| Library / Tipiṭaka / ਤਿਪਿਟਕ • Tipiṭaka / ਕਙ੍ਖਾવਿਤਰਣੀ-ਅਭਿਨવ-ਟੀਕਾ • Kaṅkhāvitaraṇī-abhinava-ṭīkā |
੪. ਪਹਾਰਸਿਕ੍ਖਾਪਦવਣ੍ਣਨਾ
4. Pahārasikkhāpadavaṇṇanā
ਪਹਾਰਂ ਦਦੇਯ੍ਯਾਤਿ ਅਨ੍ਤਮਸੋ ਉਪ੍ਪਲਪਤ੍ਤਂ ਉਪਾਦਾਯ ਕਾਯਕਾਯਪ੍ਪਟਿਬਦ੍ਧਨਿਸ੍ਸਗ੍ਗਿਯਾਨਂ ਅਞ੍ਞਤਰੇਨ ਪਹਾਰਂ ਦਦੇਯ੍ਯ। ਏવਂ ਪਨ ਪਹਾਰੇ ਦਿਨ੍ਨੇ ਹਤ੍ਥੋ વਾ ਭਿਜ੍ਜਤੁ, ਪਾਦੋ વਾ ਸੀਸਂ વਾ, ਮਰਤੁ વਾ, ਪਾਚਿਤ੍ਤਿਯਮੇવ। ਤੇਨਾਹ ‘‘ਪਹਰਿਤੁਕਾਮਤਾਯਾ’’ਤਿਆਦਿ।
Pahāraṃ dadeyyāti antamaso uppalapattaṃ upādāya kāyakāyappaṭibaddhanissaggiyānaṃ aññatarena pahāraṃ dadeyya. Evaṃ pana pahāre dinne hattho vā bhijjatu, pādo vā sīsaṃ vā, maratu vā, pācittiyameva. Tenāha ‘‘paharitukāmatāyā’’tiādi.
ਅਨੁਪਸਮ੍ਪਨ੍ਨੇਤਿ ਗਹਟ੍ਠੇ વਾ ਪਬ੍ਬਜਿਤੇ વਾ ਇਤ੍ਥਿਯਾ વਾ ਪੁਰਿਸੇ વਾ ਅਨ੍ਤਮਸੋ ਤਿਰਚ੍ਛਾਨਗਤੇਪਿ। ਸਚੇ ਪਨ ਰਤ੍ਤਚਿਤ੍ਤੋ ਇਤ੍ਥਿਂ ਪਹਰਤਿ, ਸਙ੍ਘਾਦਿਸੇਸੋ। ਕੇਨਚਿ વਿਹੇਠਿਯਮਾਨਸ੍ਸਾਤਿ ਮਨੁਸ੍ਸੇਨ વਾ ਤਿਰਚ੍ਛਾਨਗਤੇਨ વਾ વਿਹੇਠਿਯਮਾਨਸ੍ਸ। ਮੋਕ੍ਖਾਧਿਪ੍ਪਾਯਸ੍ਸਾਤਿ ਤਤੋ ਅਤ੍ਤਨੋ ਮੋਕ੍ਖਂ ਪਤ੍ਥਯਮਾਨਸ੍ਸ। ਸਚੇਪਿ ਅਨ੍ਤਰਾਮਗ੍ਗੇ (ਪਾਚਿ॰ ਅਟ੍ਠ॰ ੪੫੩) ਚੋਰਂ વਾ ਪਚ੍ਚਤ੍ਥਿਕਂ વਾ વਿਹੇਠੇਤੁਕਾਮਂ ਦਿਸ੍વਾ ‘‘ਉਪਾਸਕ, ਏਤ੍ਥੇવ ਤਿਟ੍ਠ, ਮਾ ਆਗਮਿਤ੍ਥਾ’’ਤਿ વਤ੍વਾ વਚਨਂ ਅਨਾਦਿਯਿਤ੍વਾ ਆਗਚ੍ਛਨ੍ਤਂ ‘‘ਗਚ੍ਛ ਰੇ’’ਤਿ ਮੁਗ੍ਗਰੇਨ વਾ ਸਤ੍ਥਕੇਨ વਾ ਪਹਰਿਤ੍વਾ ਯਾਤਿ, ਸੋ ਚੇ ਤੇਨ ਪਹਾਰੇਨ ਮਰਤਿ, ਅਨਾਪਤ੍ਤਿਯੇવ। વਾਲ਼ਮਿਗੇਸੁਪਿ ਏਸੇવ ਨਯੋ।
Anupasampanneti gahaṭṭhe vā pabbajite vā itthiyā vā purise vā antamaso tiracchānagatepi. Sace pana rattacitto itthiṃ paharati, saṅghādiseso. Kenaci viheṭhiyamānassāti manussena vā tiracchānagatena vā viheṭhiyamānassa. Mokkhādhippāyassāti tato attano mokkhaṃ patthayamānassa. Sacepi antarāmagge (pāci. aṭṭha. 453) coraṃ vā paccatthikaṃ vā viheṭhetukāmaṃ disvā ‘‘upāsaka, ettheva tiṭṭha, mā āgamitthā’’ti vatvā vacanaṃ anādiyitvā āgacchantaṃ ‘‘gaccha re’’ti muggarena vā satthakena vā paharitvā yāti, so ce tena pahārena marati, anāpattiyeva. Vāḷamigesupi eseva nayo.
ਪਹਾਰਸਿਕ੍ਖਾਪਦવਣ੍ਣਨਾ ਨਿਟ੍ਠਿਤਾ।
Pahārasikkhāpadavaṇṇanā niṭṭhitā.
