa vā antamaso tiracchānagatassāpi pahāraṃ deti, dukkaṭaṃ. Sace pana rattacitto itthiṃ paharati, saṅghādiseso.
੪੫੩. ਕੇਨਚਿ વਿਹੇਠਿਯਮਾਨੋਤਿ ਮਨੁਸ੍ਸੇਨ વਾ ਤਿਰਚ੍ਛਾਨਗਤੇਨ વਾ વਿਹੇਠਿਯਮਾਨੋ। ਮੋਕ੍ਖਾਧਿਪ੍ਪਾਯੋਤਿ ਤਤੋ ਅਤ੍ਤਨੋ ਮੋਕ੍ਖਂ ਪਤ੍ਥਯਮਾਨੋ। ਪਹਾਰਂ ਦੇਤੀਤਿ ਕਾਯਕਾਯਪਟਿਬਦ੍ਧਨਿਸ੍ਸਗ੍ਗਿਯਾਨਂ ਅਞ੍ਞਤਰੇਨ ਪਹਾਰਂ ਦੇਤਿ, ਅਨਾਪਤ੍ਤਿ। ਸਚੇਪਿ ਅਨ੍ਤਰਾਮਗ੍ਗੇ ਚੋਰਂ વਾ ਪਚ੍ਚਤ੍ਥਿਕਂ વਾ વਿਹੇਠੇਤੁਕਾਮਂ ਦਿਸ੍વਾ ‘‘ਉਪਾਸਕ, ਏਤ੍ਥੇવ ਤਿਟ੍ਠ, ਮਾ ਆਗਮੀ’’ਤਿ વਤ੍વਾ વਚਨਂ ਅਨਾਦਿਯਿਤ੍વਾ ਆਗਚ੍ਛਨ੍ਤਂ ‘‘ਗਚ੍ਛ ਰੇ’’ਤਿ ਮੁਗ੍ਗਰੇਨ વਾ ਸਤ੍ਥਕੇਨ વਾ ਪਹਰਿਤ੍વਾ ਯਾਤਿ, ਸੋ ਚੇ ਤੇਨ ਪਹਾਰੇਨ ਮਰਤਿ, ਅਨਾਪਤ੍ਤਿਯੇવ। વਾਲ਼ਮਿਗੇਸੁਪਿ ਏਸੇવ ਨਯੋ। ਸੇਸਮੇਤ੍ਥ ਉਤ੍ਤਾਨਮੇવ। ਸਮੁਟ੍ਠਾਨਾਦੀਨਿ ਪਨਸ੍ਸ ਪਠਮਪਾਰਾਜਿਕਸਦਿਸਾਨਿ, ਇਦਂ ਪਨ ਦੁਕ੍ਖવੇਦਨਨ੍ਤਿ।
453.Kenaciviheṭhiyamānoti manussena vā tiracchānagatena vā viheṭhiyamāno. Mokkhādhippāyoti tato attano mokkhaṃ patthayamāno. Pahāraṃ detīti kāyakāyapaṭibaddhanissaggiyānaṃ aññatarena pahāraṃ deti, anāpatti. Sacepi antarāmagge coraṃ vā paccatthikaṃ vā viheṭhetukāmaṃ disvā ‘‘upāsaka, ettheva tiṭṭha, mā āgamī’’ti vatvā vacanaṃ anādiyitvā āgacchantaṃ ‘‘gaccha re’’ti muggarena vā satthakena vā paharitvā yāti, so ce tena pahārena marati, anāpattiyeva. Vāḷamigesupi eseva nayo. Sesamettha uttānameva. Samuṭṭhānādīni panassa paṭhamapārājikasadisāni, idaṃ pana dukkhavedananti.
ਪਹਾਰਸਿਕ੍ਖਾਪਦਂ ਚਤੁਤ੍ਥਂ।
Pahārasikkhāpadaṃ catutthaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਮਹਾવਿਭਙ੍ਗ • Mahāvibhaṅga / ੮. ਸਹਧਮ੍ਮਿਕવਗ੍ਗੋ • 8. Sahadhammikavaggo
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā / ੪. ਪਹਾਰਸਿਕ੍ਖਾਪਦવਣ੍ਣਨਾ • 4. Pahārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ੪. ਪਹਾਰਸਿਕ੍ਖਾਪਦવਣ੍ਣਨਾ • 4. Pahārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ੪. ਪਹਾਰਸਿਕ੍ਖਾਪਦવਣ੍ਣਨਾ • 4. Pahārasikkhāpadavaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ੪. ਪਹਾਰਸਿਕ੍ਖਾਪਦਂ • 4. Pahārasikkhāpadaṃ
